#القوارير🛡
🔥الحلقة الرابعة والعشرون24🔥
👑H e m o t k👑
____________
درس حمزة قدام حوش جده
حمزة: انزلي
زينة:مش حلوااا بكل الحركة اللي درتها حمزة بكللل وهزيييت تقتي فييك وهادي اخر مرة نركب معاك ونأمنلك
حمزة: انزلي توا وبعدين سااهل
زينة بكل غل نزلت وقعدت واقفة قدام السيارة
حمزة صكر السيارة خشي خيرك قعدتي واقفة
خشت زينة معاه وهي متعفلقة لاكن اول ماشافت اللي قدامها تغيرو ملامحها وبدت تبي تبكي
لقت امها واختها وصغار اختها قدامها ومزينين الحوش كله ودايرين تورطة وطبها خالتها وخوالها الزوز وانشاوينهم وصغارهم يعني الحوش معبي
سعدة جت تجري لي بنتها وهي تبكي حضنتها
زينة تبكي :مااماا 😭😭😭
سعدة:ووين كنتي ياابنتي وييين الله لاتربح اللي كان السبب الله لا تساامحهم لا دنيا لا اخرة
زينة:كلكم شااركتو في تشرييدي كللكمم بنتك اني بنتك كيف ترضي واحد زي خيري هكي ايدير فيا كيف
زينب اخت زينة: حولي ياماما خلي انشوفها
زينة حضنت اختها وبدو يتباكو
وكملت سلام علي باقي العيلة وجدها زيدان طبعا فرحان بيها قريب ايطير سلمت وخشت قعمزت
زيدان:هدا مكانك يابنتي من اليوم معش في حد يقدر ايمسك
زينة:لا يا جدي معليشي اني مانقدرش نقعد هني لين انحل مواضيعي كلها توا كان ايجي واحد من خوتي ايردوني لي خيري طول
زيدان: ايردوك لي عينهم والله ماتطلعي كان علي جتثي
زينة:ياجدي افهمني لما تنحل مواضيعي انجي ونقعد عندك علي عيني وراسي لاكن هكي لا
حمزة:متخافيش مايقدروش ياخدوك
زينة:لا لا لا لا تي هادو راهو مدخلين روسهم ف الدنيا كلها ايجو ياخدوني وماحدش يقدر يتكلم
حمزة:كيف يعني تو تتوقعي اني نسكت مثلا ولا انسيتي اني ضابط
زينة:خلوني براحتي لو سمحتو اني معش عندي ثقة في حد
حمزة شبحلها وناض وقف طلع
سعدة :عيب يابنتي الولد يبي يحميك ويساعدك
زينة:اني ماكنتش نبي انجي هني لما قالي حمزة انك هني لان نتوقعك تتصلي بي بابا اتقوليله 🥺 خلاص اني معش عندي تقة فيكم قداش مرة جيتك في حوشنا نبكي وانقولك ياماما راهو يدخل ف صحااابه للحوش ويضاايقو فياا وانتي ولا علي بالك اتقوليلي غير تحملي واصبري
زيدان:اي حق كلام البنت حق كان ملقتش امها وبوها وخوتها ف وقت الضيق كيف مزال بتلقاهم وتوتق فيهم ااه
سعدة:انتي عارفة بوك وخوتك كيف مش لازم نحكيلك تي اني كان مش من الهم واتفجرت فيه راني ماجيتش قلت لي عصام خوك كان ماترفعنيش لي حوش بوي نقتل رووحي باش جابني وهداكا مصباح ياخد ويحلف كل يوم خلاص فديت منهم نعبت وبوك الله معاد مووليتله ياسر منها عيشت الكلاب
زينة: تبكي :لقيت البرانية واللي مانعرفهمش اكتر منكم وكلوني وشربوني ولبسووني وسكنوني ف حيااشهم كأني معرفة السنين والحمد الله اللي سخرلي بنات الحلال وماطحتش في بنات حرام
سعدة حطت راسها لوطة :الحمد الله الحمد الله
مرت خالها: ربي سخرلك الناس اللي زينك يازوينة الحمد الله علي سلامتك
زينب :من هما البنات وكيف لقووك باه وين قاعدة
زينة بدت تحكيلهم
وجدها متحصرم علي خاطرها وواجعاته وامها تبكي
