Амьдралд би итгэдэг
Альхан нэгтээ намайг хүлээж буй
Алтан загас, гурван хүсэл...
Мөрөөдөлд би итгэдэг.
Нүдэнд минь багтдаггүй хязгааргүйд ч
Нүдгүй, биегүй харанхуйд ч
Үүрийн зүүд, айдас, совинд
Үнэн, ялалт, ид хав...
Ялалтад би бүр ч итгэдэг.
Салхинд, бороонд, тэнгэрт итгэдэг.
Сайн хүмүүст итгэдэг, сайханд итгэдэг.
Илүү юм гэж даанч үгүй энэ ертөнцийд
Инээмсэглэл, хайр сэтгэлд, нулимсанд итгэдэг.
Худал үгэнд ч би дандаа итгэдэг
Худлаа юм шиг үе үе санагддаг ч
Хувьхан энэ амьдралд ...
Л.Өлзийтөгс 2002.9.30 "Ганцаардлын дасгал" 35-р тал,
