السلام عليكم
لا تنسون النجمه ☆ متخسرون شي اذا ضغطتو عليها
وتعليقاتكم وتفاعلكم يسعدني
سمو بالله وصلو ع النبي ويلا نبدا
شموخ
جانت الدنيا ضلمه شوي وصار صوت خطوات بس خطوات مو خطوات عشره او عشرين لا صوت خطوات ملايين
شوي وصار نور خفيف مثل اول ما يلوح الفجر وبعدها لا النور قوى اكثر كدرت اشوف الي حوالي
التفتت وشفت الكعبه كدامي
تصاعدت انفاسي شفت كنزتي ترتفع وتنزل بسرعه بسبب سرعه تنفسي انتبهت لشي شفت ادي صغار مثل ادين طفل
وين شنو هذا معقوله اشو اني بعدني صغيره
انتبهت لطولي طول طفل عمره تسع سنين
تلمست وجهي انف صغير
شلي كاعد يصير تحركت شوي وكفت بسد مثل الباب بس حديد وكفت عنده هذا شكلي واني صغيره بس ليش هيج اني مو نمت واني شابه شلي صار
التفتت ادور على اخواني والبنات ادور ماكو احد
فجأه انصدمت بشخص
رفعت ناضري الة شفت منشفه ولافها على جسمه تذكرت يمكن حاج
رفعت نضري بصدمه هذا هذا هذا
: بابا
: يروح بابا ليش رحتي وينج جنت ادور عليج
حجيت بعيون مغوركه: بابا انتو شجابكم هنا
: بابا شبيج صارلنا فتره هنا شنو نسيني بيج شي بابا يوجعج شي
شفته مد ايده تلمس راسي ليشوف حرارتي
حضنته بقووووووه مشتاك اله حيل بشكل مو طبيعي
نزلت دموعي
: بابا مشتاكتلك حيل ليش عفتونا
: يعيون بابا شبيج شنو عفناكم
: بابا مشتاكلك
شفت القلق بعيونه
مسك ايدي واخذني لترامز كبار مدري شنو اخذ كلاص ورقي وخله بي مي
: اشربي بابا هذا مي زمزم بس سمي
سميت وشربت
اخذ لكلاص مني وغسلي وجهي بي
اشرلي على ركبته : اكعدي هنا هسه
كعدت
قطع كلامه صوت ماما
رحت ركض حضنتها بقوه وبجيت
: شموخ حياتي يروح ماما شبيج وين جنتي
صار ساعه ندور عليج
جانت تتلمس خدودي ووجهي حضنتني
وحسيتها تهز براسها يمين وشمال مثل الي تسال بابا وتستفسر لان سمعته يكللها مدري شبيها
شفت عمتي هيفاء وعمو احمد رحت ركض بوستهم ومع كل هذا اني ابجي
كعدوني وهم خايفين علي
كلت: لتروحون
ماما: خلص يروحي كافي تبجين شبيج
سكتت وكالو رح نصلي السنه ونجي
YOU ARE READING
والليل اذا عشق
Randomالنسوان تتصارخ والاطفال يبجون والزلم تستنجد ناس غركت وناس بعدها تلتقط انفاسها الاخيره وناس تحاول تسبح انكلبت العباره والعالم كلها صرخت احس نفسي اختنك كلما انزل بالمي بابا ماسك ايدي ويشهك من المي كلما يغطي جزئ منه كمت ابجي ضعفي كاعد يسيطر علي...
