والليل اذا عشق

23

السلام عليكم

اقدم الكم خالص اعتذاري بسبب عدم انتضامي بالنشر بس من انشر رح انشر اكثر من بارت كتعويض
واذا شفت اكو فويت وكومنت وتشجيع ادللو

اذا جاهزين للبارت صلو ع النبي وسمو بالله
ولتنسون النجمه تلكوها بالشريط تحت

يكول مضفر النواب

يمرجحنا التعب لله
                      ويرد بينه........

كاعدين تلاثتنا وطلعو الولد

شافونا كاعد نتريك

جم تجاهنا

نزلو روسهم

نيار: البقيه بحياتج مرت اخوي الله يصبرج ويعوضج يارب

: تسلم

عزوها الولد

وطلعو متعودين بالعطله يطلعون يتمشون

شلت الصينيه وفتت جوه
كعدت البنات وكامن يسون ريوك
فتت ع غرفتنا لميتها وطلعنا اني ونورسين نلم غرفه الولد
لمينا البيت وكعدو يتريكون
كعدت اكلب بالتلفون دحكت ماشفت نورهان
طلعت برى لكيتها بمكانها وتبجي

كعدت بسدها

احس نفسي اتربط من اشوف واحد يبجي وما اكدر اواسي واني لازم اواسي
انتبهت فلافي من شافني جي علي
كعدته بيني وبينها بلكي تتلهى شوي

: من رحتو كالي اريد ازل تضل تجي علينا وتجيب فلافي وياها

تلمست فرو فلافي وكالت وهي تمسح دموعها

: كال اريد واحد مثل فلافي علمود من اشوفه العب ويا ويطيب راسي

كلت:من كالي رماح انصدمت ماجنت متوقعه هيج شي ابد

هزت راسها وكالت

:جان نايم وكعدت اقيس خرارته مثل كل مره كعد
يحجي عادي ماكو نص ساعه وكام يبجي و يراجع وراسه نار حطيتله كمادات وخليت سبيروتو وقطن بس حتى تخف حراته ماكو وهو يصرخ ويراجع باسمترار اختنك شلته وكام ينزل دم من انفه بحيث كام يشحذ النفس شحاذه ويشاخط
دكيت على رماح ومن جي اخذنا للمشفى
ماكو ثواني وكام كلشي بي ينزف دم مسامات ايدي ينزفن وحلكه يوغف ووجها شحب وكلب عيونه
كمت اصرخ

سكتت وكامت تشهك الله يعينها من توصفلي ما اكدر اتخيل بكد مو الحدث مريع وفضيع

:كمت اصرخ وجم الدكاتره ماكو نص ساعه وهو ينادي برماح يكله بابا وسكت كل ضني هدى من المهدئات الي ينطوهيا بس ما عبالي اللوعه راح تصير لوعات اباوع علي اشوفه مغطاي وبس ايده نازله من السرير وتنقط دم بالكاع
اريد افوت اكشف وجهة ميقبلون اكلهم يختنك اعرف هو ميت بس ص صعب علي اصدك ككلت الله كلشي يكدر يسوي
بلكي اكشف وجهة ويرجع يتنفس فتت للغرفه ومسكت ايده وو ومدري بعدها شصار كعدت ولكيت روحي نايمه سوده بوجهي انام وابني مو بالدنيا شلي بالدنيا واني عايشتها علموده