#القوارير 🔥
الحلقة 36 ❤
👑H e m o t k 👑
__________
مالك اشر بي راسه علي اصيل وغمز بمعنى خيره
نزار بدون صوت:بعدين
مالك :باهي مافيش ارقيلة
عبدو:لا في دقيقة بس
مالك طلع تليفونه :باهي امالا خلي اندير مكالمة وانجي
ومشي طلع فم الباب اتصل بي ماريا
مريا واقفة ع المراية اتشوف لي خدها اللي دار شوية لون ازرق جيهت الفم وتسمح في الدم بلكلينكش وتبكي
شرين تليفونها تلفتت لي مرح :مني
مرح:مالك
ماريا: ديريه صامت من الجنب مانقدرش انرد
مرح:اكيد بيقعد يتصل ردي خير
ماريا :لا مانقدرش حيعرف ان نبكي واني مانبيشي يعرف
مرح:مش بيشوف خدك !!
ماريا :مش حنطلعله
الشغالة :مدام عادي انخش
ماريا :خشي خشي
وسن:بيبي يبي رضعة وينها
ماريا:اعطيها الشنطة مرح
وتليفون ماريا شرين قريب تلاتة مرات
مرح :تي ردي
ماريا :اوف هاتي هي وردت الوو
مالك:تي خيرك مترديش شغلتيني
ماريا :كنت ف الحمام
مالك :باهي اسمعي
ماريا:نعم
مالك : كلمت تيم وقالي يبي قبل كل شي وقبل مايكلم بوها يكلمها هي ويتفاهم معاها باش بعدين ايجيب اماليه وهما متفقين
ماريا:هي ايجيب اماليه هادي مزال شوية لاكن مش عارفة تو انزيد نقنعها لانها مصكرة راسها قالت تبي تكمل قرايتها وتتخرج
مالك:قلها بيخليك تكملي حتى الماجستير غير توا يبي منك حاجة وحدة بس يكلمها ويتفاهمو
مرح تشبح لي ماريا وتهز في راسها بي لا
ماريا :باهي تمام تو انقوللها
مالك: وياسر بكي راهو مش حيرد الميت كان هدا انقعمز نبكي ومعش نسكت حتى اني
ماريا سكتت شوية: ااء ما نبكيش
مالك: باهي زي ماتبي بندير روحي صدقت
ماريا :تصبح علي خير
مالك: وانتي من اهلي حبيبتي تشاو
ماريا صكرت الخط وقعمزت تكمل ف البكي
______________
تاني يوم الساعة 11:00
براء :زنزوونة هياا
زينة:هي هي وطلعت تربط في الخمار من تالي وقاماته
براء:شني شايفاتك حبيتي الخمار معش تبي تحوليه
زينة ضحكت:كنت نلبس فيه هاربة من اماليا توا خلاص تعودت هداكا اليوم لما غسلت متاعي قبل مانشري التاني وطلعت بلاه نحس في روحي عريانة مع ان مانزلتش من السيارة
براء :ربي يكملك بعقلك عطاك ربي اني مش مقتنعة بيه يعني عادي نلبس لبس شرعي حلو يعجب فيا لاكن من دون خمار
زينة شرين تليفونها طلعاته من الشنطة :هدا حمزة مش وقته
براء:ردي انتي وانزلي علي مهلك اني تو ننزل اني والماس والشنطة متاعها وطبست قامت الماس وخدت الشنطة ونزلو
زينة :ايواا
حمزة:صباح الورد
زينة:صباح النور شن الجو
حمزة:مليح شن اديري
زينة: كيف طالعين اني وبراء
حمزة:هكييي منغير متقولي لا حسيب لا رقيب وين ماشين من الصبح
زينة:مش قتلك امس ف الليل بنمشو نقضو وبعدين بنخطمو علي ماريا
حمزة انطفي :احمم اي اي اني والله من ضغط الشغل معش فيا عقل
زينة :لا دير عقل لاني معش عندي خلوق انعيش عيشتي القديمة
حمزة:خيرنا عاد شن جاب سيرت البصل
زينة :انوقض فيك بس
حمزة :باهي غير اسمعي
زينة نازلة من الدروج :نعم
حمزة:بنطلب طلب ومتقوليش لا
زينة:شني
حمزة:نبي تنازل علي خوتك
زينة سكتت
حمزة:ديري تنازل وحنخليهم يوقعو علي ورقة ان ماحدش منهم يتعرضلك وكان شعرة من راسك تتحرك ينحبسو يعني متخافيش
زينة:مانقدرش اني التوكيل عند ماريا
حمزة:باهي اخطمي عليها قلها اتجي
زينة:اني مانجبرهاش تطلع بعدين خيرك حنيت عليهم فجأ
حمزة:عيب قدام الناس وبوك قعد بروحه انتي مش هكي صفي قلبك
زينة:المهم اني مالياش علاقة كلم مالك واعطيه الورقة تو هوا يعطيها لي ماريا توقعها
حمزة:عرس ماهو انتي طول اتجي معاها
زينة:لا اني منخشش مراكز اسفة
حمزة :باهي خلاص شكلك ولعتي تو اني نحلها بري مشوارك انتي
زينة:باي وصكرت الخط وركبت ف السيارة
براء وخرت :قعمزي حبيبتي هي
الماس قعمزت :ماتنسيش البيوشة
براء:ضحكت:حاضر
زينة:الضريبة
براء:اي لازم
