هذا اول بارت بالحكاية الجديده حطيت فيه كميه مشاعر غريبه بالنسبه لي وحتى لرواياتي الثانيه ممكن يكون فيها جو مختلف جدا انتظرررر رايكم وتوقعاتكم بالجاي ♥️♥️♥️
فتح عيونه بثقل كم مر علي وانا بهالحاله . شهر ؟ شهرين ثلاثه ما اتوقع سنه وقف من السرير وحس ببروده الارض تنهد قبل يتلفت بالشقه ويشوفها فاضيه باع كل شي بالشقه الا من السرير وشنطته الموجوده بالارض يمكن ينسى بس ماقدر ينسى هل النسيان صعب فتح باب الحمام دخل وغسل وجهه معقوله فقدته يعني انا السبب ضرب المرايه اللي مقابله تكسرت ودخل قطع منها بيده عض شفته بقوه وهو يرجف مايبي يكون ضعيف بس من يوم الحادث وهو مو قادر يستحمل اي شي لا يطلع ولا ياكل الا قليل مقطوع من العالم كله
سمع صوت الباب شاف الساعه ٩ الصباح وقت الشركه اللي تجيب له الاكل تقدم من الباب وفتحه اما المندوب من جهه ثانيه كان يفكر * هذا كل يوم يطلب اكله بالبيت معقوله مايطلع ؟ * انفتح الباب وانصدم بشكل اللي قدامه شعره الكثيف اللي طال لكتفه وعيونه الحمراء الهلات تحت عيونه فز بخوف * هذا كل يوم يكون يخوف اكثر من اليوم اللي بعده*
طلال بصوت مبحوح : ممكن اخذ الاكل ؟
المندوب انصدم * يتكلم * عطاه الاكل اما طلال اللي حط الفلوس بيده وراح وتركه وراه مصدوم يتكلم كيف كذا
رجع لمقر دوامه سمعهم المدير وهو مار
تميم : انت مستوعب انه يتكلم لي مده طويله اوصل له يعطيني الفلوس ويسكر الباب اليوم تكلم
المدير بصرامه: اتوقع ياتميم ما اعطيك الراتب علشان تجلس تسولف مع نايف
تميم : اسف استاذ ادهم
ادهم : مو مشكله
تميم بتردد : استاذ ادهم ممكن سوال
ادهم اللي كان يرتب الاوراق : قول
تميم : ليه احنا نوصل لزبون الاكل واحنا مقهى باوقات النهار ومطعم ومقهى بوقت الليل وخصوصا انه خدمه التوصيل عندنا نادره ؟
ادهم بتفكير : مدري عن السبب انا بعد بس هذا الشخص الوحيد اللي
قطع عليهم كلامهم لما تقدم شخص عليه نظارات طبيه وشعره المعفوس ولابس كاب تقدم للكاشير
تميم : هذا هو
ادهم استغرب ولف عليه: شفيك !
تميم : هذا هو اللي يطلب وجباته
ادهم لف له بستغراب : هذا؟
تقدم من عنده وهمس له : نايف خلاص انا بتصرف روح شوف شغلك
نايف راح وبدا يتكلم مع تميم عن اللي صار قدامهم
ادهم ببتسامته المعتاده: امرني وش بغيت تطلب
طلال بصوته المبحوح : ابغى المدير
ادهم عقد حواجبه: عسى ماشر علينا شكوى ؟
طلال: لا بس ابغى اقابله وياليت بسرعه لاني مشغول
ادهم: تمام تعال معي . نايف تعال مكاني
نايف اومئ
اما هو راحو لغرفه الاداره ودخلو
طلال بقلق: وينه ؟
ادهم: انا المدير امرني
طلال: ابغى اقول لك شكرا
ادهم: على ايش ؟
طلال: على الاكل اللي يوصلني بوقت الوجبات
ادهم: العفو بس ايش الموضوع يعني ؟
طلال: ابغى انهي اشتراكي
ادهم: عسى ماشر بتسافر او رح تستقر
طلال: ولاشي منها بس ابغى الغيه
ادهم: اعتذر منك مستحيل نلغيه
طلال بصدمه: ايش ؟
ادهم: مانقدر انت ماقريت الشروط قبل توقع صح بس وح اقول لك واحد من الشروط انه لازم تنتهي مده المشروطه علشان نقدر نفيدك ونلغي الاشتراك
طلال مسك يدينه ببعض بدا يجرح نفسه باظافره
ادهم قرب منه وحاول يمسك يده
طلال: لا رح تموت
ادهم انصدم من كلام طلال يموت اذا لمسه وش صاير ؟
ادهم : بعقم يدك بس
طلال بعد يدينه عن بعض وشاف الدم انصدم وبخوف بدا يرجف طلع من المطعم يركض وتارك ادهم وراه مستغرب من هالشخص وصل للعماره طلع المفتاح بيد ترجف وكل ما حاول يفتح الباب يرجع يطيح المفتاح نزل ياخذه واخيرا قدر يفتحه دخل للشقه كانت بارررده دخل وعلى طول دخل بسريره وغطاء نفسه بخوف بدا يتمتم : لا رح تموت . خايف خايف . يموت لا لا مارح يتموت لاتخاف طلال مارح يموت رفع يدينه وضرب راسه بقوه يحاول يهدي الكلام اللي براسه
ماحس بنفسه لما غفى
بالكوفي
ادهم: غريب طيب اسمع انت وصلت له الاكل الحين صح؟
تميم : اي باقي وجبه العشاء وتنتهي الوجبات
ادهم بتفكير: انا باخذها له
تميم : تمام
راح يجهز الوجبه لان بقى على وقت العشاء كم ساعه
بعد ٤ ساعات
فتح عيونه على صوت الباب مشى بخطوات ثقيله ووصل للباب فتحه وشافه قدامه
فتح الباب بوسعه ودخل للشقه : اسمع ياتعدل نفسك يا انت بطريق وانا بطريق فاهم
طلال فتح عيونه وسكرها : محمد لاتصرخ اسمعك ترا
محمد بقله صبر: طلال الى متى ترا صار له سنه ونص متوفي وانت على هالحاله لا انت اللي تاكل زي الناس ولا اللي تطلع اسمع يا تعدل نفسك يا لاتكلمني ثاني مره * شد على كلمته الاخيره قبل يطلع* فاهم
تركه وطلع ما انتبه للي كان واقف عند الباب ويسمع كلامهم وانصدم ايش اللي صاير تقدم من الباب وشافه واقف بنص الصاله اللي كانت فاضيه دق الباب اللي كان مفتوح اساسا
ادهم برتباك: العشاء ؟
طلال اللي كان سرحان مانتبه لادهم
ادهم لاحظ انه سرحان: استاذ طلال
طلال فز بخوف: من ؟
ادهم: انا جبت لك وجبه العشاء
طلال تنهد واخذ الاكل من ادهم : شكرا
ادهم : العفو * تردد قبل يتكلم* اذا كان عندك فرصا باوقات الصباح تعال خذ لك كوب قهوه مجاني وفطور
طلال بملامحه البارده: مشكور بس ماحب الناس او التجمعات
ادهم: اوعدك مارح تتضايق واذا تضايقت رح اقبل طلبك باني الغي توصيل الوجبات
طلال تفاجئ من اصرار ادهم ؛ بفكر
ادهم ابتسم له وطلع توجه لبيته بعد ماوصل لطلال الاكل لانه انتهى دوامه ولازم يرجع يرتب شقته علشان يروح للشركه يشيك عليها
طلال حط الاكل بالارض وبدا ياكل بخوف وارتباك يحس ان المكان يخوف فاضي والصداء * صداء ؟* هذي الكلمه الوحيده اللي طرت بباله اخذ جواله قبل يفتح التسجيل ويغني :
حرام تروح تخليني كذا وتروح
تخليني كذا وتروح اخاف الناس يشوفوني
وكسرت قلبي بعيوني
سكت لوقت طويل قبل يقفل التسجيل ويقفل جواله ويرجع لسريره
بعد اربع ايام صحى الصبح وكعادته بالتوتر والخوف طلع له اللبس الاسود والسكارب الابيض نظاره شمسيه بيضاء شوز ابيض مخطط بابيض وقف قدام المرايه : كم له مالبس وكشخ كذا
طلع للمطعم واول ماوصل كان يمشي انفتح الباب وكان العامل لفتح الباب ابتسم له اما طلال حرك راسه وكمل طريقه للداخل شاف مكان الطلب تقدم منه بخوف بدا يتلفت بالمكان
اما من جهه ثانيه
ادهم : اي تميم نبي نغير في الاشياء اللي قلت لك تمام عاد انا اثق بذوقك
تميم : اكيد
نايف : يلا عاد نطلع اكيد بيجون زباين وبعدين ادهم خلاص عاد جيب معنا موظفين ترا تعبنا بس انا وتميم
ادهم اللي فتح الباب وتفاجئ من اللي واقف قدام الكاشير ويشوف المنيو التفت لهم : انا بروح
تميم اللي لاحظ وجود طلال: ابي اعرف وش سر اهتمامه فيه
نايف ضربه على ظهره: اترك اللقافه وتعال نرتب اصناف الفطور
اما عند طلال اللي شاف المنيو واعجبه اشياء كثير بس بدا يرجع بخطواته قرر ينسحب ويرجع لشقته لولا ان ادهم جاه
ادهم: هلا والله نورت امرني وش حاب تطلب
طلال ناظر المنيو بتردد بعدها طلب ٣ اصناف مع عصير طلع البطاقه بيحاسب
ادهم : لا احنا قلنا ان الوجبه على حساب المحل
طلال : بس
ادهم اللي ابتسم : لاتحاتي تعال معي اخذك لطاولتك
طلال مشى معه لحد ماوصلو لطاوله بعيد عن ازعاج العالم وكانت الشمس جايه عليها بشكل لطيف وهادي جلس فيها والتفت لادهم
طلال: عادي اسالك
ادهم: اسال
طلال: ليش تسوي كذا معي ؟
ادهم ابتسم قبل يجاوب ويزيد حيره طلال: انا نفسي مو عارف
