السلام عليكم
شلونكم اخباركم ان شاءالله تكونون بخير
لاتنسون التصويت
اوك؟
سموا بالله وصلوا ع النبي ﷺ
كعدت الصبح على صياح عثمان
فزيت من طولي من شفته كاعد بالكاع وفاتح زيج فانيتله ويصيح
: يوييييلي عللللييك علاووويييي
كلت: شكووووو
فزوا الولد
وهو مستمر يصرخ ويجعج عبالك مرة وترملت
ضرب على فخاذه
: راح شبابك يخيييي
ضربته راشدي: شبيييك وينه علي شببيييي
عثمان: انهزززم علي ماكو راح يهاجر بالبحر والله غير يغرك يبوووووووو عليك يوليييديييييي
صفنت اريد استوعب شكاعد يمسلت
دكيت على علي تلفونه مشغولكلت: بس كلي شبيييك
عثمان: البارحة واكف يحجي تلفون واني فتت على غرفته شفته يسال عن طريق البحر لليونان
كلت: اييييي؟
حمزه: اقسم برب الكعبة اذا طلعت تجذب لا اذبحك
عثمان: دولي فوك مو جلب وله عاد يريد يذبح انت بس عدل النبحه مالتك المهم وهسه شفته من الصبح شال جنطة السفر وراح والله عبالي حلمان كعدت فتت للغرفة مالته ما لكيت لا ملابسه ولا جوازه ولا كلشي يوووولووو الوليييد غررررك
سمعت طبكة باب الشقة وصوت المفاتيح
التفتت فات علي للصالة
علي: شبيكم
بس كال هيج هجمنة على عثمان
حمزة وهو يخنكه: اذا اموتك احد يكلي ليش
عثمان: بحححح قحححح
كلت واني اتسطح على القنفة: كافي عوفه لا يفطس كوم عنه
عثمان: والله جيت اموت
كلت واني ارمي علي باكيت الكلنس
: ومتوتهم ان شاءالله حيوان جلطتني
علي: بس فهموني شبيكم
كلت: الكلب هذا صبح ينبح والله اخترعت نايم واسمع واحد ينعي تكول ارملة يويلي عليك علاوي
علي: ههههه خير شبي
حمزه: يحسبك هاجرت لليونان عن طريق البحر يضرب على رجلي ويكول والله غير يغرك هالولد يبوو على شبابك يبني
علي
فرطت من الضحك والله اريد الزم نفسي بعد ما اكدر صرلي اشهر ما ضحكت هيج
![](https://img.wattpad.com/cover/214349687-288-k879544.jpg)
YOU ARE READING
والليل اذا عشق
Randomالنسوان تتصارخ والاطفال يبجون والزلم تستنجد ناس غركت وناس بعدها تلتقط انفاسها الاخيره وناس تحاول تسبح انكلبت العباره والعالم كلها صرخت احس نفسي اختنك كلما انزل بالمي بابا ماسك ايدي ويشهك من المي كلما يغطي جزئ منه كمت ابجي ضعفي كاعد يسيطر علي...