الزوجة الصامتة (كامله) لـ خديجة السيد (من سلسلة رجل شرقي منقرض)

9_

فصل بتاريخ : 12/10/2021

#روايه #الزوجة_الصامته
من سلسلة رجل شرقي منقرض

⁦✍️⁩ #بقلم_خديجه_السيد

الفصل التاسع
_________________

إتسعت سلافه حدقتاها بهلع... عندما رأت السكينه بيد سلمى و دون تفكير من سلافه عرفت ماذا تنوي تفعل بنفسها... فأمسكت هي يداها بقوة تحاول إيقافها ولكن....... قد جرحت نفسها عندما سحبت سلافه منها السكينه لتصرخ ببكاء: اوعى سيبيني ما لكش دعوه بي انا مش عاوزه اعيش .. انا استاهل الموت

رمت السكينه بعيد لتصيح بانفعال وسط دموعها: بس بقي كفايه اللي بتعملي في نفسك ده, كل ده عشان ايه ومين ويا ريته يستاهل .. مش كفايه ضعفك في الحياه كمان عاوزه تنهي حياتك بضعف و كافره ..

صمتت تأخذ نفسها وتشهق بندم شديد علي ما كانت سوف تفعله في حق نفسها... همست متأوهًا في أعماقها والألم لا يُحتمل حقا: انتي مش حاسه بـ الناره إللي جوايا يا سلافه.. مش عارفه يعني ايه اكثر شخص قريب منك يخونك .. اكثر حد ضحيتي وتنازلت عشانه يخذلاك بـ ابشع طريقه .. المشكله ان انا مش لاقيه عذر يخليه يعمل كده فيا كنت على طول بسمع كلامه في اي حاجه عمري ما قلت له على حاجه لا, كنت ماشي وراه زي العميا.. يقول لي ما تعمليش كده اقول له حاضر! يقول لي ما تلبسيش كده.. بلاش تشتغلي واقعدي في البيت عشاني وعشان الولاد اي حاجه كنت باقول حاضر ونعم ..!! حتى لو مش راضيه عليها واحط جزمه في بوقي بقى واسكت .. يبقى ليه يعمل معايا كده بس

كان جرح سلمى في معصم يدها ليس جرح كبير لكن ينزف الدماء الكثير نهضت سلافه واحضرت من حقيبتها مناديل ورقيه ومعقم وبدأت في تنظيف جرحها مردده : عشان انتي اللي اديتي الحق يعمل فيكي كل ده يا سلمى كلمه حاضر على اي حاجه خليتيه يلغى شخصيتك وهو يكون الحاكم والناهي فكل الامور اللي تخصك انتي.. حتى ابسط الحاجات...! زي لبسك شغلك عدد الاولاد, وبسبب سكوتك وضعفك خليتيه عمال يتمادى اكثر واكثر لحد ما النتيجه اهي دمرك و خانك ...واللي انتي بتعمليه ده يا سلمى عمره ما كان اسمه حب وطيبه..

همست سلمى بضعف وصوت مبحوح: انا حاسه اني عقلي واقفه ومش عارفه اعمل ايه

= دي لسه هتفكر تعمل ايه ..!!

قالتها سلافه بيأس منها ثم ألتفتت إليها حتي تواجه وجه سلمى ناظر بعيونها بقوه: اسمعيني كويس بقى كده وفتحيلي مخك, عشان اللي انتي فيه ده وجو العياط و انهيار وكمان عايزه تموتي نفسك عشان واحد مايستهلكيش ده قمه الغباء..
اللى باعك باعك خلاص! وهو مقتنع مليون فى الميه انه بيعمل الصح فمتوجعش قلبك وتوقف حياتك على امور متستاهلش حتى لو كانت فى يوم نقطه ضعفك يا سلمى.. ما ينفعش اصلا تظهري نقطه ضعفك لغيرك فهماني كويس .. كملي حياتك وانجحي واتحدى ضعفك عمر الحياه ما بتقف على ناس خذلك! اقوى وخلى عندك العزيمه ان الضربه اللى مبتكسرش بتقوى اتحدى العالم بجبروتك وخلى الحياه عندك مراحل انك مهما قابلتي محدش بيستمر للاخر غير الافضل وان اللى وقف جمبك فى محنتك قبل وقت فرحك هو بس اللى بستاهل يكون جمبك ..