ထိမ်း​​မြားပဏ္ဏာအင်ပါယာ

အခန်း၅/နိုင်လိုမင်းထက်ဧကရာဇ်(နိုင္လိုမင္းထက္ဧကရာဇ္)

-ခင်ဗျားရှိနေလို့ ကျွန်တော် မကြောက်တော့
ဘူး-

(This chapter contains mild sexual
references,mild gore!)

ချင်ကျုးအဆောင်တော်မှ ကျဥ်းကျဥ်းကျပ်
ကျပ် ရေစည်လေးနှင့် မတူဘဲ ဧကရာဇ်တွင်တော့ ရေချိုးသန့်စင်ရန် ထန်ချွမ်းအဆောင်တော် တစ်ခုလုံးတောင် ရှိသေး၏။၎င်းသည် ကျယ်ဝန်းပြီး အတွင်း၌ ရေပူစမ်းကန်များလ
ည်း ပါဝင်သည်။နံရံကို အဖြူရောင်ကျောက်
သလင်းများဖြင့် အုပ်ရံထားပြီး နဂါးခေါင်းသဏ္ဍာန် ထွင်းထုထားသော ရေပိုက်မှတဆင့် ရေတဝေါဝေါ ကျဆင်းလျက်ရှိသည်။ထို့အ
ပြင် အောက်ခြေမှ မြေပြင်အပူရှိန်ကိုလည်း နွေးထွေးပြီး သက်တောင့်သက်သာဖြစ်စေ
သော အနေအထားအထိ ချိန်ညှိထားသည်။

ဝေ့လျန်သည် အဝတ်အစားများကို ချွတ်၍ ခေါက်တံခါးပေါ်သို့ တင်လိုက်ပြီး ကျောက်ဆ
စ်လှေကားထစ်များအတိုင်း ခြေဗလာဖြင့် ဆ
င်းလာ၍ ကန်ထဲသို့ ဖြည်းဖြည်းချင်း တိုးဝင်လာခဲ့သည်။မှင်ရောင်လို နက်ရှိုင်းနေသော ဆံနွယ်များသည် ရေမျက်နှာပြင်တွင် မျေယလွင့်နေပြီး နို့နစ်ရောင်ကဲ့သို့ မွတ်ညက်ဖြူဝ
င်းသော အသားအရည်သည် ရေနွေးငွေ့ကြောင့် အနည်းငယ် နီသွေးဖြန်းလာခဲ့သည်။

ရေစက်များသည် သူ၏ နှစ်လိုဖွယ်ကောင်း
သော ညှပ်ရိုးနှင့် ကြော့ရှင်းဖြောင့်မတ်သော ကျောရိုးအတိုင်း စီးကျလျက်ရှိသည်။သူသ
ည် လက်တစ်ဆုပ်စာခန့် ရေခပ်၍ ကိုယ်ပေါ်သို့ လောင်းချလေရာ ရေနွေးငွေ့များက သိမ်
မွေ့ပြီး ပျင်းရိနေဟန်ပေါ်သော မျက်ခုံးများကို ဖုံးလွှမ်းသွားခဲ့သည်။

ရေပြင်ပေါ်တွင် ရောင်ပြန်ဟပ်နေသော အကြည့်များမှာ လေးနက်လျက်ရှိသည်။သူပြုံးလို
က်ရာ ရေထဲတွင် ရှိနေသူသည် ဝိဥာဥ်ဖမ်းယူသော နတ်ဆိုးတစ်ကောင်ပမာ ဆွဲဆောင်မှုရှိစွာ ပြောင်းလဲသွားခဲ့သည်။

ရေချိုးခြင်းကို အချိန်လင့်အောင် မလုပ်ဝံ့ပါချေ။မကြာမီ ရေထဲမှ ထွက်လာပြီး ခန္ဓာကိုယ်ကို ရေခြောက်အောင်သုတ်၍ ပြင်ဆင်ထားသော အဝတ်အစားများကို ယူဝတ်လိုက်သ
ည်။ပါးလွှာနေသော ဝတ်ရုံသည် သူ၏ သွယ်လျလျ အသွင်ကို ဖုံးကွယ်ခြင်းငှာ မတတ်နိုင်ခဲ့။