Fish Upon the Sky

အပိုင်း 8

မင်းဘယ်သူလဲ....
မင်းကဘယ်သူလဲ....
မင်းကဘယ်သူလဲဆိုတာကိုငါ့ကိုဘာလို့မပြောပြတာလဲ
ဘယ်သူလဲ
မင်းတကယ်ပဲဘယ်သူလဲ........

''ပီ အဆင်ပြေရဲ့လား''

''မာနန်း''

''အင်း ပီဘယ်လိုနေသေးလဲ နေကောင်းသွားပြီလား''

''ဘာကိုလဲ''

''ဟိုနေ့ကလေ''

''ဪ ကောင်းသွားပါပြီ ဘာမှမဖြစ်တော့ဖူး''

''ကောင်းတယ် ငါမင်းကိုစိတ်ပူနေတာ''

သူကငါ့ကိုစိတ်ပူနေတာပေါ့
ပီကသူရဲ့ရှက်စရာကောင်းတဲ့အဖြစ်ဆိုးကြီးကိုမှတ်မိနေတာမကြိုက်ပေမယ့် သူ့ကိုစိတ်ပူနေတယ်ဆိုတော့ တော်တော်ကြီးကိုပျော်သွားတယ်

''မျက်မှန်မတပ် ဆံပင်ကိုလည်းဒီလိုမျိုးလေးလုပ်လိုက်တော့ မင်းကကြည့်ကောင်းသားပဲ''

သူကငါ့ကိုကြည့်ကောင်းတယ်လို့လည်းပြောသေးတယ်

''မင်းသွားတွေ''

''ဟင် ငါ့သွားတွေဘာဖြစ်နေလို့လဲ''
ပီကသူ့သွားတွေကိုလက်နဲ့အုပ်လိုက်ရင်းအလန့်တကြားမေးလိုက်တယ်

မာနန်းကတော့ဆွဲဆောင်မှုရှိတဲ့အပြုံးတစ်ခုကိုပြုံးလိုက်ရင်း
''ဘာမှမဟုတ်ပါဖူး မင်းရဲ့သွားထိန်းဖြုတ်ထားတာတွေ့လိုက်လို့ပါ''

အိုး......သူကငါ့ကိုဂရုစိုက်တာပဲ
ငါဒူရမ်ရဲ့အစီအစဉ်အတိုင်းဆက်လုပ်ရမယ်
ပီကသဘောကျလွန်းလို့ ပြုံးနေတာရပ်တောင်မရပ်နိုင်တော့ဖူး

''ပီ.... ကိုယ့်ကိုကိုယ်သဘောကျနေတာလား''

''ဟင် မဟုတ်ပါဖူး မင်းသောကြာနေ့များအားမလားလို့တွေးနေတာ''

''သိပ်မသေချာဖူး ဘာလို့လဲ''

''ဟို..... blind in loveဆိုတဲ့ပွဲကိုကြားဖူးလား''

''အင်း ကြားဖူးတယ်''

''မင်းချိန်းထားတာရှိပြီလား''

''မရှိသေးဖူး''

''ငါ့သူငယ်ချင်းနဲ့သွားမလို့ ဒါပေမယ့်သွားစရာလူမရှိလို့ ငါနဲ့လိုက်ခဲ့ပေးလို့ရမလား''