والليل اذا عشق

77

السلام عليكم

سموا صلوا ع النبي ﷺ

لتنسون التصويت وعقلوا بين الفقرات

شموخ

جان هادي وعيونه تتفحص شعري

بس من كتله هيج عيونه انفتحت على مصرعهن

استعدل بكعدته وكال

: شنو

: مثلما سمعت

وكف: لا ما سمعت شكلتي عيدي اخاف اني يتهيألي

وكفت كدامة: طلكني

: انتي واعية لو شاربة شي منتهي الصلاحية شنو الكلام هذا شدا تحجين

: اي واعية وبكل قواي العقلية ليش متفاجئ يعني

: طبعا اتفاجئ هالكد الموضوع عندج عادي مدا افتهم طريقة تفكيرج ترى

: ماكو داعي تفهمها

: شموخ هالكلام مو الي سمحت الج هواي ترى لتتغطرسين حدج وكفاية

تكتفت وكلت: شتسوي مثلا تشوف اتغطرس وتطلكني

: هههه واذا ما طلكت انتي اوك اوك فهميني شنو السبب الي ديدفعج لهذا الكلام

كلت: ماكو سبب مجرد هالارتباط كاعد يخنكني

: وهسه يلا حجيتي

: لعد شوكت احجي بعد ما نتزوج مثلا؟

: لا يعني صرلنا اشهر مرتبطين شنو السبب الي خلاج توصلين لهاي النقطة ما تمشكلنا ولا صار بينا خلاف ابد حتى مسالة بسيطة بينا مصارت شدا تحجين شنو اطلك

: فارس اني فكرت واخذت وقتي ما النا نصيب سوى الله يوفقك واني الله يوفقني

: لحظة وين بعد وقت لهالكلام خل نتفاهم

كلت: مابي داعي التفاهم مراح يجيب نتيجة

: سبب واحد مقنع والج الي تردي

: مو مقتنعة

: اسبابج تافهة

: متوصل للتفاهة الي احنا بيها اني ناطرتك باجر كدام اخواني تجي وترمي علي يمينك وبعدها تصدقه بالمحكمة

: انصحج تعوفين التمسلت هذا وتروحين تاخذين شاور دافي ها وتنامين اني متاكد كاعد تمرين بضعط عصبي فمدا تفكرين بطريقة صح

كلت: لا صدكني اظن بحياتي كلها ما فكرت بصورة صحيحة بس هالمرة مقتنعة قراري وهذا هو

مشى للباب فتحه والتفت الي

: رح اعتبر نفسي مسمعت شي واصلا اعتبر نفسي ما اجيت ولا شفتج ارتاحي كم يوم واجي اشوفج ماشي حبيبي

وقبل لا ارد واعترض طلع وعافني

جنت واكفة واشوف الانفعال الي مبين من طريفة كلامهم بس كلشي ما اسمع عبالك تلفزيون موطي ع الاخر