والليل اذا عشق

46

سمو بالله صلو ع النبيﷺ

ما تنسون التصويت

موش صغار احنه كبار كبّرنه الوجع غفله......

كعدت راسي يوجعني بقوه
اني بغرفتنه
لابسه عبايه
فتحت الباب
صوت قرآن
يعني صحي ماتت

تكورت على نفسي وكمت ابجي
وراسي يوجعني بقوه احس واحد كاعد يسحب دماغي من الجمجه

واكفه
اني وين ها هاي صاله بيت عمو ناصر
سمعت صوت
غمضت ورجعت فتحت صوت جاهل يبجي
وصوته يخوف بعده طفل توه مولود من صوته عرفته بس وين
الصوت جاي من فوك
وين امه منو امه منو ابو ليش محد هنا
الصوت يخوف اول ما خليت رجلي على الدرجه تا اصعد

فزيت

البنات حوالي

شموخ: ليش نايمه بالكاع

سكتت

اصعب يوم مر بحياتي كلها
وما اتوقع رح يمر الاصعب منه
تشهد موت شخص كدام عيونك
توه جان يمي
مو جان يحجي وياي
وهنا جتي السوره الي بمعناها اقرب اليه من حبل الوريد

الموت قريب ع الانسان بس محد يشوفه ولا احد يدري بي
هو اذا ملك الموت يمر بكل جلسه يدور بيها الصمت
معناها اقرب للأنسان من الهوا الي يشتمه
خلال ثواني بسيطه المره وكعت
لوني مأكده عليها وكايلتلها نورهان ازعل عليج اذا ما نضفت عنج
لو تاركه العناد من راسها وما نضفت او انطتني انضف عنها
لو صعدت عليها ومسكتها وزلكت اني عنها ممكن ما تموت ولا اني اموت بس رح احميها
بس لو من الشيطان اعوذ بالله
بس هذا القدر وهذا يومها وهذا الي انكتب الها
اسئل الله انو يرحمها ويجعلها من الفائزين بالجنه
هي وبنتها
جانت ايام الفاتحه ايام صعبه وحيل
علينه كلنه
الله يرحمها ما أذت احد انسانه طريه ورقيقه لطيفه وجميله وحساسه
الله يرحمها الله يرحمها ياااارب سألتك ترحمها

انفتح الباب التفتت هذا سبع
جي يمي وحضني وكمت ابجي

: سبع والله ماجنت ادري رح تموت والله اذا ادري جنت صرت بدالها والله كتلها كتلها ن نورهان خليني انضف عن ج ما رادت تتعبن ي وهناك راحت سبع راحت

: الله يرحمها ان شاءالله من الشهداء لان راحت وهي تولد بنتها ادعيلها بدل لا تبجين كلنه مقهورين عليها
وكلنه متأثرين برحيلها
رماح من يوم الدفن مندري بي وين صارله اسبوع ماكو
شارك بالدفن ودفنهن ثنينهن ورى الفاتحه مندري بي وين
راح اتخبل صارلي اسبوع ماخليت مخفر ولا مستشفى ولا مكان
ماكو

: دور علي سبع خطيه لا يموت متدري شكد جانت تحبه خطيه والله جانت تسولف بي قبل لا تزلك

غطيت راسي بكفوف ادي وكمت ابجي
سبع: شلون صار هيج صح كلها من الله سبحانه بس شلون وكعت