❗spoiler ပိစိလေးပါတယ်❗FEB 16,2012
အဖျားကလုံးဝမကျသေးဘူး ။ ညဘက်တွေ ဆက်တိုက်ယောင်ပြီး လန့်နိုးတယ်လို့ မေမေကပြောတယ်။ မေမေက တအားစိတ်ပူနေတဲ့ပုံပါပဲ ။ သူ့ အိပ်မက်တွေထဲမှာ အီဟီဆွန်းနဲ့ သူ့ကိုလှောင်ရယ်နေတဲ့ အကိုကြီးတွေ အမကြီးတွေက ပေါ်ပေါ်လာတယ် ။
Feb 20 , 2012
ဆေးရုံတက်ရတဲ့ အထိ သူ့အခြေအနေကဆိုးရွားလာတယ် ။ ဖျားတာအပြင် သူ့ရဲ့ စိတ်က ပုံမှန်မဟုတ်ဘူးလို့ ဆရာဝန်တွေက ယူဆတဲ့ပုံပဲ ။ သူဘာမှမဖြစ်ပါဘူး ။ သူ အီဟီဆွန်းနဲ့ သူ့ သူငယ်ချင်းတွေကိုကြောက်ရုံပါပဲ ။
March 13, 2012
သူကျောင်းပြောင်းချင်တယ်လို့ မေမေ့ကိုပူဆာတယ် ။ မေမေက ဒီစာသင်နှစ်ပြီးရင်ပြောင်းပေးမယ်တဲ့ ။ သူက ငြင်းတယ် ။ အတင်းငိုယိုပြီးပူဆာတယ် ။ မေမေကနောက်ဆုံးတော့ လက်လျှော့ပြီး ဆေးရုံက ဆင်းတာနဲ့ ကျောင်းအသစ်ကို ပို့ပေးတယ် ။ သူ့ကိုမခွဲနိုင်တဲ့ ဂျေးကပါ လိုက်ပြောင်းတယ်လေ ။ သူ့အတွက်တော့ ပျော်စရာပါပဲ။
May 2, 2012
အရာအားလုံး အဆင်ပြေတယ် ။ အီဟီဆွန်းကိုလည်း မတွေ့ရဘူးလေ ။ ကျောင်းအသစ်ပေမယ့် သူတို့ကို အနိုင်မကျင့်ခင် ဂျေးနဲ့သူနဲ့က ထိုသူတွေကိုအရင်ဆော်တယ် ။ အခုတော့ ဆောင်ဟွန်းမှာ ကြောက်စရာဘာမှမရှိ ။
Feb 14 ,2013
ဒီနေ့ ထပ်ရောက်လာပြန်ပြီ ။ သူကြောက်နေတယ် ။ ဒါပေမယ့် ကြောက်တဲ့အရာကို ရင်ဆိုင်နိုင်မှ သတ္တိရှိတယ်လို့ ခေါ်တယ်တဲ့ ။ သူ ကျောင်း ကိုထွက်လာခဲ့လိုက်တယ်
အရာအားလုံး အဆင်ပြေပြေပြီးလုနီးပါးမှာ သူ့နားကို ချဉ်းကပ်လာတဲ့ ကောင်မလေးတစ်ယောက် ။ မျက်မှန်တပ်ထားပြီး ခပ်ဝဝကောင်မလေးတစ်ယောက် ။ ချောကလက်ဘူးကလည်း လက်ထဲမှာ ။သူ့ Type လည်း မဟုတ်သလို ဘယ်သူ့ Type မှလည်း မဟုတ်လောက်ပါဘူး ။
အဲ့ကောင်မလေးက ပြောတယ် ။ "ဆောင်ဟွန်းကို သဘောကျလို့" တဲ့ ။ ရှက်နေတဲ့ပုံပါပဲ ။ ဆောင်ဟွန်းဘာမှမပြောပဲ ထွက်သွားဖို့လုပ်လိုက်တယ် ။ ဒါပေမယ့် ခဏ ။ မနှစ်က ပုံရိပ်တွေအတွေးထဲပြန်ဝင်လာသည်။ သူအခုငြင်းလိုက်ရင် ကောင်မလေးက မနှစ်ကသူ့လိုခံစားရမှာပေါ့နော် ?