Part 25
ကုန်းကျွင်းအလုပ်ကပြန်လို့ အိမ်ထဲဝင်ဝင်ချင်း
ငယ်လေး သူလက်ကအိတ်ကိုလာဆွဲသည်။
" ကိုကြီးပြန်လာပြီ "
ထူးထူးဆန်းဆန်းငယ်လေးက သူ့ကိုလာကြိုပြီး
အခန်းထဲထိတောင်လိုက်လာသည်။
" ကိုကြီးကမနက်က သားသားနိုးတော့မရှီတော့ဘူး "
" ငယ်လေးကအမြဲတမ်းအိပ်ရာထနောက်ကျတာလေ "
" ကိုကြီး!..သားသားလေးညက အပေါ်ထပ်မှာနေရတယ် "
" ဟုတ်လား ငယ်လေးကတော်လိုက်တာ "
" ကိုကြီးပဲပြောတာလေ အပေါ်မှာနေပြီး အိပ်ရင်
ယွမ်တစ်ထောင်ပေးမယ်ဆို..အခုပေး "
"ဟားဟား..ဟုတ်ပါပြီ အခုမှသိတယ်
ငယ်လေးက နိုးနိုးချင်ကိုကြီးကိုရှာနေတာ
ယွမ်တစ်ထောင်လိုချင်လို့ကိုး "
" ဟုတ်တယ် သားသားကညနေထိစောင့်လိုက်ရတယ် "
" ဟုတ်ပါပြီ ကိုကြီးမှားပါတယ် "
ကုန်းကျွင်းအိတ်ထဲက ပိုက်ဆံကိုထုတ်ပေးလိုက်သည်။
" ကိုကြီး သားဒီညလည်းအပေါ်မှာနေမှာ "
" ဟုတ်ပါပြီ အပေါ်မှာနေသ၍ ကိုကြီးပေးမယ် "
" ဟေး..ဒါမှသားကိုကြီး "
ဝမ်ရိပေါ်ပျော်သွားကာ ကုန်းကျွင်းပါးကိုနမ်းပြီး
ပြေးထွက်သွားသည်။
" အော် လက်စသတ်တော့ မြှောက်ပေးတဲ့သူက
ဥက္ကဋ္ဌကိုး.."
ကျီဟန်ဝင်လာပြီးပြောလိုက်သည်။
" အစ်ကို.."
" အထင်မလွဲနဲ့နော် ငါချောင်းနားထောင်းတာ
မဟုတ်ဘူး..ကေက ဥက္ကဋ္ဌကုမ္ပဏီကနေ အလုပ်ပါလာတယ်ပြောလို့ Laptopလာယူတာ "
အစ်ကို သူ့ကိုယ့်သူပြော သူဘာသာဖြေရှင်းနေသည်။
" ကျွန်တော့်ကို ဥက္ကဋ္ဌလို့မခေါ်ပါနဲ့ "
" အဲ့တာဆိုဘယ်လိုခေါ်ရမှာလဲ ကျွင့်ကျွင့်လို့ခေါ်တော့မကြိုက်ပဲနဲ့ "
" ကြိုက်ပါတယ် အဲ့လိုခေါ်ပါ "
" ဥက္ကဋ္ဌသိရဲ့လား..ကိုယ့်ကိုကိုယ်အရမ်းပြောင်းလဲသွား
တာကိုး "
