#القوارير🛡
🌼الحلقة الثانية2🌼
👑H e m o t k👑
____________
خيري يعيط:اختك الفاسدة تبي اتوطيلي راسي بين الناااس كييف تهرب من الحووش كييف
امها ترعش وسااكتة
خوها الكبير شاد التليفون ويتصل وماشي جاي
بوها :اهدا يا خيري يا ولدي اهداء ماعندها وين تمشي وعد مني انجيبهالك تحت رجليك
صارت فرعااسة في حوش اماليها والدنيا انقلبت علي زينة قلب وخيري يتحلف ان بيقتلها
___________
انفتح باب الحوش وخشت ماريا
زينة خاشة وراها وقلبها بيطلع
جت فريحة ام ماريا وهي تدوي : وينك يا بنتي عطلتي وشبحت زينة سكتت اهلين تفضلي وشبحت لي ماريا تاني مني هادي صابتك ؟؟
ماريا:اااء اي اي صاحبتي ضيفتنا اليوم راجلها مسافر وخايفة تقعد ف الحوش بروحها قتلها تعالي
فريحة ابتسمت :مرحبتين بيها تفضلو
ماريا بتوتر :خشي خشي تعالي حطي حوايجك ف داري
خشت زينة ورا ماريا لي دارها
زينة:انشاء الله غير منسببلكش مشكلة بس
ماريا:لا لا متخافيش انتي حطي بنتك ترتاح واني انغير حوايجي وانحطو الغدي وفتحت الدولاب طلعت حوابجها وجت بتطلع
زينة:وين ماشية
ماريا:للحمام
زينة:لا متخلينيش ف الدار بروحي خلي نطلع جنب امك
ماريا:لا ارتاحي عادي مش معطلة
زينة:كيف بتخليني ف دارك وتطلعي متخافيش نطلع خنابة
ماريا ابتسمت: كان طلعتي خنابة مسامحاتك ومشت طلعت من الدار
زينة قعمزت ع السرير وهي ساكتة
الماس :ماما
زينة:نعم
الماس :تبي تمم
زينة:باهي خلي اتجي خويلة وتعطينا باهي
وسرحت وهي اتخمم اكيد خيري قالب عليها الدنيا واكيد خوتها يدورو فيها شوية وخشت ماريا
ماريا:هي تعالي ماما وتت الغدي
زينة خدت بنتها وجت بتطلع
ماريا:حولي عبايتك مافيش حد بابا مسافر
زينة: ماعندكش خوت ولاد؟
ماريا سكتت وهي تشبحلها :عندي للاسف
زينة:علاش للاسف شكلهم احرف من اللي عندي
ماريا:خلي نتغدو وبعدين انهدرزو
___________
واقفة براء ف الكوجينة تاكل والشغالات جنبها يحوسو ويضمو ويهدرزو وفي وحدة متعودة عليها براء وتحبها لان من لما جو للحوش كانت تخدم فيه
براء:دوسة جيبلي كرسي
دوستا عطتها كرسي وقعمزت جنبها :خيرك مش علي بعضك
براء:خيرني قصدك يبان عليا حاجة
دوستا:انتي شكلك حامل وماتبيش اتقولي😏
براء ضحكت :حامل منين انشاء الله ماك عارفتيني نرقد بروحي
دوستا:يعني بتفهميني مامسكش بكل ليكم من 2011 متزوجين
براء:زمان اول متزوجنا بس
دوستا:اني نعرفه واعر وكلمته تمشي ع الكل كيف ساكت
براء:تمشي ع الكل لاكن مش عليا
دوستا:هوا يحبك هلبا واضح عليه
براء :ماقاله حد يدير اللي داره يمكن كنت قدرت انحبه حتى لو كان مجرم وسفاح
دوستا:خلاص ولت من المااضي وهوا كان مش ف وعيه
براء:المهم ان الشي اللي كان بينا حتى لو بسيط انكسر هديكة الليلة وعمره مايتصلح
خش عمار قعمز جنبهم ع الطاولة وهما سكتو
عمار :عندك مهمة تانية العشية
براء ب انفعال :اكيييد لاا 😠
دوستا ناضت
عمار :نقصي صوتك ديمة انقولك قدام الخدم اتكلمي كويس
براء:شن تسحابني انت خداامت اللي خلفوك برا هوني عندك حراس وحواشي ابعت حد منهم ولا لي الدرجة هادي اني رخيصة تبعت فيا مع كمشة عفن باش يشدوني
عمار سكت
براء وقفت:مش حنمشي ومش حنرفع شي وخوي مش حتمس شعره من رااسه خير ما نقتل روحي وانريحكم مني ونرتاح ومشت طلعت روحت لي حوشها
