والليل اذا عشق

36

السلام عليكم

شلونكم اخباركم ان شاءالله تمام

صلو ع النبي سمو بالله اوعكم تنسون ال☆
انزلو للبارت

يارب انا اغار فليت البشر لم يخلقو....

اليوم خميس باجر جمعه احب الجمعه يناس احب هاليوم

بدلنا وطلعنا للمدرسه

فتنا ع المدرسه

وصار اصطفاف بما انو اليوم خميس
كل خميس اصطفاف
لقت المديره كلمتها عتبكم على الي اهتم اااه انها بعض التراهات على شكل قنبله مندفعه نحو السادس بكافه ضواحيه
بدأت بها
ب اييييهااااااا الشعب العراقي
جذب جذب هههههه

:صففففق سااااادس الكااادر كاعد يشتكي من مستواكم العلمي المنحدر

والله يشتكي ما يشتكي هاي مشكلته متعود على الشكوى مدامنه عراقي

فتنا للصف

وكاعدين

جان يدخل قنبله صاعقه رعديه وبرقيه وخنفشاريه
جعلتني افكر في مستقبلي

او ماي كاد
هي از باااان انه لعنه

طب للشعبه وكلنا فتحنا حلكنا
هذا مستحيل يكون من هنا ام بوسبل
جان لابس بنطلون برونزي وقميص اسود
وجاكيت نيلي من شاموا
ذو رقع من الكوع
اويلي شكد احب هالمودل
لابس بوت زيتوني وساعه زيتوني
رافع شعره وشعره مو مكوله مثل هالمهبلين اصحاب الخبال شعرهم تكول برج خليفه
وعنده لحيه
عيونه جوزيات
بلشت ارسم قصه حبنا
واو مخيلتي واسعه

:كعدو بنات ماكو داعي تكومون اعرفكم بنفسي اني استاذ مؤيد راح ادرسكم لغه انجليزيه

لاااااا يمعود خربتها انجليزيه شنو

:امزح رح ادرسكم لغه انكليزي ان شاءالله اكون كد المسؤوليه واكون اوصللكم المعلومه بأدق تفصيل وابسط شرح عرفوني عن نفسكم

ااااه شكد اكره هاي الفقره
عرفي عن نفسج
انا كائن مستقيل من حياته

وصل الدور الي كمت:ازل احمد عزيز

كال:اخت معتصم

لا ماشاءالله عرف الولد

هزيت راسي

:استريحي بابا

وهنا قصه حبنا انتهت عندما قال لي بابا ابن القنادر جاهل تا تكلي بابا

مؤيد:اي شلونكم بالانكليزي

:مو زينين

عزااا الكل ساكت واني مندمجه حسبالي رح يحجون

:اي اخت معتصم ليش مو زينه بالانكليزي

:اواجه صعوبه بالنطق او بالاحرف الصوتيه