#القوارير 🔥
🔥الحلقلة الاخيرة 🔥
👑H e m o t k 👑
_______
ناضت نسرين هي وضحى طلعو الزوز مشو لي حوش اصيل
نسرين :اكتر حاجة عجبتني الورد اللي قدام الباب يهبللل 😍
ضحى :هادي باش كان اصيل دار عملة وهوا مروح يرضيك بوردة
نسرين ضحكت: اني دقن اصلا فيسع مانرضى غير المؤة هادي قلت خلي انربيه لان وجعني خااطري هلبا والضربة قوية
ضحى: مديريش العار مش قاصدها فيك هوا
نسرين :نعرف مع هدا وجعني خاطري
ضحى فتحت الباب وخشو
نسرين: بسم الله الله نحب ريحة الحاجات الجديد وسمعت الباب تصكر تلفتت بتكلم ضحى ملقتهاش
نسرين :ضحى خيرك طلعتي وجت بتفتح الباب
اصيل: سرونتي
نسرين تلفتت وشبحت للباب تاني :افتحي يا ضحى يا حمارة
اصيل جي من وراها وحضنها
نسرين: حووول اصيل والا والله نعيط
اصيل: عيطي وين المشكلة
نسرين حولتله ايديه ووخرت: شن تبي هي متفق معاها البقرة هادي
اصيل :اسف اسف اسف وباسلها ايديها الزوز اسف مليون مرة شن تبيني اندير بس قوليلي واني وانديره كل شي ف الدنيا هادي يهون عندي الا زعلك مني وعلي خاطرك انتي تأسفت من هدى وجبتلها هدية وانكلم في امي مع انها تعامل فيا اخي وتحرقلي في دمي لكن علي خاطرك انتي اندير في كل شي باش ترضي علياا بس
نسرين سكتت وتشبح لوطة
اصيل :معقولة هكي اديري كل مانتعاركو تقعدي اسابيع معش تكلميني لدرجة هادي رخيص عندك اتعاودي في نفس الشي توا وقبل درتيها وحتى لما انتي اللي غالطة جيتك اني وتأسفت ورضيتك وتوا صح اني غالط لكن انتي مش عاطيتيني فرصة بكل ان نتأسفلك
نسرين :شريت فيلو فيه كمام بسببك انت لان ايدي قاعد مكانها مزلوط وكلهم يسألو فيا انقوللهم طحت
اصيل :باهي شن تبيني اندير قوليلي تأسفت منك وصلحت غلطي وانتي قاعدة مرضيتيش شن تبي هي قوليلي تبي نركع قدامك مثلا ولا انبوسلك رجليك
نسرين :حشاك
اصيل: باهي قوليلي ماهو ميصيرش هكي حني بعد غدوا دخولنا بنقعدو هكي حتى ف الدخول يعني
نسرين :مش عارفة 😒
اصيل: يعني قاعدة مرضييتيش
نسرين:مش حرجانة منك ومش مسامحاتك شعووري ملخبط اني في اللحظة هديكة ماكنتش انشوف فيك قدامي كنت انشوف في واحد تاني
اصيل:انتي كنتي اتشوفي في اصيل الحقاااني اللي ريتيه اصيل اللي ف الشارع واصيل مع صحابه واصيل في خدمته ..اصيل اهواا اللي معاك انتي هوا اللي واحد تاني ويطلع بروحه من غير مانتحكم في روحي يطلع لما يشوف عيونك بس
نسرين :باهي خلاص اني مش متعفلقة منك خلييني نطلع تواا
اصيل: وجهك ميقولش هكي
نسرين: اصيل يوم الخميس تو نتفااهمو مش توا لان عندي مندير
اصيل ولع : تعرفي شني ؟! اني الضااالم اللي بنتأسف منك 😠
نسرين: خيرك متعفلق قتلك سامحتك
اصيل: مش هكي يساامحو النااس
نسرين: شن تبي امالا نحضنك ولا انبووسك هدا كله مننوع تواا منعا باااثاا
اصيل فتح الباب :اطلعي تفضلي واني اسف لان تأسفت منك
نسرين ضحكت :حتى اني اسفة اللي جيت
اصيل طلع وراها وصكر الباب :تمهتكييي بااه زيدي وكتري
نسرين مشت تجري خشت وهوا مشي متعفلق
ضحى:شن صار
نسرين: شي
ضحى: خير فييتك الولد يبي يصور معاك للدكرة علاش هكي
نسرين: تعرفي كان سامحته وقتله باهي وحضنته راهو دخل بيا اليوم فكيييني منه خليته طلع متعفلق
ضحى :لانك خراا ومشت وخلتها
