السلام عليكم
لتنسون التصويت وعلقوا ع الفقرات
صلوا ع النبي ﷺ
سموا بالله
واكفين كلنا ومصدومين من الي صار معقوله!
رماح رمى اليمين على ازل!!!
التفتت شفت الولد كلهم واكفين وصدمتهم مو اقل منا
نزل رماح وهو يجدح يفور يفور
لحكوا سهم وشهم
نيار وشبل وسبع فاتو للغرفه
دحكت على ازل عينها على المكان الي جان رماح واكف بي
سبع: ازل
كعدت منهارة وتصرخ وتصيح
لاول مرة اعجز عن اربت عليها ولا احاجيها
يليتني محجيت وكتلها روحي حاجي
كله بسببي اختي انهارت
وكعت على ركبها وتصرخ بكل صوتها وتضرب وجها سديت الباب ورحت اركض الها
حضنها نيار وهو يحاجيها اشرلنا نطلع وهو ضل وياها
طلعت اني والبقيه
عاجزين نلوم منو رماح الي تسرع بدافع غير معلوم لو ازل الي حجت كدام الكل عن سبب ارتباطها بي لو الوم نفسي لان اني الي حجيتها
والله جنت شاكه انو هي وافقت بسبب وصية نورهان لا متاكده جنت مو شاكه
فتنا لغرفة الولد كعدت على جرباية نيار واني متوتره
سبع يفتر بالغرفة وشبل كاعد على كرسي
ومعتصم واكف يم الشباك
ماري وغزل كاعدات بالكاع
وسليل كاعده يمي وتبجي بدون صوت
بعد ساعه فات نيار وكلنا وكفنا
نيار: وينج شموخ تعاي احجي من البدايه
كعد مقابيلي وكعدت على جربايته
كلت: من بدايه وفاة نورهان ازل جانت تشكيلي تكلي اضل احلم باحلام غريبه منها انو اسمع صوت طفل يبجي بغرفة رماح لو هيج شي تقريبا تلث احلام متكررة
وراحت لبيت عمو ناصر
(بلعت ريكي وكلت ) لكت وصية من نورهان الها ومن اجت فتحتها
بالصدفه طلعت وراها لان كلت اخاف تمشي وهي نايمه وشفتها وقريناها سوى
جانت تسألني انو وصية الميت اذا ما طبقناها شيصير كتلها حسب الوصية ومن وافقت على رماح والله متخيلت انو هي وافقت لهذا السبب
ورى فترة يلا عرفت الي عرفته انو هي سائلة وحده عمها يصير امام جامع مدري شنو وكايل الوصيه تتطبق يمكن هذا منطي الفتوة منه ومن كيفه
ورى فترة من خطوبتها عرفت وحذرتها انو تفكر هيج تفكير لان رح تتدمر
اليوم جنت احجي وياها وفتحنا هالموضوع
واني أكلك ازل غيرت وجهة نظرها تجاه رماح لان احنا فتحنا الموضوع اليوم بسبب هالسالفه
YOU ARE READING
والليل اذا عشق
Randomالنسوان تتصارخ والاطفال يبجون والزلم تستنجد ناس غركت وناس بعدها تلتقط انفاسها الاخيره وناس تحاول تسبح انكلبت العباره والعالم كلها صرخت احس نفسي اختنك كلما انزل بالمي بابا ماسك ايدي ويشهك من المي كلما يغطي جزئ منه كمت ابجي ضعفي كاعد يسيطر علي...
