တစ်ဦးဆိုင် ရပ်ဝန်း
Unicode
" နိုးပြီလား လွန်း မောင်တို့ ပြန်ရောက်နေတာ ကြာပြီ လွန်း အိပ်ပျော်နေတာ မောင် မနှိုးရက်လို့ စောင့်ပေးနေတာ "
အလင်းရောင်ကြောင့် လွန်း မျက်လုံးစူးသွား၍ အသာပွတ်လိုက်မိသည်။
" ဟာ မျက်လုံးကို မပွတ်ရဘူး လွန်း မျက်မှန်သမားဆိုတာ တအား ဆင်ခြင်ရတယ် "
" မင်း ဘာဖြစ်နေတာလဲ ကဲနေလိုက်တာ အရင်ကလည်း ပွတ်နေကြဟာကို "
Iris အခုထိ မျက်လုံးကို ပွတ်နေသော လွန်း လက်နှစ်ဖက်လုံးကို သူ့ရင်ခွင်ထဲ ထည့်ထားလိုက်သည်။
" မျက်လုံး ကိုတအားပွတ်မိရင် မကောင်းဘူး လွန်းရဲ့ လက်မှာ မမြင်ရတဲ့ ပိုးမွှားတွေ ရှိနေနိုင်တယ် ပြီးတော့ မျက်လုံးထိခိုက်လိမ့်မယ် "
အတည်ကြီးပြောနေသော လမြတ်ဝါဆို ကြောင့် လွန်း ခေါင်းငြိမ့်ပြလိုက်ရသည်။
" ယားတယ် ဖုန်းအသုံးများလို့ လားမသိဘူး မျက်လုံးတွေ လည်း စူးပြီးအောင့်နေတာ ပြီးတော့ ငါက အစပ်အရမ်း စားတာ အဲ့ဒါ
ကြောင့် ထင်တယ် စိတ်မပူပါနဲ့ ငါ မင်းစကား နားထောင်ပါ့မယ် "
နဖူးပေါ် ဝဲကြနေတဲ့ လွန်း ဆံပင်လေးတွေကို Iris သပ်တင်ပေးကာ ခပ်ဖွဖွလေး နမ်းလိုက်သည်။
" မောင် မင်းအတွက် Tissue ကို သီးသန့် ထုတ်ပေးမယ် နူးညံ့လွန်းလို့ သုံးလို့သိပ်ကောင်းတယ် မျက်လုံးကို ပွတ်ချင်တယ်ဆိုရင် အဲ့ Tissue ကို သုံး ဟုတ်ပြီလား "
" အင်း အခုရော အခုက ဘာနဲ့ပွတ်ရမှာလဲ မျက်ခမ်းစပ်တွေ ယားနေပြီ "
" မောင် လုပ်ပေးမှာပေါ့ မျက်လုံးခဏလောက် မှိတ်ထားပေး "
မျက်ခမ်းစပ်လေးတွေ ရဲနေသည့် လွန်း
ကြောင့် Iris သူ့မူပိုင် နှာခေါင်းချွန်ချွန်လေးကို အသုံးပြုကာ ပွတ်ပေးနေလိုက်သည်။
မျက်ခမ်းစပ်ကို လာထိနေသည့် အရာကြောင့် လွန်း မျက်လုံးဖွင့်ကြည့်လိုက်တော့ လမြတ်ဝါဆို ရဲ့ နှာခေါင်းဖြစ်နေသည်။
