Unicode
အပိုင်း - ၅
"အားသစ်... အားသစ်..."
"ဟေ..."
နေ့ခင်းဘက်အတန်းလွှတ်ပြီမို့ ကျောင်းကန်တင်းထဲသို့ သူငယ်ချင်းများနှင့်အတူ အားသစ်ဝင်လာချိန် တွင် သူ့ထံသို့ မိန်းကလေးတစ်ဦး အပြေးလာလေ၏။
"ငါ့ကိုတစ်ခုကူညီဦး"
"ဘာကိုလဲ ငါဗိုက်ဆာနေပြီ..."
"ငါဝယ်ကျွေးမယ် နင့်ကိုခဏလေး မိတ်ကပ်လိမ်းခွင့်ပေး..."
အားသစ်၏ မျက်ခုံးများတွန့်ချိုးသွား၏။
"ရနံ့... ငါ့ကိုသေချာကြည့်စမ်း"
"အင်း..."
ရနံ့ဟုအခေါ်ခံရသည့် အလှပဂေးစာရင်းဝင်သူ မိန်းကလေးသည် အားသစ်မျက်နှာကို သေချာစိုက် ကြည့်သည်။
"နင့်အသားအရည်က ကောင်းနေသားပဲ"
"ငါ့ကို နင့်ပစ္စည်းမှန်သမျှရဲ့ စမ်းသပ်ခံများထင်နေလား ရနံ့သစ်ရဲ့!"
ကန်တင်းရှိ သူတို့ထိုင်နေကျ ဘက်ခြမ်းတွင် ထိုင်သည့်ကျောင်းသားအများစုသည် နှစ်ကြီးသမားများ သာ ဖြစ်သည်မို့ ထိုမိန်းကလေးကို အားသစ်ပိတ်ဟောက်တော့၏။ ပိတ်ဟောက်တော့သည်။ ပထမနှစ်များ ရှိနေလျှင် လေ့ကျင့်ရေးအဖွဲ့ပုံရိပ်ကို ထိန်းရဦးမည်မို့ ယခုလိုမျိုး ပိတ်ဟောက်နိုင်လိမ့်မည်မဟုတ်။
"အခုက မျက်နှာလေးကို ချက်ချင်း ဂလိုးစေမှာ... ငါ့ရဲ့ healing ability နဲ့ပေါင်းပြီး စမ်းသပ် ထားတာ"
"နင်က ဆေးဘက်ကလေ ဘာလို့ cosmetic တွေလုပ်နေရတာလဲ"
"ဘာဖြစ်လဲ... အချိန်တန်ရင် ဆေးလည်းကုမှာပဲဟာ..."
"ဟေ့ ကောင်လေးတွေ မင်းတို့မမနဲ့သူ့ရဲ့ စမ်းသပ်ခံကြွက်ကလေးအတွက် နေ့လည်စာမှာလိုက် သူသောက်နေကျ နို့တီးကို extra large မှာပေးလိုက်"
ရနံ့သစ်သည် အားသစ်နှင့်အတူပါလာသည့် ကောင်ကလေးများကို ခပ်တည်တည် အမိန့်ပေးပြီးနောက် အားသစ်လက်ကို ဆွဲကာ သူမ၏ ပစ္စည်းများတင်ထားသည့် ဝိုင်းသို့လျှောက်လာလိုက်သည်။