الزوجة الصامتة (كامله) لـ خديجة السيد (من سلسلة رجل شرقي منقرض)

21_

فصل بتاريخ : 23/11/2021

#روايه #الزوجة_الصامته
من سلسلة رجل شرقي منقرض

⁦✍️⁩ #بقلم_خديجه_السيد

الفصل الواحد والعشرين
_________________

بداخل الاوتيل كان فارس يرتدي ملابس عباره عن بدله بيضاء اللون و ببيونه سودا تعطي له شكل جذاب ومميز... بحلته السوداء وعينيه الفاتن الأزرق.

دلفت ناهد والدته تنظر إليه بسعادة غامرة: مبروك يا حبيبي ربنا يتمم لك على خير ..

ألتفت فارس لها وابتسم بود: الله يبارك فيكى يا ماما .. اخبار الناس تحت ايه وصلوا كلهم.. كل حاجه ماشيه تمام

اقتربت منه ناهد لتقول بحنان هامسة: ما تقلقش كل حاجه ماشيه تمام .. مش مصدقه ان اخيرا هيجي اليوم اللي كنت بستناه بفارغ الصبر قبل ما اموت, اشوفك عريس وفرحان مع إللي قلبك اختارها

نظر لها بعتاب واقترب يقبل جبهتها بحب: بعد الشر عليكي يا ماما اوعي تقولي كده ثاني انتي عارفه كويس إني ما ليش غيرك وبحبك اد ايه.. ربنا يطول في عمرك ويخليكي ليا.

ابتسمت ناهد وادمعت عيناها بفرحه لتقول بحب: خلي بالك من عروستك..وماتزعلهاش و اتقي ربنا فيها, وهقول لك ذي نصيحه الشيخ الشعراوي الله يرحمه لما ابنَه جي يتجوز.. قال له: يا بنيَّ، هذه المرأةُ تركت الأبَ والأمَّ والأخَ والأختَ، وجاءت لتكونَ لك وحدَك، فكنْ لها كلَّ هؤلاء ! ...وانت كمان خليك لي مراتك كده

أبتسم فارس باتساع يرددا بحنان وهو يمسح دموعها: حاضر.. ربنا يخليكي لي وما يحرمنيش منك.

وبعدها أستمع الي طرقات على الباب حمحم قائلاً بصوت عالي: ادخل

دلف نوح بابتسامه مشاكسه: في حاجه فاتتني ولا إيه،الفرح لسه شغال .. اوعى تكون خلصت أكل البوفيه.

أبتسم فارس بفرحه وتقدم منه يحضنه بود: يا ابن اللذين ..عارف لو كنت ما جيتش زي كتب الكتاب كنت هازعل منك أوي.

ابتسمت ناهد وقالت بهدوء: طب انا هاسيبكم انا تقعدوا مع بعض شويه .. واطمئن على الأحوال تحت.. خذوا راحتكم

ابتعد فارس عن نوح ليقول متذكر: طب يا ماما ،بس ابقي اتصلي علي سلافه وشوفيها فاضل ليها قد ايه وتيجي احسن تليفوني فصل شحن وكسلت اشحنه.
__________________________________

في منزل مريم...

سحبت مريم سلافه من كتفها بغل ونفاذ صبر: الظاهر اللي انا دلعتك كثير لحد ما بقيتي مش قد المسؤوليه وبتصغريني قدام الناس.. فرح اللي مش عاوزه تروحي ..هو حد كان غصبك على حاجه ما كل حاجه تمت برضاكي.. تقول لي مش عاوزه ده أقول حاضر..! مش عاجبني ده أقول حاضر ..! لا مش عايزه اتجوز خالص..! برده حاطه جزمه في بقي وسايبكي تعملي اللي انتي عاوزاه .. واقول لنفسي بلاش تغصبيها على حاجه ده برده اسمه جواز! و لازم تختار اللي هتتجوزه و يكون بموافقتها... لكن هتستعبطي و تطلعيني قدام الناس مش قد كلمتي وما عرفتش اربيكي .. يمين بالله العظيم ..و رحمه ابوكي وابويا؟؟. هجرجرك من شعرك وهوديك الفرح غصبا عنك قدام الناس.. ومش هيهمني حد.