من الساعه تلاثه ونص الضهر لحد الساعه تسعه واحنه وكفه وحده نتصل ومحد يجاوبنه كلت هذا جدو مات ومحد يقبل يسولف طبيت للغرفه ابجي سمعت صوت باب السلايت انفتح
طلعت ركض شفت عمو ناصر يدفع كرسي متحرك كاعد علي جدو
والولد واكفين يم السياره
طبو وكبل فوتو جدو على غرفته
يرتاح
طلعت وسمعت نيار يحجي ويا شموخ
وكفت يمهم
شموخ: نيار لتنكر صارلكم فوك الخمس ساعات هناك مو ضغط جدو شبي
نيار: جدج عنده بداية ذبحه
انصعقت والله يروحي جدو اسم الله عنك يعمري
نيار: لتحجن لاحد وهو عنده جلطه صارت من زمان من وفاة ابوي لهيج لتجحن لامي ولا لاي احد
كعدو ولدنه بالصاله ويه عمو ناصر واني طلعت برى
خليت وشاح على كتفي ورحت ورى البيت اريد فلافي خليته بحضني وكعدت ابجي
بعد بابا جان جدو هو المسؤول عني المعروفه بالعيله بالرعونه مالتها هي اني و الي ما اسمع الكلمه وجدو دائما وياي لو شما اسوي لان يعرفني اتصرف بكلب محترك هيج بدون تفكير حتى عركاتي ويا رماح هو يدري بيهن سمسم تحجيله وهو يكعد يضحك عليه ويشاور امي مدري شنو يكللها وامي تكله تا نحترك الله ويكيلك تحرك الدنيا
