#القوارير🛡
🔥الحلقة الثلاثون 30🔥
👑H e m o t k 👑
_________
شوية ومالك رقد
اصيل تلفت: شكله مريض هلبا خيره زعما من شني
نزار : مش عارف شوره يوم اللي لعبنا كورة عرق هلبا
اصيل:وتي روحك انت ع النقزة ف الحوض
نزار ضحك:ميجيني شي اني ودرس ع الجنب ونزل للصيدلية وجي
اصيل :شن خديت
نزار :عطاني هادو حبوب فيثامينات قتله مضاد عندي قالي مدام الحرارة هلبا لازم يبرة ف الوريد
اصيل:شني نفرفعوه
مالك :لا لا لا بنروح
نزار :باهي كيف تبي اطيح ع المرا عقاب الليل
مالك:مافيا شي تو تنزل الحرارة
اصيل شبح لي نزار :كيف الحل
___________
براء فم باب حوش مالك :بسلامة حبيبتي تشاوات
كريمة :باي وركبت سيارتها وطلعت
براء :الجوو صقع ولا
ماريا من قدام الباب:اي انقلب
براء:نزنوون هياا
ماريا :ياريتكم فعدتو
براء:مرة تانية انشاء الله
خشت سيارت نزار
براء تلفتت
ماريا :مالك جي ولا مني
براء :هادي سيارت نزار
ماريا :نزل مالك ولا لا اكيد مريض ومش قادر يسوق
براء مشتلهم
ماريا مشت لبسة ملاية الصلاة ووقفت قدام الباب
نزار فتح الباب ونزل فتح الباب علي مالك :مالك هياا نووض
براء:نزاار.. خيره ماالك
نزار تلفت:متخافيش مريض شوية بس
مالك ناض قعمز ونزل :متعاملونيش زي السكران نقدر نمشي
براء:شن جاك يا ولد
مالك :مش قادر ندوي خليني ومشي خش بروحه
ماريا :مالك خيرك
مالك:لوز لوز اموري متخمميش ومشي ركب
نزار :ماريا
ماريا شبحتله:خيره شن في زاد مرض شكله
نزار مدلها الشكارة هادي فيها مضاد كل طناش الساعة وهوا خدي امبكري الساعة سبعة يعني السبعة الصبح التانية وهادو فيثامينات
ماريا: شن عنده بزبط بااه عااين ؟
نزار :مصكر راسه الصيدلاني قالي لازم يبرة ف الوريد ومايبيش يمشي حرارته تسعة وتلاتين
ماريا :حي حي شن مايبيش هدا بنوضه غصبن عنه
براء:تي نووضيه هدا يدلع شن مايبيش هلبا تسعة وتلاتين
ماريا مشت ركبت
نزار :اقعدي معاهم انتي شدي البنت كان هدا وهي تلهى بي مالك
براء:ترا طبسلي انت طبس
نزار ضحك:شني مبلول مبلول
براء:تضحك نزاار تبي تمرض حتى انت
اصيل طلع من الروشن :ناقز ف الحوض
نزار شبحله: منغير قواادة
اصيل ضحك
براء:الصبر منكم الصبر زي الصغاار ولما تمرضو زي الصغار بردو انتو عصاابة انتو ؟ مش عارفة شن انقولك غير الحرس يتفرجو علينا كان هدا راهو وريتك
نزار ضحك :غير اسمعي كان زاد مرض هلباا كلميني حتى الفجر تسمعي فياا
براء :اني مش عارفة كيف اندير غدوا محكمة وحوايجي ووراقي وزينة ماتبيش تبات
نزار :باهي زينة قولها تطلع مع الحرس يوصلوها وتبتعتلك شن تبي
براء:هكي خير ولا
نزار :اي اي كلميها
براء:باهي انت رد باالك روح جفف شعرك طول نزار مش وقت مرضك نبيك جنبي غدوا 🥺
نزار قرب منها خطوتين وشدلها ايدها :معاك متخاافيش لومهما صار مستحيل انخليك برووحك جااي اكيد
براء فكت ايدها: ايشوفولنا واصيل يضحك
نزار :خليه هدا اصلا من الصبح شادها ضحك عليا
براء شبحتله وضحكت :حي كأنه محلق زيرو ولا
نزار :امم جانا فجأة هكي شكله علي خاطر نسرين ماباش يقول
براء:ياحليلي محلااه صدقني حبهم لي بعض زاد كبر مع مرضتها بين قداش واقف معاها ومسااندها في مرضها وفعلا الناس تبان علي حقيقتها وقت الشدة
نزار:كان في كيف تاكلي كف راهو كليتيه غير مش بروحنا بس
براء :خيرني
نزار :يااحليلك محلااه 😒بري خشي بري
براء ضحكت:اي اي بنخش اصلا وخييي حي علياا خلي نمشي انشووفه هي باااي وخشت تجري
نزار :كلمييني كان في حااجة
براء:بااه
