السلام عليكم
جنت بحالة صدمة بعدني ما مستوعبة
واشوفهم الي لبس والي طلع
واحنا الي تبجي والي مرعوبة
راحوا واني عيني علي طلعت للطرمة وهو واكف يلبس بوته
رفع راسه وشافني ابجي
اجه بإتجاهي
نصه وكال: لتخافين اجرائات بسيطة
مسح دموعي
كلت: دير بالك على روحك
ابتسم وهو يكرص خدودي: حبيبة ابوها يلا فوتي جوة
طبيت للبيت
وشفت البنات متجمعات يم امي ركضت شفتها متخربطة
اخذت التلفون واتصلت بعمو رماح
ما اعرف شنو حجيت بس اتذكر كلي: جاي جاي
ثواني فات وشال امي وطلع للمشفى
واسمعه يكول: سهم طب نادي امك خل تجي يم البنات كول لشهم خل يلحكني
طب سهم وجهه ما يتفسر
فاتت عمه سهى
وهي تسكت بالبنات غزل جانت منهارة وازل بس مصدومه
ماري كبل طلعت للغرفة وماما شموخ على اعصابها
اني كلمات بابا نيار طمنتني
شموخ: سهم فوت ليش كاعد برى
: اريد اشوف منو ال$## الي منطي البلاغ تا&&&
عافنه وراح وهو يتهدد
كلش خفت من منظره عبالك فد ماڤيات
والله ثواني يعني ماكو بلمح البصر ونسمح صوت الرصاص كلب الدنيا كلاب
ما اعرف منوين اجتني الشجاعه رغم عياط البنات الوحيده الي ما عطت هي اني اشوف عمه طببتهم جوى واشوف ماما شموخ محتارة
طلعت للطابق الثاني باوعت من الشباك
واشوف زلم لابسين اسود ووياهم علي ووياهم سهم واكو ثنين وياهم ما اعرفهم
دكو بيت ابو فارس بالرصاص
صوت الرصاص رعبني بحيث اريد انزل جوى ماكو مكدرت اتحرك بس اسمع
حسيت الدنيا افترت بيه
كعدت على صوت عمه سهى وهي تحاجيني
كلت: يمه عمه فدوة شصاير والله مدا اتحمل الصوت
ضلت تهدي بيه
باوعت للساعه بالوحدة الضهر
شوي وطبوا الولد
احس من شفت نيار احس شفت بابا والله
ركضت وحضنته وهو يضحك علي
سبع: مشهد مؤثر انطوني كلنس
كال وهو يعيط: دوخريييي عبالك صارله سنه مسجون ولج لو تدرين كعد بغرفة الضابط ولاوي رجل على رجل ويشرب جاي ويدخن والله شنو ضابط بحري
كعدت اضحك على عمو سبع شلون يحجي على بابا نيار
وبابا نيار مطنشه
التفت وكال:امي وين
YOU ARE READING
والليل اذا عشق
Randomالنسوان تتصارخ والاطفال يبجون والزلم تستنجد ناس غركت وناس بعدها تلتقط انفاسها الاخيره وناس تحاول تسبح انكلبت العباره والعالم كلها صرخت احس نفسي اختنك كلما انزل بالمي بابا ماسك ايدي ويشهك من المي كلما يغطي جزئ منه كمت ابجي ضعفي كاعد يسيطر علي...
