السلام عليكم
شلونكم شخباركم إن شاءلله تكونون بخير
لتنسون التصويت
علقوا على الفقرات
سموا بالله وصلوا ع النبي ﷺ
جنا كاعدين بالصاله
الي كاعد ع المباراة والي واكف يدخن يم الشباك ويذب سماد الجكارة برى الشباك
والي مكنك على تلفونه
الا عثمان بزونة المطابخ
سمعنا طبة كلش قوية
طلعنا نركض
فتت لغرفة علي و الكالك عثمان فاتح حلكه ويا باب الكنتور و واكعه جنطه مالت غيتار
كلت: شتسوي بغرفة الولد
عثمان: هو كلي من تريد تبدل اخذ ملابس من يمي فتت فتحت الملحق عبالي المناشف فوك وكع منها هذا
كلت واني افتح الجنطة: بس لا انكسر
عثمان: عساف لتصير متشائم اسكت وشوفه بس لا انكسر صحي
حمزه: عبالك تعيد كلام عساف
عساف وهو يرفع الغيتار من الجنطه
: عثمان اخذ ملابس واطلع لتفوت لتلزم شي يخي انت شنو ايدك نار الا تخرب
عثمان: بس كلي انكسر
علي: شكوو شبيكم
حمزه: ماكو شي
عساف: ماكو شي بس تعرف عثمان شكد ايده رقيقة فاتح كنتورك حتى يطلع منشفة ووكع الغيتار
علي: انكسر الشر يولو والله خفت كلت احد مات المهم اروح اسبح اذا انكسر الزمه عثمان وذبه واذا لا خلي ع الجرباية حمزه بربك جهز العشا جبته وياي
عثمان: لا والله ما تتحرك الا اني احضرلك الحمام شوف هو والله ما انكسر بس كعربون الك شكد انت انسان راقي
ضحك علي تحت انظارنا عليهم
كعد ع الجرباية وهو ينزع حذائة ويخلي الجواريب على صفحه
وعثمان يركض منا ومنا يحضرله ملابسه
فات علي يسبح وكعدنا بالصاله حمزه يفتح الاكل الي جابه علي
احمد جاب كلاصات للببسي
طلع علي وهو مخلي المنشفة على ركبته وكعد بالكاع
كال: يلا يول وين رحتوا فارط من الجوع ترى
كعدنا سوية وهو يضحك على عثمان الي كل شوي يصبله ببسي
ويقدمله لحمة بعجين
ويخليله سلطه
علي: عثمان ضل بتركيا وياي
عثمان: خطيبتي تكتلني
كال هيج لو شركنا بالببسي
علي: اخخخخسسس ع الشوارب
عثمان: يول هي بس كتلها اروح لتركيا كلبت الدنيا يولد لحد يهجم بيته على نفسه ويخطب ديروا بالكم
لحد هسه متحجي وياي مسويتاها زعلة
ESTÁS LEYENDO
والليل اذا عشق
De Todoالنسوان تتصارخ والاطفال يبجون والزلم تستنجد ناس غركت وناس بعدها تلتقط انفاسها الاخيره وناس تحاول تسبح انكلبت العباره والعالم كلها صرخت احس نفسي اختنك كلما انزل بالمي بابا ماسك ايدي ويشهك من المي كلما يغطي جزئ منه كمت ابجي ضعفي كاعد يسيطر علي...
