الزوجة الصامتة (كامله) لـ خديجة السيد (من سلسلة رجل شرقي منقرض)

7_

فصل بتاريخ : 6/10/2021

#روايه #الزوجة_الصامته
من سلسلة رجل شرقي منقرض

⁦✍️⁩ #بقلم_خديجه_السيد

الفصل السابع
_________________

كانت سلافه تسير بخطوات سريعة بغيظ شديد وهي تفتح باب المنزل واغلقت خلفها سارت باتجاه غرفتها, وبعد مرور دقائق بالضبط طرقات علي الباب بقوه.. خرجت مريم من المطبخ بقلق وفتحت الباب تفاجات بـ رحيم أمامها بوجه محتقن لتقول باستغراب: رحيم ..!! ازيك يا ابني اتفضل

دلف رحيم إلي الداخل بغضب مكتوم ليقول: هي فين الهانم بنتك.. فين الاستاذه اللي سابتني في نص الشارع وانا باكلمها ومشيت

عقدت مريم حاجبيها بدهشة وتعجب وهتفت بحيره: انتي قصدك على مين؟؟. هو في ايه ؟؟.

خرجت سلافه بحده تتقدم منه قائله: انت كمان جاي لحد هنا,مش قلت الكلمتين بتوعك هناك وفضحتني في المستشفى عاوز مني ايه ثاني ؟؟.

أحمر وجهه من شده الغضب وحاول تمالك نفسه و هتف رحيم بتحذير: احترمي نفسك وانتي بتتكلمي مع اخوك الكبير, ولما انتي خايفه قوي على منظرك والفضائح في المستشفى ازاي يا محترمه تسمحي لنفسك تقابلي راجل غريب في مكان شغل وتعملي غراميات

شهقت سلافه لتصيح بانفعال قويه: ما تحترم نفسك انا متربيه احسن منك ومش هتيجي أنت على اخر الزمن تقول لي اعمل ايه وما عملش ايه, انا عارفه حدودي مع الناس كويس جدا .. وبعدين مش فارس شرحلك الموقف وقال لك انه كان بياخذ منى معاد عشان يجي يتقدملي .. عاوز مني ايه ثاني ؟؟.

مريم بحزم: ما تفهميني في ايه و مين ده اللي بتتكلموا عليه

جز علي أسنانه بحده وقال بغضب: هو انتي مش قلتلي امك عارفه بالموضوع ولا شكلك كده ما كانش عاوز يتقدم لك ولا حاجه وعملتوا الفيلم ده عليا عشان تشتغلوني انتم الاثنين .. انتي اللي ما بينك وبين الولد ده

هزت راسها له باستخفاف من اهتمامه المفاجئ لتقول ببرود: هو انت مالك مهتم أوي تعرف العلاقه ما بيني وما بينه ليه؟؟. ما انت طول عمرك بتفتكرنا كل 6 شهور مره ولا كنت ولا بتهتم تعرف عننا حاجه, ايه فجاه عرفت من يومين بس انك اخونا و راجل البيت جاي ترسم نفسك عليا دلوقت بعد السنين دي كلها وتعيب في تربيتي !!.

أمسكها رحيم بقوه من ذراعيها يهتف بعنف: احترمي نفسك انا اخوكي غصبا عنك ومن حقي اعرف عنك كل حاجه انتي واختك .. ولو لقيت حد فيكم محتاج تربيه من اول وجديد هربيه !! فاهمه

أبعدت مريم يده عن ابنتها قائله بحده شديدة: بس بقى انتم الاثنين في ايه؟؟. وانت يا استاذ رحيم انا بناتي متربيين كويس جدا, ابوك مات وسابلي الاثنين وانا اللي اهتميت من ناحيه اكل وشرب وتربيه لوحدي.. شفت اللي ما حدش شافه وتعبت عشانهم وكنت بحط جزمه بقى واسكت.. وعشان ما يجيش حد في يوم يقول لي ما عرفتيش تربي