#القوارير 💜
الحلقة 38🔥
👑H e m o t k 👑
_________
ماريا كانت سرحانة تتكلم في عقلها ومالك فايق يشبحلها
مالك:ماريا . .. مارياا
ماريا تلفتت:نعم
مالك :وين سارحة
ماريا:انفكر في براء غدوا محكمتها مش عارفة كيف بندير ماعنديش حيل نمشي واكيد مش حنرخي بيها
مالك قعد يشبحلها :تعالي جنبي
ماريا قعدت تشبحله وبعدين ابتسمت وناضت وقفت
مالك زاد علي اليمين وحرك سونة بشوية ومد ايده اليسار وتلفت
ماريا حولت الشبشب وجت جنبه
مالك :ارقدي هني هني تعالي
ماريا قربت منه وخشت في حظنه وقعدت تشبحله
مالك :الحمد الله ياربي العناد خف شوية
ماريا ضحكت
مالك : الساعة كم بتمشي الصبح
ماريا :التمانية لازم نطلع
مالك:باهي تو اني نرفعك انجي هني السبعة ونص باهي
ماريا :بات هني وخلاص هكي هكي اني وماما بروحنا
مالك:مش عارف
ماريا:تتغلى ؟
مالك ضحك:تعودت انبات بروحي الحق
ماريا: ياسلام
مالك نطحها بشوية :مستااحشك ونبيك ترقدي هني معش اتنوضي
ماريا توترة :احمم
مالك:حتى اني احمم
ماريا ضحكت:مبردك رااه معش تتبرد
مالك ابتسم:الساعة كم توا
ماريا: الاربعة الا ربع
مالك :نبي نرقد شوية كان مرقدتيش نوضيني مع الاربعة ونص
ماريا:باه
غمض مالك عيونه وماريا ناضت حولت سونة من علي ايد مالك نزلتها شوية
مالك:خليها عادي
ماريا:لا ارتاح كيف بترقد زي الصنم
مالك:باهي اقعدي جنبي
ماريا:قاعدة
مالك حضن ماريا ورقد
_____________
جميلة مقعمزة في دار المعيشة وجنبها جوجو ولد كريم يلعب
نسرين واقفة جنب ضحى ف الكوجينة :نعتتها لاكن شكلها ماتبيش اتجي
ضحى: زيدي كلميها ترا
نسرين:خليها براحتها خلاص عندها الحق تو اني كان متعاركة مع اصيل اكيد مش حنقعمز عند هاجر ونشكيلها
ضحى: خيره هوا نزار معقولة للدرجة هادي مش قادر ينسى هنادي خلاص البنت عقدها كلنا نحبوها وتأترنا بي موتها لاكن لازم ينسى كان هظا بيقعد طول عمره وحداني الحي يبي والميت يبي ومعش يجوز عليها الا الرحمة
نسرين:شن بديريله بااه الله غالب
شرين تليفون نسرين :اهياا تتصل ورت :ايواا
براء:ها نسرين اني توا وصلت لي الحزيرة لفيت معاها وخديت اول شارع يسار
نسرين:اي خليك مكملة توا بتلقي صيدلية بعدها علي طول في زنقة خشي معاها
براء:باااه اهياا الصيدلة
نسرين:خشيتي للزنقة
براء:اي
نسرين :اصبري تو نطلع فم الباب
براء: باه وصكرت الخط
نسرين كانت تلبس في توربان طلعت طول فتحت باب الجنان وطلعت راسها شافت سيارة براء جاية اشرت بي ايدها
براء قدمت درست ونزلت
نسرين:برورة
براء سلمت عليها وصكرت الباب :شن الجو
نسرين:كويس خشي هي
براء:من عندكم
نسرين:حد ماما جت امبكري شوية
براء:جيت علي خاطرك بس رااه شوية وبنروح
نسرين:سلم خاطرك كيف حال زينة
براء:باهية الحمد الله وخشت هي وياها
ضحى:برورة انستينا وسلمت عليها
براء:الله يأنسك
ضحى: خشيي تفضلي
وخشو لي جميلة
براء سلمت علي جميلة وقعمزت
نسرين قعمزت جنبها:شن جو ماريا معش مشيتلها ومستاحشة الفرخة هديكة لين خلااص
ضحى :تو انقولو لي كريم يرفعنا يوم تاني نهدرزو عليها
براء كانو عيونها منفوخات واضح علي البكي
جميلة تشبحلها
ضحى ناضت ولت للكوجينة
براء ساكتة وتشبح لوطة
جميلة:هي الدنيا هكي كان مبكيتيش مش حتفرحي
براء شبحت لي جميلة وتنهدت : الا اني يا ابلة جميلة شكله مكتوب عليا البكي والضحك مكتوب لي الناس التانية بس
جميلة: اني مانبيش ندخل بينكم لاكن صدقيني الموضوع كله سوء تفاهم
براء:شيحت لي نسرين
نسرين:محكيتلهاش
جميلة:نزار اللي حكالي
براء:سامحيني ابلة جميلة مانبيش نتكلم ف الموضوع ولا نبي نسمع اسمه
جميلة :ربي يهديكم ماعندي مانقول
نسرين:تعالي معاي للكوجينة درت كيكة ومازينتهاش تعالي انزينوها وناضت هي نوضي
براء: مافيش حد ولا ؟؟
نسرين:اي اي
براء حولت وشاحها ومشت مع نسرين
خشو البنات للكوجينة وقعدت نسرين تزين ف الكيمة هي وبراء وضحى ادير ف الشاهي
ضحى: تغديتي
براء:لا ماعنديش نية
ضحى: فطرتي باهي
براء:شربت عصير
ضحى:من الصبح قاعدة علي طاسة عصير
براء:ماخاطريش ناكل والله
ضحى :حي عليك حي بنقعمز عليك راه
براء ضحكت
