الزوجة الصامتة (كامله) لـ خديجة السيد (من سلسلة رجل شرقي منقرض)

11_

فصل بتاريخ : 21/10/2021

#روايه #الزوجة_الصامته
من سلسلة رجل شرقي منقرض

⁦✍️⁩ #بقلم_خديجه_السيد

الفصل الحادي عشر
_________________

جلست ريم بأبتسامة واسعه تنتظر رحيم وهي تتخيل الف سيناريو في عقلها كيف سوف يعرض عليها الزواج .. حتي كان يطل عليها بجسده جلس أمامها دون أن يلمسها، وكان وجه رحيم أمام وجه ريم مباشرةً، عيناه السوداء تحاصر خضرها تقدح عاطفة ذكورية لا يدري متى اشتلعت بين جنبات صدره وهبت لتنشب بظلمة عيناه..!

بينما ريم كان صوت تنفسها عالي بفرحه،و دقات قلبها في ازدياد مستمر من ثوران تلك المشاعر الحادة داخلها..إلى أن رفع رحيم وجهه الملتوي بالتذمر والغضب، ليستطرد في شموخ: اعملي حسابك ما فيش جواز بالطريقه دي ولما سمير يكلمك ثاني قول لي انك صرفتي نظر عن الموضوع,و ده لمصلحتك ومصلحته هو كمان

أمسكت ريم يده قبل أن تقترب منه لتهمس له بصوت خرج مبحوحًا: معنى كلامك ده انك وافقت على طلبي و هنتجوز ..

تفاجئ من قولها لـيردد على مسامعها بحزم كمن يُصدر فرمان موته: لا طبعاً

إتسعت عينـا ريم وهي تستمع ما يتفوه به رحيم يرفض الزواج منها للمره الثانيه حتى شعرت أن الهواء التي تسحبه لصدرها لم يعد يجد مكان وسط خبيه أملها .. وسرعان ما كانت تصيح مستنكرًه: نعم ..!؟ امال عاوز أرفض الجواز ليه من سمير .. هو حلال ليكي تتجوز وتتبسط وانا افضل في العذاب ده

عقد ما بين حاجباه ليردف بحدة: عشان بتضيعي نفسك بغباءكٍ للمره الثانيه .. بلاش نضحك على بعض انتي عاوزه تتجوزي من سمير عشان اغير عليكي وارجع لك صح ..طب فكرتي حياتك هتبقى بعد كده معاه شكلها ايه؟. يا ترى هيطلع كويس ويقدر حالتك ولا هيكون زي جوزك الاولاني .. طب بلاش تفكري في نفسك فكرتي فيه هو.!!! ايه ذنبه تضيعي حياته ويتجوزك مقابل انتقام ..

نظرت له بغضب صائحه بحده: وما فكرتش فيا ليه انا كمان .. انا واحده مجروحه وموجوعه من الانسان اللي بتحبه و راح اتجوز غيرها وخلف وانا اتحرمت منه ومن الخلفه كمان ..

رحيم بعصبية شديدة: ما كفايه بقى .. هو انتي كنتي بتحرمي نفسك من الخلفي عشان تفضلي كل شويه تحمليني الذنب, ماحدش ضربك على ايدك عشان تعملي حركه غبيه زي كده اللي انا لحد دلوقتي مش قادر استوعب واحده دكتوره و عاقله زيك تعمل في نفسها كده .. معانها متاكده أنها كده بضر نفسها مدى الحياه وهتفضل عقيمه

همست ريم بصوت اكثر إلحاحًا: عشان بحبك ومستعده اعمل اي حاجه في الحياه عشانك, اعتبرني بقى مجنونه زي ما انت عاوز.. بس مجنونه بحبك يا رحيم .. ونفسي تتجوزني وترجعلي زي زمان ..يا رحيم حرام عليك انت ليه مش عاوز تحس بيا, انا بتعذب طول الوقت.. كل ما افتكر انك سايبني وفي حضن واحده غيري!.