#القوارير 🛡
🔥الحلقة الخامسة 5🔥
👑H e m o t k 👑
____________
الساعة 12 ف الليل
ماريا مقعمزة علي سريرها وزي كل ليلة تبكي وصلتها رسالة
-:السلام عليكم
ماريا ف الاول مابتش ترد وبعدين تفكرت انه رقم الخدمة وردت :وعليكم السلام
-: لوسمحتي حضرة المحامية نبي نسألك سؤال
ماريا:تفصل/ي
-:اني شخص غالط في حق حد لاكن مش بي ايدي يعني غصبن عني ونبي نحكي للحد هدا شن صار و شن كانت نيتي وكلامي اللي حنقوله بيغير حيات الحد هدا 180 درجة ونبي نتأسف منه لاكن متردد يعني لو درتله رد اعتبار ودفعت تعويض ف المحكمة تنقبل القضية عادي
ماريا ماخاطرهاش تكتب :مر عليا غدوا ف المكتب وبأدن الله نتفاهمو
-: قوليلي نقدر ندير قضية لي رد الاعتبار ولا لا بس
ماريا:تقدر اي انت تعالا غدوا اني انساعدك
وصكرت التليفون وناضت خشت للحمام
مالك صكر تليفونه وقال في باله :زعما شن ردت فعلها لما تعرف ان اني درت هكي باش ننقدر حياته وان اني مامسيتهاش ... نمشي غدوا ولا انفوتها ؟! وقعد يفكر لين خداه النوم
_____________
براء كانت راقدة ف دار رعد وتشبح للسقف وسرحانة وتحس في ايدها تاكل فيها قعدت تحك فيها شبحتلها لقتها فيها لطعة حمرا وشوية وبدت حتى ايدها التانية تاكل فيها طقطق الباب وخشت زينة
زينة :رقدتي
براء :لا تعالي
زينة قعمزت جنبها :مش جايني نوم بكل
براء قعمزت :حتى اني
زينة: نسألك سؤال
براء :اسألي
زينة:عادي خوك وعمامك يخلوك تشري حوش بروحك وتقعدي فيه ومعاك بنت لا تعرفي اصلها لا فصلها
براء :لو قالولي لا ف حنشري من دون علمهم اني حرة في حياتي ومن حقي انأمن روحي يعني لما يصيرلي شي نهرب من عمار ونبي نبكي وانعيط نمشي لي حوشي مانقعدش اندور فالشارع
زينة:قصدك بتهليني بروحي من ساكنة فيه
براء :شن بيصيرلك يعني صكري علي روحك بلمفتاح وارقدي واني من الصبح لا الليل معاك واكيد بنبات ايام فيها
زينة:نبي نعرف علاش ماتحكيش لي اماليك اللي صاير معاك
براء: مستحيل شعبان هدا واحد كلب ويكرهني اني ورعد بشكل مخيف يعني رعد لو سمع شن ايديرو فيا ف اكيد مش حيسكت وشعبان يقتله بدم بارد عادي جدا اني نبي خوي يعيش حياته يبني مستقبله نبي انشوفه فرحان ويضحك ديمة مانبيش انحطه في مشاكل ليها اول ماليهاش اخر
زينة شبحت لي براء شوية وبعدين قربت حضنها :محلاك ي براء كيف اتساعدي فيا وكيف خايفة علي خوك واماليك وهدا كله علي حساب راحتك محلاك كيف طيبة وقلبك ابيض وصاافي وتخبي كل اللي حواليك
براء:ماعدا عيلة الرايس
زينة ضحكت:ربي يبعتلك من يكون سند وظهر ليك ويساعدك من عمار وبوه يارب
براء :اميين يارب
زينة: تي خيرك تكربي من بكري
براء ضحكت :من لما جاين ف الطريق واني انحك اتقول قارصتني حاجة
زينة:حي عليك ايديك هلباا رااه بري عايني غدوا
براء :تو انشوف
قعدو البنات الزوز يهدرزو وبعدين مشت زينة رقدت جنب بنتها
