#القوارير 💜
الحلقة 37🔥
👑H e m o t k 👑
طبعا صارتلي لخبطة ف الوقت اللي ف الرواية لان هني وقفت الكتابة وبعد فترة رجعت نكتب ف الحلقة هادي ف الوقت طالع زردة ف ماادوروشي المهم الزبدة متع القصة 😅
اسفة لو في اخطاء املائية نكتب بسرعة ❤
___________
ولد: لو تأخرت شوية كنا بنصفوه
مالك:حطوه في سيارتي
جو نزلو بشير حطوه ف سيارت مالك
مالك رد علي تليفونه ووخر :ايوا
تيم:شن رايك فيه
مالك:مليح بكل
تيم:جبستهولك قبل ماتروح بيه عيب يروح ايده فاضية
مالك ضحك:مية مية خلصت الشباب
تيم:اي اي اهو مروح اني وعبدو
مالك: تم هي تشاو صكر ومشي ركب ف السيارة وطلع
بشير ساكت ومالك نفس الشي
وبعد حوالي عشرة دقايق لما عرف روحه قريب يوصل
بشير :خليك معاي راجل وقولي انت اللي خاطفني ولا مش انت
مالك شبحله:والله ؟؟ توا كيف خطرلك تسأل
بشير :قصدي خليك معاي صريح ودغري
مالك:يعني انت تسحاب لو اني اللي خاطفك بتطلع عايش وضحك بهزوة ماتعرفنيش انت ف اسكت احسن مانردك يقتلوك واني ماريت شي
بشير :اني مانقول غير حسبي الله ونعم الوكيل ف اللي كان السبب
مالك ضحك: اصلا اللي صار فيك هدا لانك محصل التحسيبة هادي من اختك
بشير تعفلق وسكت
شوية ودرس مالك تحت العمارة ونزل
جو خوت بشير يجرو ايشوفو في خوهم
كمال يحضن في بوه ويبكي
محمد شبح لي مالك :بارك الله فيك صحيت جميلك مش حننساه
مالك :تعالا نبيك شوية
محمد :نعم
مالك :لمدلي خوتك في الليل بنجي ونبيك في كلام مهم قايلهولي عمي اسامة قبل مايتوفى
محمد قعد يشبحله
مالك: عارفكم مش حتصدقوني هدا علاش سجلت بوك وهوا يتكلم كلمهم ف الليل بس واللي مايبيش ايجي ميجيش
محمد :تمام بااه
مالك ركب ف سيارته وكيف بيوخر درس نزار وراه
مالك شاف السيارة وماعرفش مني نزل
نزار :اكيد نازل تشحط ف عروقك مش عارف مني
مالك:ياحيوان امتى غيرتها السيارة
نزار :سيارتي عند عبدو وهادي قداش عليها عندي معش نركب فيها ليا هلبا
مالك:باهي خيرك جاي
نزار :بنرفع براء
مالك :وين راافعها بلا شيرة
نزار :برا العب بعيد
مالك:روحو قبل المغرب
نزار :لا حنش هلباا
مالك:خزي علي وجهك هي ماتبي شي
نزار :زينة
مالك:اهي مقعمزة فوق
نزار ضحك :دمك روبْ الصراحة
مالك مشي ركب سيارته وطلع
نزار شرين لي براء
براء قدام الباب :لا سيارتي قاعدة بنولي هني باش انروح بي زينة
ماريا:باهي تمام بااي
براء:هي تشاو ونزلت تجري
كمال راكب فرحان :ياا عمتي بابا رووح عمي مالك جاابه
ماريا ضحكت :حقاااا باهي طيب فيك
كمال حضنها
ماريا:الحمد الله علي سلامته
كمال:سلمك لاكن ايده مكسورة
ماريا قعدت تشبح لي كمال:ااا باهي معليشي جت ف الريش مالك وين
كمال :مشي حط بابا وطلع ناديلي ماما ترا
________
براء فتحت باب السيارة وركبت
براء:وين بسيارة المليحة هادي وين كانت
نزار ابتسم:منحبهاش غير سقتها لان سيارتي مش عندي شن الجو
براء:مليح وين نسرين؟
نزار :اهو ماشيلها وحرك السيارة
براء :هدا خو ماريا شوره لقوه
نزار :اي جابه مالك
براء:باهي كويس خير من الرعاش مساكين
نزار شبح لي براء:شن هدا
براء:شني؟
نزار :خيرا جبهتك
براء ضحكت :قصدك حمرا ونزلت المراية
نزار :خاشة ف الحيط ولا شني
براء:شادة الماس بتتلفت تكلمني خشينا في بعض
نزار:والبنت شن صار لي راسها كان انتي هكي
براء : شي
نزار هز راسه وكمل سواقة
براء:اجتماع شني اللي كان عندك
نزار :ف المصنع
براء:ربي يهديكم مش عارفة امتى يتصكروه اني توا فرحانة لي ربي فكنا منهم وعقلتو شوية
نزار ابتسم:خلاص معش في سلاح غيرناه المصنع
براء:اتبصرررر
نزار:والله
براء:شن درتوه بااه
نزار :مصنع حديد وصلب والجو هدا
براء:ربي يكملك بعقلك ويهديك الحمد الله قريب انزغرط ف الشاارع
نزار شدلها ايدها باسها :كل شي اندير فيه علي خاطرك انتي لاني معش نبيك تعيشي اللي عشتيه زمان نبيك اتكوني اسعد وحدة ف العالم
براء :حبيبي انت ربي مايحرمني منك 🥺
