الزوجة الصامتة (كامله) لـ خديجة السيد (من سلسلة رجل شرقي منقرض)

28_

فصل بتاريخ : 18/12/2021

#روايه #الزوجة_الصامته
من سلسلة رجل شرقي منقرض

⁦✍️⁩ #بقلم_خديجه_السيد

الفصل الثامنه والعشرين
___________________

ثم أكملت باشتمزاز: دائما الرجاله بتعترف بغلطها بينها وبين نفسها , بعد فوات الاوان ! وبيحسسوا الواحد ان كرامتهم اغلى من كرامه الست ... امتى هتفهموا الاثنين واحد ! وانه ذي ما انتم ليكي احساس وبتحسوا احنا كمان بنحس و بنتعب ذيكم واكتر.

تنهد ممررا يداه علي كتفها مُهدأها بتلك الحركه وهو بجيبها بيقين: لازم تكوني مصدقني اني مش بكدب عليكي في اي كلمة.. بس كمان لازم تعرفي أن إللي بيفرقو معانا هما بس اللي بنتوجع منهم بجد! وساعات بنتجرح لمجرد أنهم أقرب ناس لي قلوبنا ..

نزلت دموعها وقد بدأ القلب يرق لأجل ثوره هي علي يقين أنها كانت أقوي من أن يسيطر عليها: بس أنت اكتر حد اذتني أوي يا فارس.

همس بها وهو يتطلع عليها بحزن: عارف يا سلافه المعنى الحقيقي لكلمه اسف إيه؟!. ان اللي يتاسف يكون ندمان و زعلان بجد .. وانا زعلان وندمان على اللي عملته معاكي..

عضت علي شفتها تمنع تاوهات تريد الإفلات من بين شفتاها لتصرخ من تلك الأوجاع المتفرقة في جميع جسدها وليس القلب فقط مطالب بعلاجه من الألم: صعب يا فارس.. انت كسرت جوايا حاجه صعبه ارجعها ثاني! مش هاقدر اثق فيك تاني!. عشان ممكن بكل بساطه تعمل نفس اللي عملته معايا ثاني ..؟. ممكن يكون فعلا انت ندمان !! والعيب يطلع في انا, بس انا لا... عشان إللي يهين كرامتك مرة ويدوس عليها .. إعرف إنه مش ده الشخص المناسب لأنه مش قد مسئولية الحب والارتباط ...سيبني يا فارس وطلقني ..

قبض على يده بغضب شديد فقد مل من الجدال معها وصاح فيها: طب تمام اسمعيني بقى .. طلاق مش هطلق! وده مش عند معاكي زي ما انتي فاكره .. بس لاني لو طلقتك دلوقت طلاقنا هيكون زي عدمه ،عشان انتي حامل ..و الحامل بتفضل ليها عده لحد ما تولد !!

اتسعت عيناها بالذهول والاستنكار مردده : انت بتقولي !؟ جبت الكلام ده منين ؟.

دلفت مريم فـ باب المنزل كان مفتوح لتقول بحده: ده مش كلامه يا حبيبتي ده كلام ربنا .. الحامل ما ينفعلهاش طلاق غير بعد الولاده وساعتها تبقى مطلقه فعلا .. انما دلوقتي لو سمع كلامك و طلقك ممكن يردك في اي وقت خلال التسعه شهور حملك !!

نظرت سلافه إلي الاثنين بعصبية وغيظ: خلاص طلقني بس ما تردنيش .. انا عاوزه اتطلق ومش عاوزاك !

جز علي أسنانه بعنف وقال بعناد: وانا مش هطلق ! ولو رحتي ترفعي قضيه خلع زي ما قلتلي، هردك برده يا سلافه ..

مريم بيأس: جوزك بيتكلم صح يا سلافه.. ما فيش طلاق دلوقت يبقي يحلها ربنا بعد ما تخلفي باذن الله !!