#القوارير 🛡
🔥الحلقة الخامسة عشر 15 🔥
👑 H E M O T K👑
______________
براء لما شافت نزار بدت تبكي :نزاار 😭
نزار :اااشش اهدي اهدي وجي فكلها ايديها وطبس فك رجليها ووقف
براء طول حضناته وتبكي نزار غمض عيونه ويتخايل ف اليوم اللي ودع فيه هنادي قبل مايطلع الصبح وهوا يحضن فيها وهي اتقوله ماتمشيش
نزار لف ايديه عليها بلقوة وغمض عيونه
براء حست بطنها بتقطعها معش قدرت توقف وارتخت
نزار شدها :هنا... براء وخبطلها علي خدها تسمعي فيا
براء:مافيااش حيل يانزار بنموت 😞
نزار خايف عليها: باهي شن يوجع فيك معدتك ؟؟ براء ردي عليا براااء
براء خلاص معش قاعدة حتى ترد عليه وغابت علي الوعي
نزار:برااء ردي علياااا براااء الشيييييت 😠 وقامها ونزل بيها يجري
مالك شاد عمار وطايح فيه ضرب واصيل يعاون فيه
نزار : اصيييل اصيييل السيارة بسرعة
مالك شبح لي براء :خيرهااا 😦
نزار :مش عارف بسرعة اجري ولع السيارة
مالك طلع يجري فتح السيارة ونزار ركب براء
عمار قام راسه بسيف :ب براااء 😩
اصيل عطي لي عمار تيرو وطلع يجري ركب معاهم ف السيارة ووائل طلع وراهم بسيارته
اصيل :للحوازة طوول
مالك :افرض الدكتور يعطل
اصيل:لا لا تو نتصل بي الولاد اللي غادي
نزار يشبح لي براء في حجره وعيونه دموع ويتخايل ف اليوم اللي سعف فيه هنادي ولما وصل الدكتور قاله البقاء لله
نزار غمض عيونه بلقوة :اجرييي يا ماالك اجريييي
اصيل شبح لي مالك وحرك فمه قاله هنادي
مالك هز راسه فهمه وزاد ف السرعة
نزار يشبحلها ومسحلها علي وجها وخدودها ودمعته نزلت عليها وكان المشهد اللي قدامه مش براء بكل كانت
هنادي 💔
____________
ماريا:ميردش علياا واني خلاص بنطيح علي وجهي بنرقد كان صارت حاجة كلميني
زينة:باهي تمام اني مش حنرقد اصلا خايفة بنموت
ماريا:متخافيش انشاء الله خير ياربي براء قوية وقد كل شي انشاء الله ربي يسمعنا عليها الاخبار الطيبة
زينة :اميين يارب
ماريا:هي ماشي باي
زينة صكرت الخط وناضت وقفت ف البلكونة اتشوف بالك جو ورجعت خشت تاني
_____________
كريم:خلاص ارقدي توا وخلي جوجو بحداك ولما يجي نزار تو ايخشلك طول تعرفيه لازم يشوفك انتي وامي
نسرين:لا لا يا كريم والله صايرة معاهم حاجة نزار مش من عوايدة ميردش علياا وحتى اصيل يرد طول قبل اكيد صايرة حاجة قلبي مش مرتاح عليهم 😥
ضحى:حبيبتي هما مايخدموش ف شركة ولا عندهم مكاتب اقتنعي انهم تجار سلاح ومافيات الله غالب خوك وبوك عيو فيهم لاكن دماغاتهم مصكرات تو انشاء الله الفجر ايجو ارقدي انتي متسحنيش روحك ع الفاضي مايقدرهم حد الواحد فيهم طوله زي الباب
كريم :ادكري الله خيرك
ضحى: لا اله الا الله مشاء الله عليهم عيني ماضرهم
كريم: 😒 هيا سرو تصبحي علي خير اطلعي انتي قدامي
ضحى:باهي غير ارخي الاولى 😒
جبريل:باي ماما باي بابا
كريم دارله باي وطلع
ضحى:ماتقلقش عميمة باهي
جبريل:باه
نسرين شادة التليفون وتتصل
