الزوجة الصامتة (كامله) لـ خديجة السيد (من سلسلة رجل شرقي منقرض)

15_

فصل بتاريخ :2/11/2021

#روايه #الزوجة_الصامته
من سلسلة رجل شرقي منقرض

⁦✍️⁩ #بقلم_خديجه_السيد

الفصل الخامس عشر
_________________

ألم الغضب.. هو عدم قدرتك على السيطرة على غضبك .. دليل على مخزون كبير من الألم المتراكم بداخلك لدرجة الكمكمة.. ولا تأتي الخيبة الا من القلوب التي أهديناها الثقة .! وشعور الخذلان هو اكثر المشاعر إيلاماً لأنه خفي فلا أحد يشعر بمدى وقعه على نفسك سواك فهو في وقعه على النفس أقسى من الهزيمة واعظم في وجهــة النظــر من أي فشل واشد مرارة من الخيبة فـمواقف الخذلان حينما تأتــي ممن نحٓــب .. وسيبقى خلف ذلك الخذلان ذكرى في زوايا الذاكره و حلماً جميل لم يكتمل .. أفاقت سلمى علي صوت والدتها تنده باسمها نظرت إليها بهدوء متسائلة بإستغراب: كنتي بتقولي حاجه يا ماما

أجابت مريم يتنهد: بقول لك برده عملتي اللي في دماغك ورفعتي قضيه الخلع ..ما كنتي استنيتي شويه وممكن طلقك بهدوء بدل المشاكل والعند ما تنسيش انكم ما بينكم ولاد وممكن يسومك عليهم .. كنا خذنا الموضوع واحده واحده وبالعقل

ابتسمت سلمى بسخرية مريره هاتفه: صدقيني يا ماما لو فضلت مستنيه من هنا لي بعد 20 سنه ولا كان هيطلق ومش هستفاد حاجه غير تضيع الوقت .. كده احسن خليني نوفر وقت ونخلص

نظرت لها مريم بيأس وقالت بعقلانية: انا من ساعه ما جيتلي و حكيتلي اللي حصل وانا قلت لك مش هدخل ما بينكم المره دي وانتي حره في تصرفاتك, بس حاولي تفكري بالعقل شويه وما تستعجليش وفكري حتى في اولادك ..يا بنتي خراب البيت سهل جدآ لكن بناءا من جديد صعب ؟!.

لتهتف هي بصوت مشدود وصلب: فكرت..ولله فكرت يا ماما صدقيني فكرت كثير قوي وبرده مش قادره! المره دي غير كل مره .. وانا خلاص ما بقاش فيا نفس احارب ثاني ولا استحمل .. وإذا كأن على اولادي هيعيشوا أحسن عيشه وهم بين اب وام منفصلين احسن طول حياتهم يعيشوا في خناق ومشاكل مابتنتهيش

طأطأت مريم رأسها ارضًا وكلامها يدور بعقلها، ربما يكون كلامها صحيحً... ربما يكون الافضل الانفصال.. ولكن هي في النهايه أم ولا تريد خراب بيت ابنتها ..!!! كادت أن تتحدث معها مره ثانيه لكن استمعت إلي صوت طرقات عاليه على الباب لتنهض سلمى بهدوء مريب قائله: استنى انتي يا ماما انا اللي هفتح انا عارفه مين اللي على الباب ..

ذهبت للخارج لتفتح الباب ليظهر أمامها نوح الذي يقف ينظر لها بغضب وهي بادلته النظره مليئه بالتحدي وغرور انثي سيشعل النار بينهم ليبدأ صراع القسوه ضد الحب وهل سوف ينتصر ايهما... أبعد يدها بقوه ودلف المنزل واغلق الباب ليقول بحده: إيه المحضر اللي جالي من شويه ده انتي رفعتي عليا قضيه خلع

أجابت سلمى ببرود: دي اقل حاجه لواحد خاين زيك ومش بيحترم مراته ..

جز علي أسنانه بحده وقال بغضب: كل ده عشان شفتيني بتكلم مع البنت اللي كانت في الحفله وحضنتني! ما انا قلت لك كنا بنتكلم في شغل,حتى اسالي فارس هو كمان عارفها وهي ماسكه لينا فروع شغل انا كنت بسالها عليهم .. وقلت لك انا لو عاوز اخونك مش هخونك قدامك في نفس المكان وانتي موجوده معايا ما تشغلي مخك شويه.