#القوارير 🛡
🔥الحلقة الثامنة عشر 18 🔥
👑H E M O T K 👑
صلو علي رسول الله 🤍
_______________
براء فتحت الشقة وخشت :زينة وصكرت الباب زيينة ؟؟
ماحدش رد
براء جت طول للحمام :زييينة وفتحت الباب
زييينة
وطلعت ادور فيها ملقتهااش بكل
برااء:حيي عليااوين مشت ؟؟ 😧💔 وقعدت تتصل بيها متردش عاودت مرة واتنين وتلاتة ماتردش
براء طلعت تجري اطقطق ع الشقة اللي مقابلة شوية وفتحلها واحد
براء:اسمع خش بسرعة شوف الكاميرات واعرفلي زينة وين مشت بسرعة 🥺
الولد:المدام مشت بي بنتها لي المصحة اللي هني حراراتها مرتفعة
براء:المااس خيرها ؟
الولد:والله ماني عارف اهو تو نتصل بيه وطلع تليفونه يتصل
وبراء تشبحله
الولد :ايوا ها شن صار اي جت المدام براء تسأل باهي ماشي الحال هي
براء :شن صار
الولد:ياخدلها ف الدوا وجااين
براء تنهدت:وووه علياا خيرها ماكلمتنيش قلبي طااح
الولد: ميعطلوش انشاءلله خشي ارتاحي انتي
براء خشت وهي متعفلق وصكرت الباب نحت وشاحها وخشت لي دارها لبسة توتة وتلوحت علي السرير وتتخايل في نزار وتصرفاته غمضت عيونها وتتكلم في عقلها :مستحييل نعطيه المجاال ومستحيل مزال انفكر انغار عليه هدا ايشوف فيا هنادي يعني حتى لو حبني بيحبني علي اساس ان اني هنادي كنت نسحاابه ايشوف فيا مجرد شبيها بس لاكن بعد اليوم مستحيل انفكر فيه تاني بنعامله زي اصيل وتم الموضوع
وقعدت تخبط بي راسها علي المخدة
طقطق الباب
ناضت من مكانها وفتحت الباب
زينة قامت خيمارها: خوديها مني دهشت
براءخدت الماس :ياروحي علي بنتي الحلوا خيرها
الماس:شوفي ددي 🥺
براء:خيرها
زينة صكرت الباب : قالي الدكتور التهاب اللوز هكي مدايرين فيها هي من امس لاحظتها تغصص ماتبلعش باهي واليوم الصبح بعد ماطلعتي رجعت من هديكة الترجيعة وهي الحرارة معش قالت ننزل
براء وزينة خشو لي دار زينة
براء حطت الماس علي السرير :بعيد السو علي سوسو بعيد السو وقعدت اتبوس فيها وتلفتت لي زينة :قداش دفعتي
زينة: ماخلانيش ندفع الولد اللي رفعني فالي اوامر ولا شني مندري عليه اني معش انفكر في شي وقتها رفعتها في عالم تاني
براء:خيرك ما اتصلتيش بيا خشيت ملقيتكش مشي تفكيري بعيد طول قلت هادو الجماعة لقووك
زينة: قتلك معش فكرت في شي وقتها خلاص هادي ميتة رفعتها
براء:باهي شن قالك تاني الدكتور
زينة:قالي المرضعة حوليها قتلها ماتاخدش فيها الا ف الليل قالي حتى ف الليل حاولي تنقصيها وطبعا قالي بنتك فيثاميناتها ودنيتها كلها نااقصة عطاني عرم دواء وقالي جيبيهالي اول ماتكمل المضاد
براء اتكت جنب الماس :متغديتيش
زينة:فرقت غداي
براء:باهي غيري حوايجك واطلبي حاجة من برا ماتطيبيش
زينة:بندوش قبل وخدت حوابجها وخشت للحمام
الماس :بيبا اني فيا ددي
براء: بعيد السو عليك حبيبتي هي ارقدي غمضي عيونك تو يمشي الددي
