احسسسس من زمان ماتحمست وكتبت بارت بنفس اليوم انزله 😔♥️ بس حبيت تفاعلكم امس وقررت اني اكتب هالبارت واذا شفت نفس التفاعل رح انزل الليل بكرا بارت بعد ♥️♥️♥️♥️♥️♥️♥️ احبكككككم واحب تفاعلكم
طلع من المطعم او الكوفي رح اقول كوفي بما ان اغلب الطلبات اللي رح تجي بالبارتات كوفي
فتح الباب وجلس بجنب محمد
محمد : شقتي ولا
طلال: اي تعرف شقتي فاضيه وناوي انقلها
محمد : تمززح بتنقل ؟
طلال برتباك: اي ماعاد قدرت اجلس فيها
محمد فضل انه يسكت عن انه يقول شي ويضايق فيه طلال بعيد عنهم
ادهم فتح باب البيت ودخل سمعو صوت الباب وصوت قفل سياره اخوهم طلعو من البيت يركضون
سعد وساري
ساري ضم ادهم بقوه: اددهم
ادهم ضحك عليه وعلى حماسه : ياعيون ادهم
سعد : وانا متى يجي دوري
ادهم نزل لمستواه وشاله هو الثاني وباس خد كل واحد فيهم وببتسامه: وين ماما ؟
سعد : ماما هناك
الام طلعت من البيت للساحه الخارجيه وشافتهم كلهم ابتسمت بحب : هلا ادهم الحمدلله على سلامتك
ادهم تقدم منها وباس راسها : الله يسلمك
الام : يلا سعد ساري تعالو ساعدوني اجهز السفره ادهم روح بدل وخذ لك دش بعد شغل اليوم
ادهم نزلهم وربت على راسهم : حاضر ١٠ دقايق واكون عندكم
ساري بحماس : بنطلع اليوم صح ؟
ادهم كان بيتكلم بس قاطعته الام : ساري ادهم جاي من الدوام والساعه١٠ ونص كيف تطلع ؟
ساري بحزن : بس ماما
ادهم ببتسامه: بنطلع للحديقه بعد مانخلص اكل شرايكم ؟ ومنه تغيرين جو شوي من وفاه ابوي ماطلعتي
الام اومئت : امري لله بروح معكم بس خلوني اجهز الحلى واتركه للطلعه
ادهم ابتسم: تمام
بمكان ثاني
تميم : شكرا نايف ماتبي تدخل ؟
نايف بنفي : لا بروح البيت انام مانمت عدل من امس
تميم : خلاص على راحتك
بمكان ثاني
فتح باب الشقه ودخلو اثنينهم
محمد اشر على الكرسي : شوف هناك تقدر تترك اغراضك ببدل واجي اسوي لنا شي ناكله
ادهم: تمام
جلس بجنب المكان اللي يجلس فيه دايم بدا يتذكر كل شي جلساتهم مع بعض وكلامهم مع بعض كل شي التفت بيحاول ينسى شاف صورتهم كلهم سوا ذبلت عيونه وهو يشوف الصوره وقام بدون وعي طلع من الشقه يحس برجفه وشعور غريب عيونه بدت تضبب دموعه اللي بدت تنزل بدون مايحس بدا يمشي وهو مايدري وين رايح
بمكان ثاني
كانو جالسين بالحديقه ويشوفون الماره هو ويا امه
الام: وكيف دوامك حبيبي عساه مو متعب
ادهم : لا يمه الدوام حلو وحتى دخل معنا واحد جديد اسمه طلال
الام : طلال
ادهم: اي يمه
الام بتفكير : غريبه ليه يدخل معكم شخص جديد
ادهم بدا يحكي لامه المواقف اللي صارت له مع طلال واسبابه انه يبيه معهم بالدوام
الام بتفكير : وماتعرف وش اسم طلال هذا الكامل
ادهم: الا يمه اسمه طلال فهد ال **
الام بتفاجئ : طلال فهد ؟
ادهم بستغراب :يمه تعرفينه
جاهم سعد بسرعه يركض : ادهم ادهم فيه هناك شخص يمشي بنص الشارع تعال شوفه
الام : ياسعد كل الناس يمشون بالشارع
سعد بخوف واضح على وجهه: لا يمه هذا شخص مو طبيعي وكانه مو بالعالم ادهم تعال معي
ادهم وقف وراح معه ما انتبه لملامح الشخص كثر ماركز بان السياره جايه من طريق ثاني والسايق مو منتبه له راح يركض بتجاهه ضمه له وبعده عن الطريق اما الثاني اللي حس بشي يلتف حولينه ويبعده عن مكانه فتح عيونه بخوف
ادهم بعد طلال عنه واول ماعرف انه هو انصدم وبغضب : ماتشوف قدامك ؟ ليه تمشي وانت سرحان بالشارع ماتدري ايش ممكن يصير
طلال بخوف رفع يدينه على وجهه: اسف اسف ماكنت قاصد ما ارد عليك اسف
نطقها قبل لا يتشكل الضباب بعيونه ويطيح بين يدين ادهم اللي سنده عليه وحمله معه لعند امه
الام بخوف : وش صاير ياولدي من هذا
ادهم برتباك وخوف : يمه تقدرين تجين بسرعه بنرجع البيت
الام بدت تشيل كل شي سعد وساري راحو يركضون بتجاه اخوهم اللي شافوه يسند واحد مايعرفونه
ادهم اول ماسند طلال على الكرسي سمع صوت جوال غريب عليه انتبه للنور اللي بثوب طلال دخل يده لجيبه وخذا الجوال قبل يرد بدون مايشوف من المتصل
محمد بخوف : طلال تكفى وينك طلال اسمع لاتسوي بنفسك شي طلال طلال تسمعني ؟
ادهم برتباك: طلال عندي هنا
محمد زاد خوفه: انت من ؟
ادهم : انا ادهم صاحب الكوفي
محمد تطمن شوي بس للحين خايف : طلال وينه ؟
ادهم: تجي عندي واحكي لك ؟
محمد : لا اسمع ابيك تجيبه لشقته انت تعرفها صح ؟
ادهم: اي وقريبه مني
محمد: خلاص كويس وبعد هو صاحي ولا ؟
ادهم: لا اغمي عليه
محمد: اي شي حالي بجنبك حطه بفمه
ادهم بخوف: يمه عندك شي حالي
الام طلعت تمر وعطته ادهم اللي فتح فم طلال وحطها فيه طلال اللي حس بالسكر وبدا يفتح عيونه وصلو للبيت ونزلت الام وسعد وساري للبيت
طلال فتح عيونه وبخوف بدا يحاول يفتح باب السياره متجاهل اللي بجنبه وكانه بعالم ثاني من الخوف : تكفى لا لا ماكنت اقصد والله
ادهم بمحاوله تهدئه: طلال هذا انا طلال
طلال رجع لسرحان ولا كان ادهم بجنبه ولا كانه تكلم معه
وصلو للعماره ونزل طلال قبل ادهم صعد لشقته وشاف محمد واقف واول ما انتبه له توجه له بخوف
محمد بخوف: طلال صار
قاطعه طلال بانه سند راسه على صدر محمد : تعبت يامحمد ماعاد اقدر اكثر من كذا
محمد ضمه له وهو يتنفس بصعوبه مايبي يبكي ويبين ضعفه قدام اكثر شخص قريب منه وهو محتاج له كثير
طلال : تعبان ابي انام
محمد ابتسم بالم وسنده على صدره: تعال معي داخل طيب
دخلو وادهم اللي كان واقف وراهم دخل وسكر الباب انصدم بان الشقه فاضيه حرفيا تقدم ووقف بعيد وهو يشوف محمد يغطي طلال بوسط الغرفه الفاضيه اللي مافيها الا دولاب وسرير بس طلال مليان بالاسرار بس ايش سبب حالته هذي قطع افكاره خروج محمد من غرفه طلال
محمد تنهد: وش صار؟
ادهم حكى له اللي صار
محمد بصدمه: يعني لو ماكنت موجود
ادهم قاطعه : انت قلتها لو ماكنت عنده
محمد جلس على الارض : شكرا لك ادهم لمساعدتك
ادهم: عادي لو اسال عن سبب الحاله اللي هو فيها ومن هو اللي يقصده دايم بانه مات بسببه. وانه لاتتصل
محمد تفاجئ من كلام ادهم: هو حكى لك
ادهم هز راسه بنفي : لا بس انه كل مره اقول له شي او اقرب منه يبتعد ويزعل ويبدا يقول كلام غريب
محمد مسك يد ادهم: كلام ايش ؟ ايش تقصد
ادهم استغرب سوال محمد له بهالطريقه: يقول اني مارح اضايقك اني مارح المسك علشان ماتموت مابغى احد يتصل فيني ويصير له شي
محمد تنهد ورفع يده لعيونه وغطاها بمحاوله انه يتماسك بسبب حاله صاحبه اللي كل مره تتدهور كل يوم اكثر من الثاني : عجزت احاول ارجعه نفس اول ماكان كذا كان كل يوم يضحك ويلعب ويطلع يداوم
ادهم: محمد عندي اسئله كثير ببالي بس رح اتركها لبعدين لان واضح انك مو بمزاج تسمع اسئله بس الشي الاساسي وين اهل طلال
محمد : طلال ماعنده احد هو يتيم من انولد ابوه متوفي قبل ولادته بشهرين فيه قلب وتازم بوقت وامه توفت وقت ولادته
ادهم بستغراب : بس اللي اتوقعه انه ماعاش بالشارع
محمد : لا الدكتور تبناه وترك اسم ابوه نفسه
ادهم : اها ووينه هذا الشخص
محمد : بالخارج حاولت اوصل له بس طلال رفض وحلفني اني ما اقول له شي وانه اذا سال اطمنه على طلال
ادهم بصدمه: ومافكر يجي او حتى يشوف ؟
محمد : مايقدر هو دكتور هناك والعمليات كل يوم بدوامه واذا جته اجازه بيوم او يومين مايقدر يجي
ادهم: كم صار له على هالحال ؟
محمد: تقريبا سنه وكم شهر
ادهم بصدمه: تمززززح وتاركه كذا ما اخذته لطبيب نفسي او شي ممكن تخف الانفعالات اللي فيه
محمد : حاولت كثيييير كثيير ماقدرت وكل مره اتكلم عن هالموضوع يختفي بالاسابيع فا صرت ماعاد افتح هالموضوع ابد قدامه
ادهم بتفكير : طيب واذا انا جربت ؟
محمد : كيف ؟
