Хав харанхуйн дунд
Нисэж яваа галууд аа
Хаа хүрэх нь вэ?
Намайг аваад яваач
Хамгийн өндөр уулан дээр
Одоо л яг гарахсан
Халуу шатсан гараараа
Шөнийн чулуунд хүрэхсэн
Салхинд задарсан үсээ үнэрлэн
Санаа алдан, нүдээ аньж
Чимээгүйн гүнд зүүдлэх цэцэгсийн
Чичигнэсэн амьсгааг хөлөөрөө мэдрэх сэн
Тэгээд жаахан өндийгөөд
Жаахан өндийгөөд
Тэмдэг төдий
Тэр одонд хүрэх сэн
Л. Өлзийтөгс
