بعد ما انتهو دوام
ادهم: ياعيال شرايكم نطلع نتعشاء برا؟
طلال بهدوء : لا انا اعتذر ابوي ينتظرني
تميم انصدم ابوه ؟ بس ماكان عنده احد بالشقه
ادهم ابتسم: تمام روح يلا لاتتاخر عليه
طلال طلع من عندهم متوجه للشقه
اما بالمقهى
تميم : ابوه ؟ بس الشقه كانت فاضيه مافيها الا هو لمده سنه ؟
ادهم اللي كان يرتب الطاولات : اي ابوه عايش برا مو ابوه الشخص اللي رباه
تميم : اهاا
ببيت محمد
فلاح اللي كان جالس ينتظر طلال سمع صوت الباب
فلاح: طلال ؟
محمد: لا هذا انا
فلاح : اها
محمد اللي دخل وقف قدام فلاح: شفيه طلال ليكون جاي ؟
فلاح: اي ليه
محمد: الجو بارد ومططر برا ليه ما اتصل علي
تنهد وهو متوجه للباب اول مافتح الباب شهق : طلال مجنون انت
طلال ابتسم قبل يدخل غرقانه ثيابه من المطر : ليه طيب ؟
محمد : روح تروش بماي دافي بسرعه بطلع لك الثياب
طلال اخذ منديل : يبه عادي تنتظر شوي
فلاح اللي كانت تعابيره جامده ومو عارف وش يسوي : ماعليك روح انت بس
طلال دخل الحمام وشغل الدش الدافي نزل ثيابه ووقف تحت الدش تنهد رفع شعره لفوق : معقوله اقدر ارجع لحياتي الطبيعيه ؟
قطع افكاره لما سمع محمد
محمد : تركت ثياب لك على السرير دافيه لاتغيرها يويلك
طلال : تمام
اخذ المنشفه ولفها على خصره طلع وبدل وقف قدام المرايه رش العطر واخذ الكاب ولبسه لانه غسل شعره والجو بارد برا ومطر طلع للصاله شافهم جالسين
فلاح وقف : يلا نروح
محمد: روحو انتو انا عندي كم شي اسويه
طلال كانت نظراته تحكي الف شي وشي بانه مايبي يبقى بروحه مع فلاح بعد اللي صار امس وخصوصا انه للحين ماعرف وش يبغى فلاح برجوعه
انتبه لجواله رسايل وراء بعض
اصيل
هلا طلال
اسمع اكل عدل واطلع لاتجلس بالبيت لاترجع الا بوقت النوم
لاتفكر كثير باشياء مالها داعي وكل ماحسيت نفسك بتفكر بشي يضايقك اتصل علي او ارسل نقطه
انتهت الرساله عند هالعباره
فلاح اللي ركب السياره كان يراقب حركات طلال وانه تغير كثير كيف صاير شكله جسمه النحيف عوارضه وشعره اللي تاركه مهمل ومايرتبه رجفته وصوته المبحوح كان يشوف كلل التفاصيل الدقيقه بطلال تنهد اول ماوقف بالاشاره
طلال اللي كان بدوره مرتبك كم المده اللي كان بعيد عن فلاح ومايتواصل معه الا شوي من بعد ماخسر جاسر
فلاح قطع الصمت: وش حاب تاكل ؟
طلال بتفكير : ابغى مطعم كذا يعني فيه شوربه واكل دافي كذا يعني
فلاح ابتسم : وانا عرفت مكان يناسب طلبك بالضبط
طلال ابتسم بدوره بعد مرور مده وصلو للمطعم نزلو ودخلو لقسم الافراد
النادل: امروني ايش حابين تطلبون ؟
فلاح بداء يختار الاكل مثل ماكانو متعودين قبل يسافر بعد الاكل وقف طلال بيروح يغسل اختل توازنه كان ماشي وراه وسنده بسرعه
طلال بحرج: اسف
الشاب : ولايهمك شكلك تعبان انتبه لنفسك
طلال: شكرا
فلاح اللي وقف بخوف : طلال صار لك شي ؟
طلال : لا انا بخير
فلاح: تمام تعال نطلع يلا
طلعو وتوجهو للبيت
دخلو الشقه اللي كانت فاضيه محمد كان طالع
فلاح دخل الغرفه: تعال طلال
طلال دخل للغرفه: هلا
فلاح: بتبدل ؟
طلال: اي بلبس بجامه للنوم
فلاح : تمام بدل وتعال ابغى اتكلم معك شوي
طلال: تمام
بعد تبديل طلال رجع للغرفه من جديد فلاح كان جالس على السرير قرب منه ورفع الغطاء سند نفسه على الوساده
فلاح مد يده مسك يد طلال: قرب حط راسك هنا
طلال قرب من فلاح وسند راسه على صدره حس بهدوء وراحه عقله من مده طويله مشوش خايف متوتر متوحد منعزل وكثير اشياء صارت معه
فلاح بدا يلعب بشعر طلال: مستغرب رجوعي هنا
طلال: اي
فلاح: رجعت لاني كنت مقرر ارجع ونستقر انا وانت تعبت من التشتت اللي بينا من بعد وفاه امك وانا ضايع اهلكت نفسي بالشغل بس الحين سمعت عن اللي صاير لك وحالتك كيف بدت تتدهور وكل مره تكون اسوء علشان كذا انا رجعت وبنفس الوقت قبل رجوعي وصلني خبر مدري كيف اقول له لك
طلال بقلق : يبه شصاير ؟
فلاح: انت عندك اخ يا طلال
طلال رفع نفسه من فلاح: ايش !
فلاح: عندك اخ من امك وابوك بس انه عاش مع جدك بعيد عنكم وعلشان كذا ماكان معكم ولا عرفت عنه
طلال: ووينه ؟
فلاح؛ الى الحين ما اعرف وينه بس بحصل مكانه
طلال: ليه مارجع يدور علينا ؟
فلاح: اللي وصلني ان في شخص يدور عليك من ١٠سنوات اتوقع انه هو نفسه
طلال: اصغر مني ؟
فلاح هز راسه بنفي : لا اكبر
طلال تنهد ورجع راسه على صدر فلاح : يعني انت راجع الحين علشان تبلغني عن اخوي وترجع تختفي
فلاح حاوطه بيدينه: انا راجع اكون بجنبك ومعك بكل ايامك لحد مااموت
طلال غمض عيونه بقوه لموضوع الموت بدت الافكار تعصف بداخله * اخ ؟ وليه ابوي وامي ماقالو لي ؟ كيف كذا من بعد هالسنوات يطلع لي كيف رح اتقبله فرضا ماعجبني ولا حسيت براحه معه * ماحس بنفسه لما نام بوسط افكاره
فلاح عدل وضع طلال بالنوم وطلع من الغرفه محمد اللي كان واقف وساند ظهره على الباب التفت لفلاح
محمد: قلت لك مستحيل تجي بدون سبب بس انا اسف اني غلطت باستنتاجي
فلاح : بعد بكرا رح ننتقل كلنا
محمد رفع حاجبه بستنكار : ايش ؟ من يقول اني بنتقل
فلاح : انت كل سنتين تغير شقتك وهالمره رح ننتقل سوا لبيت مستقل ماقدر انتقل مع طلال بدون ماتكون انت بجنبه
محمد تنهد قبل مايتحرك بتجاه غرفته: بفكر اتركني يومي افكر
الصباح
صحى من النوم جلس على السرير ساند راسه على السرير يسترجع كلام فلاح
اخ ؟ معقوله عندي اخ وانا ما اعرف عنه حتى ولو المفروض ابوي وامي يقولون لي اخخ ؟ كيف كذا بعد هالعمر كله يطلع لي اخ كيف رح يتقبلني بعد اللي صاير لي وحالتي هذي قام من السرير ودخل للحمام غسل اسنانه ووجهه رتب نفسه للدوام وطلع
طلال بستغراب: محمد وين ابوي ؟
محمد: نايم
طلال: اها تمام اسمع اليوم بروح مشوار العصر فا لاتنتظروني للغداء واذا ابوي سال عني قول له ان دوامي صار متواصل واني بجلس
محمد بستغراب: وين بتروح طيب على الاقل قول لي علشان اتطمن
طلال كان متردد بس بالاول والاخير محمد اللي عطاه الدافع يروح : بروح للعياده ابي اكون بخير باسرع وقت
محمد ابتسم بحنيه : تمام انتبه لنفسك
طلع للدوام وهو ناوي يستئذن الساعه ٣ ويروح للعياده الساعه ٣ ادهم جمعهم بعد ماقفل المقهى
ادهم: بنقفل الحين لكم ساعتين اللي يبغى يستريح او يسوي اشغاله
كلهم راحو لغرفه التبديل
تميم : نايف تروح معي ؟
نايف : عادي لان ماعندي خطط اصلا
تميم التفت لطلال اللي ماكان معهم ابد : طلال تروح معنا ؟
طلال: لا روحو انتو انا عندي مشوار ضروري
بعد ماركب سيارته توجه للعياده وقف قدام باب العياده متردد يدخل او لا بس هو لازم يوصل للي يبغاه
دخل بعد ماتنهد للمره الالف من توتره وخوفه وارتباكه توجه لموظف الاستقبال: السلام عليكم
الموظف رفع راسه : وعليكم السلام ياهلا كيف اقدر اخدمك
طلال: ابغى اقابل دكتور اصيل
الموظف : عندك موعد معه ؟
طلال نسى هالنقطه: لا بس ابغى اقابله ضروري
الموظف رفع راسه لطلال: ايش اسمك ؟
طلال: طلال
الموظف فتح بيانات المرضى لاصيل وشاف تسجيل طلال بالنظام: اعتذر منك بس جدول دكتور اصيل مليان اليوم
طلال برتباك بدا يتوتر من المكان : مافي اي مجال ابد ؟
الموظف : دكتور اصيل بالاستراحه فيك تجلس تنتظره
اصيل اللي دخل من الباب وبيده كوب قهوه تفاجئ من وجود طلال ماكان يتوقع انه يرجع بسرعه بس ياترى ايش اللي جابه
طلال: ١٠ دقايق بس اوعدك انه١٠ دقايق
اصيل بتفاجئ: ١٠ دقايق ايش ؟
طلال: ابغى اتكلم معك ضروري
اصيل التفت للموظف : الحاله اللي بعد شوي فيك تاجلها لبكرا لان اتوقع للحين موصل صح ؟
الموظف استغرب تصرف اصيل: اي قال انه رح يتاخر لوقت
اصيل: اجل اتركه لبكرا تمام
الموظف : تمام
اصيل دخل للغرفه ووراه طلال اللي قفل الباب وتقدم من الطاوله
اصيل جلس : امرني
طلال: مايامر عليك عدو
اصيل: شفيك ؟ اهدى ولاترجف وتكلم معي قول لي ايش اللي تبغى تقوله
طلال بسرعه وكلام وراء بعض : امس عرفت ان عندي اخ مدري وينه وحتى هو مايعرف انا وين بس ما ابغى يشوفني بهالحاله ابيك تغيرني تخليني افضل عن اللي انا فيه الاوهام والخيالات اللي جالس اعاني منها ابي اتخلص منها ابي اعيش طبيعي بحيث لو قابلته ونمت معه ما اصحيه بصوت صراخي من الاحلام اللي تجيني ما اتكلم مع نفسي وانا معه ما اجرح نفسي والوم نفسي بسبب اشياء كثير ممكن ما اكون سويتها ابيه يقابل انسان غير عن اللي انا عليه الحين
اصيل ابتسم وهو يسمع كلام : طيب خذ نفس
طلال اخذ نفس اخيرا من بعد الكلام اللي قاله او بالاصح مايدري كيف قاله بدت يده ترجف مسك يدينه ببعض قبل مايرفع راسه وتتلاقى عيونهم
اصيل: كيف حاب انك تتعالج وتطلع من حالتك هذي ؟
طلال: اني * سكت فتره* راضي لو يوميا نلتقي بس المهم اني اتحسن
اصيل تغيرت تعابيره للجديه : متاكد ؟
طلال: اي متاكد
اصيل: تمام اجل تواصلك رح يكون معي بالواتس لاتحجز مواعيد من هنا تمام الا مره بالاسبوع
طلال كان مستغرب بس ماحب يدقق بالكلام او بالاصح هو مستعد يسوي اي شي علشان يتحسن : تمام
اهللللللين كيفكم 😍😍♥️ جايتكم بالبارت اليوم حماس عاد لاتقولون لا حتى انا مصدومه منه صح اني اللي كتبته بس احيان انصدم من افكاري 😂♥️
انتتتتتتتتتتظر تعليقاتكم وحماسكم ايش ممكن يصير لطلال بالمستقبل فلاح وقراره المفاجئ بالاستقرار ؟ وشراء بيت جديد
