السلام عليكم
شلونكم ان شاءالله تكونون بخير يارب
لتنسون التصويت علقوا ع الفقرات
سموا بالله و صلوا ع النبي ﷺ
نايمه واحس نفسي مخنوكه
فزيت على صراخ
كمت اركض اريد اشوف شكو
هذا صوت منو
بعدني ممفتهمه شي
شغلت الضو
شفت البنات هم مثلي
طلعت
وشفت امي بغرفة شبل
عرفت نورسين عدها ولاده
عزاااا هي عملية شلون تصير هيج
سمعت امي تناديني
طبيت
: حضري ملابسها ع السريع كولي لنيار ينادي عمتج وشبل شغل السيارة
كبل طلعت عبايتها ونزلت جنطتها الي حضرناها اول البارحه
ناديت نيار الي واكف بالصاله راح يجيب عمتي سهى
طلعت نورسين ماسكها شبل
صراحه ما كدرت ادحك عليها خفت اني جبانه
فاتت عمه سهى ورماح واكف اسمعه يكول يالله يالله
اخذوها وراحو
طبيت للغرفة البنات كلهن كاعدات على جربايتي ومجبنات
من شافني طفرن
كلت واني اتغطى: نورسين صارت عدها مدري ولاده مدري شنو والله ما اعرف واخذوها للمشفى اتصلو بدكتورتها وكالت جيبوها وننتظر والله كريم
ضليت كاعدة للسته الصبح واني ما كدرت انام
دكيت على شبل مارد
دكت عمه ميس
: ها عمة.. صباح النور عمري اي والله راحو قبل الفجر تقريبا بالتلاثه ونص هيج... يمكن بمشفى الرازي بس احتمال يحولوها مدري... عود طمنينا
... الله وياج
سديته منها وكعدت سليل
: كومي انتي مو دوامج صباحي
: ما روح انتظر البيبي
كلت: مو هسه يجون رح يسوولها عمليه ودكتورتها بعدها ما شرفت يلا كومي بدلي تا امشطلج ع السريع
سحبت ملابسها وفاتت تسبح
كمت اسوي بالريوك
كعد سبع ومعتصم
سبع: وين خواتج شنو ميروحن
: لا ما عدنه شي بالمختبر وماري اليوم تغيب غزل ما عدها محاضرات بس وحده
سبع: خابرتي شبل
: مارد
سبع: عساس مرتي حالتها خطره وخايف عليها ههههه
: هههه لا بس يجوز يصلي
سبع: تلكي هسه يطك ركعات ويرجع لورى يااارب كومهم بالسلامه يااارب احميهم ههه يدك اليتيمة
أنت تقرأ
والليل اذا عشق
Randomالنسوان تتصارخ والاطفال يبجون والزلم تستنجد ناس غركت وناس بعدها تلتقط انفاسها الاخيره وناس تحاول تسبح انكلبت العباره والعالم كلها صرخت احس نفسي اختنك كلما انزل بالمي بابا ماسك ايدي ويشهك من المي كلما يغطي جزئ منه كمت ابجي ضعفي كاعد يسيطر علي...
