والليل اذا عشق

79

السلام عليكم

شلونكم اخباركم يارب تكونون بالف الف خير يارب
بالبداية اسأل الله انو تكون سنة خير علينا وعليكم يارب اتمنى تكونون بخير دوم يارب وتحققون مو امنياتكم لا تحققون افضل من امنياتكم واحلامكم

اعتبروها مو معايدة لا دعاء بمناسبة ال2023 شنو رح تدعولي 🤔

ههههه اتوقع حتدعون الله يهديج ويخليج تنزلين بارتات لان طكينا واحنا ننطر
جد والله عندي ظروف لفوك راسي ما اكدر انزل اي شي وحتى الكتابة ما اكدر اكتب والله

ازل

من الفرحة كمت ما اسيطر احس كمية قوية من المشاعر داهمتني
ابجي واكمز والبنات يضحكن عليَّ وياشرن الي

التفتت واشوفلك نيار متكتف

واشوف سهم واكف عند باب الحوش ويهتز من الضحك
نيار لبسني ومشى وسهم الي جان كاتم ضحكته ضحك بقهقهة

سهم: تدرين حرامات لو صورت هلهلولتج واشوفلهيا

كلت: والله لو مسويها لا اعدمك حريتك

كال: بس ديلا يا نابليون امشي ناديلي امي واخذي البقر الي وياج لبيتنا وراكم حملة

ما انتظرت البنات كبل كمزت من الحايط
كعدت ع المرجوحه

تذكرت من بتت هنا ونمت الصبح ع المرجوحة وكعدت لكيت نفسي مغطاية بالبطاية مالت رماح
ابتسمت بضيق مسحت دموعي

انفتح الباب ههه اجن البنات شموخ فاتحه حلكها علي

: هييييييييي واني صرلي ساعه ادور عليج

نورسين: ههههههههه والله يا ازل انتي مخبلة

كلت: ما عليجن

نورسين: لعد فوتي اخذي مواد التنضيف وتوجهي لغرفة رماح

شموخ: لاااا نورسين انتي تنضفين غرفته ازل امشي ع البيت

اخذت مواد التنضيف ولبست شموخ وطلعت لغرفة رماح

فتحت باب غرفته اويييييييلييييييي واخيرا رح يجي
والله احس هسه يلا ارتاحيت
بية نشاط انظف مو بس غرفته لا انظف تلث بيوت

فتحت الشبابيك وبلشت انظف

فاتت نورسين: ههههه ولج ترى كملنا وانتي صرلج ساعة تجلفين

كلت واني امسح الاخشاب

: على قلبي عسل

: ههههههه الله يجمعكم عن قريب يارب

التفتت الي وكالت: ع القليل سوي نفسج مقدرتني وكولي امين

كلت: هههه استحيت والله

نورسين: هذا وانتي جاية لهنا قبلنا وتنضفين بغرفته
هههه طلعتي تستحين ههههه شو ما خلصتي