ထိမ်း​​မြားပဏ္ဏာအင်ပါယာ

အခန်း ၃ /ဒူးထောက်အပြစ်ပေးခြင်း(ဒူးေထာက္အျပစ္ေပးျခင္း)

-ဒါဆိုရင် နှင်းကျတာ ရပ်တဲ့အချိန်ထိ ဒူးထောက်နေလိုက်-

ဝေ့လျန်သည် ခဏမျှ စဥ်းစားပြီးနောက် မျ
က်လွှာချ၍ ပြန်ဖြေလိုက်၏။

"နှင်းကျတဲ့အချိန်ဆိုတာ နှစ်တစ်နှစ်ရဲ့ သာ
ယာဝပြောမှုအတွက် နိမိတ်လက္ခဏာပါပဲ။အဲ့ဒါကြောင့် ဆီးနှင်းတွေမှာ ကောင်းမွန်တဲ့ နိမိ
တ်မျိုး ရှိပါတယ်။ဝေ့လျန်လဲ မြင်မြင်ချင်းမှာပဲ ပျော်ရွှင်ပြီး ဝမ်းသာမိလို့ နှင်းတွေကို ကြည့်ဖို့အတွက် ထွက်လာခဲ့ကြောင်းပါ။'

သူ့အနေနှင့် ချင်ဧကရာဇ်၏ စိတ်နေစိတ်ထားကို မှန်းဆ၍ မရနိုင်သေးရာ သူ့ဦးခေါင်းကို မြေပြင်ပေါ်တွင် လိမ့်မသွားစေရန်အတွက် အ
သုံးအနှုန်းတိုင်းကို အလွန် သတိကြီးကြီး ဆိုရလေသည်။

ကြားရသည်ကို မကြိုက်သူ မရှိသော ကော
င်းမွန်သည့် စကားကသာ အစဥ်အမြဲလုံခြုံသည့် ရွေးချယ်မှုမျိုး ဖြစ်ပေ၏။

သို့သော် ထိုပုဂ္ဂိုလ်ထံမှ ကြားလိုက်ရသော အမိန့်က"လျှာဖြတ်လိုက်"ဟူ၍ ဖြစ်နေမည်ဟု ဘယ်သူကများ ထင်ပါလိမ့်နည်း။

ဝေ့လျန်: "???"

ဝေ့လျန်က အလျင်အမြန် ဆုံးဖြတ်၍ ချက်ချ
င်းကို ဦးညွတ်ချလိုက်၏။

"ဝေ့လျန်ပြောလိုက်တာ အမှားပါသွားလို့များလား?"

ဤအပြုအမူက နောက်ဆုံးတွင် ကျီယွယ့်၏ စိတ်ဝင်စားမှုကို အရယူနိုင်ခဲ့သည်။

တစ်ဖက်လူက ထိတ်လန့်တကြား ပြုမူပြီး သ
နားညှာတာပေးရန် အော်ဟစ်ငိုကြွေးပြမည်ဆိုလျှင် ထိုလူသည် မျက်နှာလှလှလေးနှင့် သုံးစားမရသော ပျော့ညံ့သူဖြစ်ကြောင်း သ
က်သေပြပြီးသား ဖြစ်သွားလိမ့်မည်။ထိုပုံစံမျိုးက ကျီယွယ့်၏ စိတ်ဝင်စားမှုနှင့် မထိုက်
တန်ပေ။

သို့သော် ဝေ့လျန်ကတော့ အမူအယာပြောင်း
လဲသွားခြင်း မရှိသည့်အပြင် မေးခွန်းပြန်ထု
တ်ရန်ပင် သတ္တိရှိနေသေး၏။အနှီသတ္တိမျိုးက အထင်ကြီးစရာ အကောင်းဆုံးဖြစ်ပေသ
ည်။

စိတ်ဝင်စားမှုကြောင့် ကျီယွယ့်က ထိုလူငယ်လေးကို ရှင်းပြလိုစိတ် ပေါ်သွားခဲ့သည်။တစ်နည်းဆိုရသော် သူ့လက်ပေါ်တွင် မရေမတွက်နိုင်လောက်အောင် လူပေါင်းများစွာ သေခဲ့ကြဖူးသည်။လူတိုင်းကသာ သူ့ဆီမှ အကြောင်း
ပြချက်ကို တောင်းခံနေလျှင် ပြန်ဖြေ၍တော
င် သံသရာကုန်နိုင်ပါ့မည်လား?