السلام عليكم
شلونكم بنات ان شاءالله بخير
اذا جاهزين للبارت
سمو بالله وصلو ع النبي
لتنسون النجمه
لما استعارت معطفي فوراً تغير موقفي
يا برد اينكَ من دمي انا شعلةٌ لا تنطفي
فهي استعارت معطفي
الكل من حولي هتف بردٌ ريهب وارتجف
وانا عن الكل اختلف
في داخلي دفئٌ خفي
فهي استعارت معطفي......
كاعد على الكنب مخلي السماعه باذنه ومبتسم
وكل شوي ابتسامته تشرق اكثر وهو يرفع عينه ويشوف الي على الطاوله
توسعت ابتسامته وهو يتذكر لما لبستها
كلت:رماح سهم يناديك يكول الولد جاب السجر
ترك السماعه ازاح نضره عن الابطيه الي ع الطاوله وكف
نزل فانيلته وطلع
اجاني الفضول اشوف شنو جان يسوي
جان مكابل الابطيه ومبتسم
خليت الهتفون وسمعت القصيده
تذكرت بالمطار انطاها الابطيه
استاذ رماح يسمع قصائد تذكره بيها
عرفت ليش ما يخليني اغسلها يالله ارحمني
احس دمي كام يغلي
شلتها وخليتها بالغساله اريد اغسلها من عبيرها
شنو الي لازم اسوي وامحيها من باله
ليش هيج
شنو الي بيها يختلف عني معقوله لان جنت متزوجه
زين ليش هيج
ليش مصمم يكرهني بيها ويخليني اكرها واحتقرها
ادري بيها متحبه ولا اصلا يخطر ببالها
بس هو متخبل بيها
محسسني اني نكره بحياته
طلعت للغرفه كعدت ع الجربايه وكمت ابجي
كلهم زينين وياي وهو زين وياي
بس اني ثقل علي اني ميريدني
معتبرني كأي غرض زايد
ممكن يحس انو اني طرف خرّب حياته
متاكده محد منهم رح يقبل انو يتزوج ازل بسببي
وهالشي رح يخلي يمقتني
رماح رح يخبلني بغموضه هو مو محسسني بأي شي
ولا متكلف مني ولا يتضاهر بانو اني ثقل علي
ممكن اكون اني اتخيل هيج شي
بس هو مو متقبلني ابد مع انو ما اضهر هالشي ابد بس
اني صرت عائق بينه وبين ازل
اعرف انو اني تصرفاتي بالفتره الاخيره ويا ازل كلها غلط
هي ساعدتني بعد الله
انو اطلع من مأساتي وارجع او مو ارجع ساعدتني
اكون اقوى بعد الله
بس ما اكدر
شي مو بيدي واني اشوف رماح معتبرها شي اساسي بحياته ومعتبرها محور كونه
لدرجه انو خلاني احس انو هو خيالها او توأمها
كلشي مدخل ازل بي
كلشي لازم ازل
كلشي ازل ازل
كم مره بتركيا يطلب منها هي مو مني واحنا لثنين كاعدات سوى
زين منو مرتك اني لو هي
ازل انطيني جاكيتي بالصاله
ازل كليلهم رماح راح
ازل سويلي الشغله الفلانيه
حتى نورسين ما يطلب منها بكد ما يطلب من ازل
طفرني من روحي
تقريبا اني عدهم حول التلث اربع اشهر
واني اشوفه يتأمل بس تاشر لو تطلب لمن ما كبل يلبيلها
والله لو اني اكوله شي او اطلب طلب يلبيلي
بس ينرفزني من هيج يتصرف
وهو يعرف انو هي مو مهتمتله ابد
بس مدري شبي يتصرف هيج
YOU ARE READING
والليل اذا عشق
Randomالنسوان تتصارخ والاطفال يبجون والزلم تستنجد ناس غركت وناس بعدها تلتقط انفاسها الاخيره وناس تحاول تسبح انكلبت العباره والعالم كلها صرخت احس نفسي اختنك كلما انزل بالمي بابا ماسك ايدي ويشهك من المي كلما يغطي جزئ منه كمت ابجي ضعفي كاعد يسيطر علي...
