Эмэгтэй хүн бол ердийн хүн биш
Эмзэг нарийхан хөл дээрх
Ямар нэгэн сайхан зүйл гэж боддог
Анивчсан, зөөлхөн, хөөрхөн цагаан хүүхнүүд
Гэрэл цацруулан зөрж өнгөрөхөд
Амьсгал давчдаад зовлонтой байдаг
Уйдах завгүй, хачин ганцаардалдаа эзэмдүүлж
Урт хөлтнүүдийн уран нарийн хийцийг
Шагшин гайхаад барахгүй
Шал дэмий толгой сэгсэрнэ
Олон хаалгатай, олон цоож түлхүүртэй
Оньсон тоглоом юм, тэд...
Тоглож тоглож уйдсан
Тоглоомоо тэгээд эвдсэн
Томоогүй жаалын зүрх яагаад
Том том цоорхойтой байгааг
Анивчсан, зөөлхөн, хөөрхөн цагаан хүүхнүүдээс
Асуух хэрэгтэй.
Эмэгтэй хүн бол хүн биш
Эднийг бүтээсэн чөтгөр өөрөө
Эмэгтэй байсан байх...
МЗЭ шагналт яруу найрагч Б.Эрдэнэсолонго
