#القوارير 🛡
🔥الحلقة السابعة عشر 17 🔥
👑H E M O T K 👑
____________
بشير ف السيارة ايسوق وماريا ملوحة التالي
شبح ف المراية لقاها قاعدة صايخة
بشير :ايواا
محمد :شن صار
بشير :جايبها ف الطريق
محمد :تليفونها خديته
بشير:اي اي
محمد :كيف قدرتها هادي
بشير :تي عطيتها كف علي خليقتها قاعدة لا توا صايخة خليتلها وجهاا ازرق
محمد تنهد :اني والله مانحبه الاسلوب اهوا لاكن هي تعاند
بشير :ربطلها ايديها باش ماتنوضش تبدا تعافر فيا
محمد:غير راهو يشدووك ف الطريق بش
بشير :ماتخممش فاضية الطريق واني حارقلها
محمد:ماشي توصل بسلامة
صكر محمد الخط وشبح لي امه :اهم جاين
فريحة ساكتة
محمد:شني مرتاحة ولا ف شن تخممي
فريحة:بوك غير مش فايق علي روحه تو اينوض ايدير حالة
محمد: تو يهدا لا امتى بنقعدو بعاد علي بعض يعني والراجل اللي بوي بايعله الحوش زمان مسافر ليه وقت تو بنكلموه يأجرهولنا
فريحة تنهدت وسكتت
___________
درس نزار قدام الحوش ونزل ونزلت براء
براء كيف تحركت بتمشي شافت الكلب يجري عيطت وشدت في نزار
براء: ووووه عليااااا متع مني هدا ماااكااانش عندكم 😧
نزار :متخافيش خيرك ميدير شي هدا جابه المرتيلا ليه يومين هني شوفي هاا ريييكش تعالا
الكلب جي يجري
براء:تي لاااا نزاار منحبهممش الكلاب بعددده 😣
الكلب جي وقعمز قدام نزار
نزار يضحك :مسيه محترم خير من هلبا ناس
براء ضحكت وفتحت عيونها :باهي مانبيش حول ارفعه
نزار :ياعاارك نسرين امس لعبت عليه لين دهشت وشبح قدامه تعالا ارفعه تعالا
جي الحارس رفعه
نزار :هي تعالي
براء: وين مش خاشين
نزار :لا لا تعالي ومشي نزار للملحق وبراء وراه
لقي الولاد مقعمزين يفطرو
نزار جبد كرسي وقعمز وشبح لي براء قعمزي
براء قعمزت :صباح الخير
اصيل:صباح النور جيبلها طاسة يا مرتيلا
براء:لا لا قعمز افطر مانبيش وين مالك
اصيل:راقد
براء:خيره بالك مريض
اصيل:مافيشي شي زي الحصان
طلع ماالك :صباح الخير
ردو عليه
براء :اهو جي المشوش
مالك جي وقف وراها وقنطلها علي كتافها :شن جيبك ع الصبح
براء: والله مزال منعرف ااااي حول
مالك حول من وراها وجي قعمز
نزار :شوفي توا شن بديري
براء شبحتله
نزار :بتمشي لي سحر وبتقوليلها اني مرت عمار وبتقوليلها هاتي اللي خديتيه باش نعطيهولهم وطبعا حاولي تجبدي منها الكلام كيف لقوها ومنين جابوها فاهمة
براء هزت راسها:اي اي
نزار: وحاجة تانية
براء:شني
نزار :في مكان عيلة الرايس معبينه بنات وقاعدين ايجيبو فيهم لا اليوم ويخلو فيهم يبعلو ف المخدرات ويهربو فيهم نبيك تسأليها لوتعرف المكان هدا وين او حاولي بطريقتك تعرفي وينه
اصيل:معقولة الولاد ماعرفوش مكانهم
نزار :هز راسه بي لا
براء سرحت ومالك شبحلها
مالك :اللي فات مات وايجي يوم اللي تاخدي فيه حقك منهم معش تفكري زيادة
براء دمعتها نزلت :حسبي الله ونعم الوكيل
نزار :منغير بكي عااد هيا حني هدا كله انديرو فيه باش ناخدو حقنا منهم
اصيل: هاك بريوشة واسكتي هاك
براء مسحت دموعها :فيها شكلاطة
اصيل:علي شوية كانت تبكي
براء ضحكت ورشفت خشمها :هات جاي مبردك
نزار:مرتيلا اكيد عبدو داس شكلاطة هني ولا هني حيبلها
المرتيلا ناض وقف :ادللي يا فراولة
مالك:برا خير منجيك
المرتيلا ضحك وخش
