#القوارير 🛡
🔥الحلقة السادسة عشر 16🔥
👑H E M O T K 👑
_____________
ماريا:اي انتو مش فالحين الا في سوء الظن بس
بسام كيف بيتكلم سمع رزمة تلفت لقي بوه طاح
فريحة عيطت وماريا مشتله تجري :باااابااااا 😧
بسام طيس عليه:بوووي بووووي
اريج:شفتي شن صار لي بووك كله منك
ماريا شبحت لي امها:اقسم بربي نقتلهاا وتعرفيني شن اندير لما نتعفلق
فريحة:اسسسكتي يااريج مش وقتها الدوة الفارغة هادي 😠
ماريا :بابا بااابا تسمع فيا 😢
اسامة يشبحلهم لاكن مش قادر اينوض ولا يتكلم
بسام :قامه وحطه ع الكرسي بسيف
ماريا : نزله مععاي نزله
بسام:فايق مش لازم مستشفى
ماريا تعيط :تبييه يموووت قيييمه قتلك اعصابي تالفة متزييدنييش
بسام: تعرفي غير بوي مريض بس
ماريا مابتش اترد عليه
فريحة:انت ويااهاا بوكم مريض وتتعاركو والله ماتتحشموو اني ماشية بنلبس عباايتي نزلووو بووكم بسرعة 😠
ماريا قعدت تجبد في بوها هي وبسام ونزلوه بطلوع الرووح وجت فريحة ركبت مع ماريا ومشو بيه
وبسام استنى مرته ونزل هوا وياها
_________
مالك ايدور بسيارة ومتكدر شرين تليفونه رد
مالك:ايوا
نزار:وين انت
مالك :اندور بسيارة وخلاص
نزار:تعالا باه
مالك:ماخاطريش ف شي يا راجل فاد من عيشتي
نزار:وين انت بزبط فوته الجو اهوا
مالك: حاليا ف شارع المدار
نزار :باهي درس تحت اي شجرة اني جايك
مالك :كان لقيت وين اندرس هدا
نزار :دبر راسك
صكر مالك الخط ووقعد ايدور وين ايدرس لين لقي مكان حط السيارة ونزل قعمز فوق الكوفينو ويدخن شرين تليفونه تاني طلعه شاف الاسم ورد
مالك:نعم
براء:ايوا شن الجو
مالك:يهبل الجو تعرفي
براء:وين انت
مالك :اندور وخلاص
براء:ماتحرقش دمك تو كل شي ينحل المهم انت توا بريت دمتك وقتلها وقلت لي بوها
مالك تنهد: مضايق للنم خاطري انشد عمار ونمرغه طريحة مزال دمي مابردش منه
براء :وراس وخي ماتسحن روحك بالله عليك تو اني نقنعها ماريا غير اليوم الموضوع قاعد طازة بس
مالك :باهي انشاء الله خير متخمميش فيا اني كويس
براء :باهي روح للحوش ماتقعدش ادور ارقد وارتاح
مالك:جاييني الولاد مش قاعد بروحي
براء: باهي رد بالك علي روحك هي باي
مالك: تشاو
براء صكرت وتلفتت لي الماس :وين مشت ماما
الماس :ماما حمام
براء:باهي تعالي اعطيني بوسة
الماس :اني نلعب توا
زينة جت قعمزت :زعما شن صاير في ماريا كلميها
براء :خايفة مانبيش انكلمها
زينة:غير كلميها شوفيها
براء اتصلت بيها نادا لين فصل
براء :ماتبيش اترد
زينة:والله واجعتني الزفت مش طايقني صبر انخليها بروحها نمشولها
براء:خوها ف الحوش
زينة:المشكلة حتى بتدعي علي اللي كان السبب مضلوم حتى هوا
براء :ادعي علي عيلة الرايس
زينة:اني انخمم في عصام علاش امطلع خيري بكفالة وكيف بندير كان لقوني كيف بنتصرف خايفة ايردوني لي خيري وخايفة علي بنتي
براء:متخافيش ماكش بروحك
شرين تليفون زينة
زينة:هدا شكله نفس رقم امبكري متع حمزة وردت
زينة:ايوا
حمزة:شن صار معاك
زينة:اني ف الحوش مطلعتش وماريا مافتحتش المكتب اليوم
حمزة :اني اليوم كملت بكري وقاعد ف الحوش كان صار اي شي كلميني طول بالله عليك والله قعد بالي عندك خزنيه رقمي
زينة:حاضر بارك الله فيك كيف حال جدي وحناي كوويسيين خاطري انشوفهم ليا فوق السنتين معش ريتهم كله من العقليات الجاهلة
حمزة:حالهم باهي قاعد يسأل عليك كل يوم وحتى امك يسأل عليها معش اتجي
زينة عيونها تعبو دموع :اني مش حارقني فراق حد غير امي كان نلقى نلمحها حتى من بعيد
حمزة:سيورها تنحل المواضيع وينلم الشمل انشاء الله لا امتى الفراق يعني
زينة:ربي يصبرني ويسترها معاي الحمد الله اللي طحت في صغار الحلال
حمزة:الحمد الله هي اني قلت خلي انشوفك بس
زينة:بارك الله فيك صحيت
حمزة:سلام وصكر الخط
