ဘုရင့် သည်းဦးပန်
အပိုင်း(2)"ဟေ့ ဟေ့ ဒါက ဘယ်လဲ "
သည်းက ကျောပိုးအိတ်ကိုလွယ်ကာ အိမ်ရှေ့တွင်ဖိနပ်စီးနေစဉ် အနောက်ကနေအော်လိုက်သော ဒေါ်သက်သခင်၏အသံကြောင့် ခန္ဓာကိုယ်လေးတွန့်သွားပြီး မော့ကြည့်လိုက်ရာ
"ငါမေးနေတယ်လေ ဘယ်လဲလို့"
မျက်နှာကျောတင်းတင်းနှင့် သည်းကို ငေါက်လိုက်တာများ သိပ်ကြောက်ဖို့ကောင်းသည်။
"သည်း...အလုပ်သွားမလို့ပါ... စာမေးပွဲလည်းနီးပြီဆိုတော့ ဒီနေ့က ကျူရှင်နောက်ဆုံးနေ့မို့လို့.."
"အဲ့ဒီတော့ အလုပ်သွားပြီး ကျူရှင်လခပေးမလို့ပေါ့ "
"ဟုတ်...ဒီနေ့မှမသွားရင် လစာ တစ်ဝက်လျော့သွားမှာ"
"ဟုတ်လား...အဲ့တာဆိုလည်း မသွားနဲ့လေ "
"ရှင်!""ညည်းက စာမေးပွဲဖြေလည်းအောင်မှာမှမဟုတ်တာ "
"အဲ့လို မဖြစ်ဘူး သည်း ဒီနေ့ ကျူရှင်ရော အလုပ်ရော သွားမှဖြစ်မယ်"
"ပြန်ဝင်ခဲ့ အိမ်ထဲကို!"
သည်းသည် ကျောပိုးလွယ်အိတ်ကြိုးလေးကို တင်းနေအောင်ဆုပ်ကိုင်ထားပြီးအိမ်ပေါက်ဝမှာခြေစုံရပ်နေ၏။ ဒေါ်သက်သခင်သည် သူ့နောက်သို့ လိုက်မလာသော သူမကိုလှည့်ကြည့်ကာ
" ဘာလုပ်နေတာလဲ မြန်မြန်လာလေ အလုပ်တင်မကဘူး ကျူရှင်ပါနောက်ကျချင်လို့လား"
သည်းသည် အောက်နှုတ်ခမ်းဖူးဖူးလေးကို မသိမသာ ကြိတ်ကိုက်ရင်း ဖိနပ်ပြန်ချွတ်၍ ဝင်လာ၏ ။ သည်း ဝင်လာလျှင်လာချင်း ညီမဖြစ်သူ သက်ထားဒေဝီက အဝတ်တွေကိုအလုံးလိုက် သူမအားထိုးပေး၏။
"အမလေး!"
သည်းသည် ထိုအဝတ်တွေကိုအောက်မကျအောင် မနိုင်မနင်းပွေ့ပိုက်ထားရင်း
"ဒါတွေက..."
"မီးပူတိုက်လေ...ဒီတစ်ပတ်စာ ငါဝတ်ဖို့အဝတ်အစားတွေ "ဒေါ်သက်သခင်မှာလည်း သူ့သမီးအတွက် မနက်စာလုပ်ပေးရင်းနှင့်
"သည်းဦးပန်...ငါ့သမီးပြောနေတာမကြားဘူးလား အဲ့ဒီအဝတ်အစားတွေအကုန် မီးပူတိုက်ပြီးမှ ညည်းအလုပ်သွားရမယ် "
YOU ARE READING
ဘုရင့် သည်းဦးပန် (Completed) OC
Fantasyမင်းပြန်လည်ရှင်သန်လာဖို့ ငါဘယ်လောက်တောင် စောင့်ခဲ့ရသလဲ မင်းရဲ့မာယာတွေကြောင့် ဖြစ်လာတဲ့ ကျိန်စာကို ဖြေဖျောက်ဖို့ မင်းရဲ့ ရှင်သန်ခြင်းလိုအပ်တယ် မင်းဘယ်သူ့အတွက်ပဲရှင်သန်ခဲ့ရှင်သန်ခဲ့ အခုကစပြီး မင်းရဲ့ဆံချည်တစ်မျှင်ကစ မင်းရဲ့စိတ်နဲ့ခန္ဓာ မင်းရဲ့နှလုံ...