السلام عليكم
كل عام وانتو بخير والصحه والسلامه واهني نفسي واهنيكم على انقضاء الامتحانات
لو شوي وينقضي علينه
المهم
شلونكم بالامتحانات
عسى مو مزفتين
المهم جاهزين للبارت ع فكره صرلي من اخر بارت ما كتبت يعني حوالي سطعش يوم
يمكن اول مره يمر فوك العشر ايام وما اكتب اوم ما انشر ممكن بس ما اكتب هاي اشوفهة قويه
اما عن سالفه التصويت فكلت رح اغيب هالمده بسبب الامتحانات وان شاءالله الكه ناس تصوت
تدرون عدد المشاهده للبارت فوك الميه والتصويت يدوب تلاثه اربعه اريد اعرف شنو السبب وربي نفسي اعرف ليش متصوتون
ارجع واكول الي تصوت حسابها ينشر ويصعد
وانتو بكيفكم
نزلل
صلو ع النبيﷺ
سمو بالله
لتنسون النجمه يا بذاتين ☆
ازل
اليوم جان اخر يوم برمضان وباجر العيد بعد الفطور والتعليله
كلهم راحو ينامون كالعاده الا اني وسبع
طفينه التلفزيون
جبنه بطل ببسي وكدنه نشرب ببسي
خلص البطل لزمنا تا نلعب صراحه وتحدي
ومن راشدي لراشدي للي ميقبل التحدي
سبع سد الباب مالت الصاله علمود ما ينسمع الصوت لان رح اكوم ابجي هههههه
سبع طكك اصابعه
وكام يضحك
كعد وجبت الطاوله الارضيه طاوله قصيره مثل مالت اليابانيين بس دائريه حجمها وسط
سبع خله البطل ولفه وجي علي
سبع:لا يربك
:هههههه اوك صراحه لو تحدي
سبع:ممممم صراحه
:لا امانه شنو اسئلك
سبع:اي اي اسئليني جوعان لو لا
:اعرف الجواب جوعان السؤاااااالللللل مممممن
:ايييي
:عمرك دعيت على انسان بالموت
سبع:لا يا ستار لا ولا مره
ها لعد بس اني ادعي على رماح هههههههه
سبع رجع فر البطل طلع علي
سبع:من الاخر شنو تختارين
كلت:بكيفك اني ما عندي مانع
سبع:صراحه
:ماشي
سبع:رح اسئل واني هيج بس سؤال والله
:اي فتهمت كول
سبع:ليش باليوم الي لدغتج العكربه رماح ما سلم عليج
واااات شكله اكله جفصت
كلت:كالعاده رزلني وتمشكلت ويا وزعل
سبع:ازل والله يعني اني ما استحي منج جاوبيني انتي ليش متستحين عيب ترى رماح مو سبع هذا رماح يعني العمد مالت العيله ليش انتي متحترمي
YOU ARE READING
والليل اذا عشق
Randomالنسوان تتصارخ والاطفال يبجون والزلم تستنجد ناس غركت وناس بعدها تلتقط انفاسها الاخيره وناس تحاول تسبح انكلبت العباره والعالم كلها صرخت احس نفسي اختنك كلما انزل بالمي بابا ماسك ايدي ويشهك من المي كلما يغطي جزئ منه كمت ابجي ضعفي كاعد يسيطر علي...
