الزوجة الصامتة (كامله) لـ خديجة السيد (من سلسلة رجل شرقي منقرض)

12_

فصل بتاريخ : 24/10/2021

#روايه #الزوجة_الصامته
من سلسلة رجل شرقي منقرض

⁦✍️⁩ #بقلم_خديجه_السيد

الفصل الثانيه عشر
_________________

هبط رحيم بغضب شديد عندما ياس من أن جليله تفتح باب الجناح له, ليقابل والدته تحدق بة باستغراب: في ايه ..ايه الدوشه اللي انت عاملها دي, ونازل رايح فين في وقت ذي ده

أخذ رحيم نفس عميق ليقول بترجي: ماما عشان خاطري اطلعي كلمي جليله وهاديها وخليها تشيلي من دماغها فكره أنها تسيب البيت وتسيبني

هياتم بدهشة وتعجب: وهي عايزه تسيب البيت ليه؟. يبقى كلامي صح هو انتم متخانقين عشان كده بتبات في المكتب وساعات في اوضه الضيوف .. انطق عملت ايه ؟!.

رحيم بانزعاج: يا ماما مش وقته اطلعي كلميها هي بتحبك ومش بترفضلك طلب ممكن ترضى وتسمع كلامك وتسامحني ..

نظرت إليه هياتم بسخرية وقد فهمت لتقول بشك: ويا ترى الموضوع في ريم برده .. شكلك مش ناويه تجيبها لبر وهتخرب البيت بسبب الزفته دي.. انا عارفه اللي حدفها علينا ما كانت متزفته متجوزه بره مصر وكافيه شرها

تنهد رحيم بحنق قائلاً بحده: ما تعمليش نفسك خايفه عليا وعلى البيت .. انتي عاوزه جليله تفضل علي زمتي عشان هي بتعرف كويس جدا تساعدني في شغلي و ترتبلي الحفلات.. هي و ابوها.. غير ريم !

هتفت هياتم بـ غضب: طب كويس انك عارف ان ريم ما تنفعش تكون زوجه رجل ذيك مهم في المجتمع .. ولا هتعرف تساعدك في اي حاجه.. اسمع كلامي وابعد عن البنت دي.. انا اصلا مش مستريحلها من اول ما قلتلي تعالي يا ماما اخطبهالي وانا ساعتها حذرتك بنفسي فاكر ولا لأ.. قلت لك بلاش البنت دي بالذات ابوها طول عمره كان طماع و ممكن يقبل على نفسه الفلوس الحرام من كثر حبه للفلوس وهي تربيه ابوها بس انت ما سمعتش الكلام وبرده صممت اخطبهالك وقلتلي هي غير ابوها.. وادي النتيجه في الاخر ..ولا حتي مصدقاها من يوم ما اختفت فجاه وابوها هو اللي اتصدر ليها في كل حاجه ورجعلك الشبكه بنفسه وفركش الموضوع... وبعدين هو انت مفكر سهل قوي تتجوزي الاثنين ولا جليله هترضى بكده

رحيم باستهزاء: سبحان الله شوف مين بيتكلم علي تعدد الازواج

نظرت هياتم له بغيظ متحدثه ببرود: لا يا حبيبي انا حاجه و وضع غير وضعك .. انا لما اتجوزت ابوك كانت مريم مش بتخلف أو الله اعلم ابوك عملها ساعتها حكايه عشان يوقعني فيه و اتجوزه...وساعتها صعب عليا وقال لي انا سايبها بس على ذمتي عشان خائف على مشاعرها وبلاش اظلمها وانا من حقي اخلف..

تابعت حديثها بحده قائلة بقسوة: وماوافقتش اتجوزه غير لما وعدني ان هو هيطلقها لما اخلف... بس شوف أراده ربنا بقى.!! اليوم اللي اكتشف فن اني حامل .. تطلع ست مريم هي كمان حامل ..!!