အတွဲ(၁) [ချင်လုံယွဲ့ ]
-ဒီလိုစိတ်ပျက်စရာတွေကို သည်းမခံနိုင်
တော့ဘူး-
ချင်ချန်းဘုရင်၏ နန်းသက်တစ်ဆယ့်နှစ်နှစ်၊
ဆောင်းဦးရာသီ ||
ပြတင်းပေါက် အပြင်ဘက်တွင် ဆီးနှင်းများ
ကျဆင်းလျက်ရှိသည်။
လေထုထဲတွင် အအေးဓာတ်က စိမ့်ဝင်နေပြီး နန်းတွင်းအစေခံများသည် ဆောင်းရာသီ အကျီထူထူကြီးများကို ဝတ်ဆင်၍ ရံဖန်ရံခါတွ
င် လက်ဖဝါးများကို ပွတ်ကာ အေးစက်သော
လေငွေ့များဖြင့် အသက်ရှုထုတ်ရင်း နန်းရင်
ပြင်ထက်မှ နှင်းများကို လှည်းကျင်းနေကြသည်။
စုပြုံနေသော ရေခဲနှင့် နှင်းစက်များသည် ဆီး
သီးပွင့်၏ အကိုင်းအခက်များတွင် ရေခဲလွှာ
အဖြစ် တွဲခိုနေလေသည်။
မီးလင်းဖိုမှ မီးတောက်သည် အချိန်ကြာမြင့်
စွာ လောင်ကျွမ်းခဲ့ပြီးဖြစ်ရာ အခန်းတွင်းဘအပူချိန်လည်း သိပ်မမြင့်တော့ပေ။အအေး
ဓာတ်သည် အရိုးအဆစ်များအကြား စိမ့်ဝင်သွားသကဲ့သို့ ခြေ၊လက်များကို တောင့်တင်းအေးခဲသွားစေသည်။
လူငယ်လေးတစ်ဦးသည် နှင်းဖြူမြေခွေး၏
သားမွေးဖြင့် ခြုံထည်ကို သူ၏ပုခုံးပေါ်တွင် ရစ်ပတ်လျက် ပြတင်းပေါက်ဘေးတွင် ထိုင်နေပြီး မူလက သူကိုင်ဆောင်ထားသော လ
က်ဖက်ရည်ခွက်ထဲမှ လက်ဖက်ရည်ပူပူသည်
ပင် လေအေးများနှင့် ဆီးနှင်းတို့၏ တိုက်ခတ်မှုကြောင့် အေးစက်နေလေပြီ။
ဖန်ခွက်တစ်ဝိုက်မှ လက်ချောင်းများသည်
ကျောက်စိမ်းကဲ့သို့ သေးသွယ်ပြီး ချောမွတ်ကာ ကွဲပြားသော အဆစ်များဖြင့် အလွန်လှပသော လက်တစ်စုံ ဖြစ်လေသည်။
ချိန်ရှို့သည် တိတ်တဆိတ် အရှေ့တိုးလာ၏။
"သခင်လေး..အပြင်မှာ အေးပါတယ်။ငယ်
သားကပဲ ပြတင်းပေါက်ကို ပိတ်ပေးပါရစေ"
ထိုတောင်းဆိုသံကို ကြားသည့်အခါ လူငယ်
လေးက ခေါင်းလှည့်ကြည့်လာ၏။သူ၏ ကို
ယ်ဟန်အနေအထားသည် ပြေပြစ်သည့်အ
ပြင် မျက်နှာလည်း အလွန် ကြည့်ကောင်းလှသည်။
YOU ARE READING
ထိမ်းမြားပဏ္ဏာအင်ပါယာ
Romanceလူတစ်ယောက်က သေခြင်းတရားကိုတောင် မျက်ကွယ်ပြုပြီး မင်းကို ချစ်နိုင်တယ်ဆိုရင် သူဟာ မင်းနဲ့ ဘယ်တော့မှ မခွဲခွာနိုင်ဘူးဆိုတဲ့ အဓိပ္ပါယ်ပဲ❄️ native title- ယွမ့်ယီရှန်းဟယ်ဖျင် author - ဖူးပိုင်ချွီး *ဘာသာပြန်ဝတ္ထုဖြစ်ပါတယ်။ CRကြောင့်Title မရေးထားပါ Eng Ti...
