#القوارير 🛡
🔥الحلقة التاسعة والعشرون 29🔥
👑H e m o t k 👑
________________
لونة ادور ف الدار وتتلكم بتليفون
لونة:اعلم ان ماحصل في نيويورك كان خطأ لاكني كنت مندون وووعي لتفهم هدا ارجووك ..... انسى الموضوع انا هنا في ليبيا ولا اعلم متى اعود لي لندن نعم ربما تطول فترة بقائي هنا سأتصل بك فور عودتي حسنا الي اللقاء وصكرت الخط وقعمزت ع السرير وحطت راسها لوطة :ماداا سأفعل في هده الكاارثة وشبحت جنبها لي تحليل الحمل اللي فيه خطين
وشداته في ايدها ربما يجب التفكير بشي خبيث اكتر
________________
الساعة 2:00
ماريا مقعمزة هي وبراء ونسرين وهاجر علي نفس الصفرة ويتغدو مع بعض
ووراهم ضحى وجميلة ونمارق وامها كميلة
وترية وام ضحى وهدى ونور بروحهم
ثرية :يا بنات تغدو ووتو روحكم مانبيش نقعد لا عقاب الليل زي امس
هاجر :شمس برا علي الاقل خلي لا الاربعة
ثرية:لاا وين للاربعة التلاتة ونص موعد البروفة متع قفطانك
هاجر :اي حق نسيت
نسرين ابتسمت :ربي يهنيك هجورة
براء :عرسك انتي توا
هاجر :اي شهر اربعة
براء: ربي يكمل علي خير انشاء الله
هاجر :سلمك ياربي عقبال عندك
هدى :مش قلتو متزوجة
براء تلفتتلها :لا بنطلق انشاء الله اليوم قبل غدوا
نور توشوش لي هدى: شورا العين علي نزار
هدى ضحكت
ثرية فنصت فيها :صكري فمك ماليكش علاقة بحد
جميلة:نسرين كولي يابنتي خيرك دوب ماتنبشي
نسرين:ماعنديش نية نساير فيكم وخلاص
ضحى:شني ماعجبكش تطيب ماما
نسرين:لا زي العسل سلم ايدياتك خالتي سهيلة سامحينا علي تعبك
سهيلة:تعبكم راحة بنتي انشاء الله انديروه ف عرسك
نسرين:ربي يحفظك انشاء الله صحيتي
هدى توشوش هي ونور ويضحكو
نسرين حاسة بيهم يتهدز عليها لانهم يشبحل ها لاكن ماتبيش تتكلم
ضحى شبحتلهم وفنصت
هدى:خيرها هادي
ضحى شبحت لي جميلة:غير البنت برانية بس كان هدا وريتهم
جميلة:فوتيهم بنتي كبري عقلك
ماريا تشبح لي براء :خيرهم هادو
براء:تو بنوض نعجنهم طريحة مااه مستفزات
نسرين:هدا اللي ماحصل شي من الدنيا يابراء لا حس بطعم النجاح ولا الخسارة ولا حب ولا انحب ولا لقي اهتمام من حد هكي عايش زي الحشرة هكي يصيرله عادي
براء ضحكت :عندك الحق
طبعا نسرين تكلمت بصوت مسموع وكلهم شبحولها
ضحى مقعمزة وراها اتكت عليها وتلفتت شوية :صحيتي عليها
ماريا ضحكت :هادي قلبها دم اكتر وحدة
ضحى:حي كان نحكيلك بس
هدى ونور فهمو الدوة عليهم وتعفلقو
شوية وجو الشغالات قامو الصفر ومشو بيهم
وبعدين فرقو شاهي وحلويات
ماريا شادة سونة وهي تنقنق :نسرين
نسرين شبحتلها :نعم
ماريا: بنغيرلها شمالها
نسرين :تعالي معاي هي وناضت
ماريا :براء جيبي الساكو بالله عليك
براء تلفتت: بتغيريلها
ماريا :اي
ناضت براء وراهم خشو لي دار نسرين وصكرت الباب
براء:نسرين خيرك
نسرين قعمزت ع السرير وسكتت
ماريا حطت سونة وبدت تغيرلها وشبحت لي براء
براء :متقوليليش بنت عمك مضايقاتك
نسرين: لا لا مش من حد اني مضايقة هكي وخلاص
براء: ماتكدبيش واضحة كدابة راه من عيونك قوليل شن قالت
نسرين:علي خاطر موضوع اصيل ماتبيشي ياخدني مش عاجيتها اني
براء شهقت:والله قلها وانتي شن ليك علاقة ولا من طلب رأيك ف الموضوع عاجبتها روحها امالا رايحة زي نقار الخشب خشمها يخش قبلها
نسرين ضحكت هي وماريا
براء:تي تعرفي كان تطلقيني عليها وربي لما نخزرطها انخليها اتشخ تحتها
نسرين: متوقعتهاش هكي الكللم اللي قالتهةلي خاارقني ف قلبي المشكلة انحبها ونعتبر فيها اختي
براء:يحبها عزراائيل عطها خوية متحبيهاش معش تحبيها الناس هادي عايشة علي الحقد بس
نسرين:اكتشفت كمية حقد وغل وحسد ف كلامها خلاني نعرف علاش اي خطوة بنخطيها ف حياتي توقف
براء:غير شن قتلك بس شن قتلك
نسرين:تي تحسد فيا حتى علي حوايجي اللي علي لحمي تحسد فيا علي الضحكة تتصوري قتلي انتي بوك معاشه كان كويس ومعيشك وحني يادوب ناكلو ونشربو
ماريا :العفو مرض نفسي هدا متعدليش عليها خلي تعبر علي شعورها
براء:تي وين متعدليش وين تي وربي لما نعجنهالك طريحة وقولي قالتها براء
نسرين:لا فكيني اسمعي مش وقتها متخلينيش نندم لي حكيتلك
براء:مش توا مش توا متخمميش فيها
ماريا :هاك براء لوحي الشمال
براء خداته من ماريا
نسرين:حطيه ف كناسة الحمام تو انقوللهم يطلعوها بعدين
مشت براء حطاته وطلعت وهي تسحن وترحي علي هدى
نسرين :اعطيني انلعبها هني فكيني منهم برا
ماريا عطتهالها
نسرين:سروونة حبيبتي يا منقدت حياتي انتي انحبك اني وقعدت اتبوس فيها
ماريا تشبحلهم وتضحك
جت رسالة لي براء فتحت التليفون وابتسمت
