رجع للشقه
ناظر ساعته بقلق سمع صوت الباب راح يركض للباب فتحه
محمد بستغراب لحاله اصيل: اصيل؟
اصيل تنهد بضيق: محمد هلا والله
محمد : طلال وين ؟
اصيل: طلع الصبح ولما اتصلت عليه قال انه مداوم
محمد بخوف قرب بغضب لاصيل ومسك رقبته بقوه : كيف تسمح له يروح كيف توافق انه يروح مجنون قلت لك لاتتركه يروح ويقابله
اصيل اللي اختنق وبعد محمد بالقوه بدا يكح : صحيت مالقيته وش اسوي حاولت اتصل عليه مارد علي
محمد طلع من المبنى بكبره بغضب : اكيد انه بشقتي
توجه لشقته بس توقعاته كلها غلط وين بيروح ؟ شقته وباعها كيف كذا وين بيروح حاول يتصل على طلال للمره الالف مارد عليه
اما بمكان بعيد عنهم
الطبيب : استاذ فلاح بيتبقى على علاجك شهر ونص ياليت تنتظم وماتهمل نفسك الاكل اللي تجيبه الطبيبه رح يساعدك
فلاح بتعب: شكرا دكتور
الطبيب ابتسم: رح تكون بخير يافلاح وترجع لولدك بس لازم انك تتعالج قبل
فلاح: اكيد دكتور
بشقه طلال
فتح عيونه بثقل يحس ببرد غريب رفع نفسه من الارضيه اخذ الجوال اللي طايح والظرف حطهم بجيبه وطلع من الشقه بعد ماقفلها بطريقه واجهه رجل كبير بالسن
الرجل: ياولدي وينك انت ؟
طلال التفت له واستغربه مايعرف من هذا الشخص: امرني ياعم
الرجل : ياولدي فقدتكم وفقدت حوستكم وهواشكم وينه صاحبك
طلال ابتسم بالم: سافر ياعم
الرجل: انتو بخير اهم شي ؟
طلال: اي بخير
الرجل : اكل عدل شكلك مو عاجبني عن قبل
طلال: تمام
تركه وراح
ركب سيارته وهو للحين يرجف يحس ببرد غريب البرد اللي يحس فيه قوي جمع يدينه ونفخ فيها شغل السياره والتكييف الحار توجه لبيت اصيل نزل من السياره وصعد للشقه
قبل فتره
دق الباب
اصيل فتح الباب : هلا محمد
محمد بحزن وضيق: اسف
اصيل: لاتعتذر ماسويت شي عارف ان كل ذا من خوفك عليه
محمد : ممكن ادخل
اصيل فتح الباب : تفضل البيت بيتك مايحتاج تستئذن
محمد دخل وجلس: ماوصلتو له؟
اصيل هز راسه بنفي : انا لو بس اعرف وينه
محمد: كنت متوقع انه بشقتي بس ماكان فيها وشقته اللي كانو ساكنين فيها باعها وين ممكن يروح
هادي: يمكن تقابلو برا
اصيل وهادي ومحمد اللي كانو جالسين
اصيل وقف اول ماسمع صوت الباب وراح يركض اول ماشافه ضمه بقوه
طلال اللي عيونه حمرا ومنتفخه مسك اصيل اللي اندفع له بقوه ابتسم بحزن: شفيكك قلت لك عندي دوام
اصيل ضرب كتفه: تكذب علي بعد
طلال ضحك: اسف
محمد اندفع له هو الثاني رفع يده بيضربه بس طلال مسكه قبل : كم مره قلت لك لاتقابله
طلال رفع راسه له: الحمدلله على سلامتك طيب
محمد بندفاع : ليه تقابله ؟
طلال: مالك شغل مو امر يخصني
محمد عقد حواجبه: طلال وش جالس تقول
طلال: لاتخاف مارح اتدمر او ارجع نفس قبل
محمد : بس وجهك يقول غير كذا هذي نفس البدايه انا عارفها عدل
اصيل وهادي كانو مستمعين
طلال اللي واضح من وجهه انه كان يبكي وحالته غريبه شفايفه بيضاء نزل جزمته ورفع نفسه: برد
انصدمو الجو دافي بالشقه معقوله برا برد ؟
اصيل مسكه : تعال بدل وارتاح
طلال تسند على هادي اللي كان اسم على مسمى كل تصرفاته وكلامه من اسمه
هادي مسكه: اصيل جيب ماي
اصيل اخذ كوب مويه وراح وراهم اما محمد اللي وقف عند الباب للحين يحاول يستوعب كلام طلال له معقوله عرف ؟ اننا كنا نخبي عنه
مدد نفسه بالسرير هادي اخذ اللحاف وحطه على طلال بعد فتره طلب واحد ثاني
اصيل قرب منه بمقياس الحراره بخوف : حرارته مرتفعه ؟
محمد : بروح اجيب له العلاج
هادي : بس هو لازم يروح المستشفى
محمد: مانقدر مايحب يروح للمستشفى
هادي : بس وضعه كذا غلط
اصيل : خلاص هادي بنتركه اذا ما انخفضت بحيب له الطبيب هنا
تنهد هادي بستسلام وشاف الساعه: بروح لامي اشوفها واجي تمام طمنوني اذا صار شي
بالليل
اصيل كان مداوم اما هادي بعد بدوامه محمد الوحيد اللي كان بالشقه
جلس على السرير يحس بحراره جسمه من بعد البرد وش صار لي ؟ انتبه للعلاجات اللي بجنبه مسك راسه بالم
طلال بصوت مبحوح: اصيل * سكت فتره* اصييل
محمد اللي كان على جواله انتبه لصوت طلال راح يركض للغرفه فتحها : صحيت ؟
طلال رفع راسه عقد حواجبه بنزعاج: اصيل وين ؟
محمد انصدم من اسلوب طلال الجاف معه: بالدوام
طلال : تمام
حاول يوقف بس تعثر مسكه محمد بسرعه بعد محمد عنه : بعد عني
محمد : شصاير طلال انت قابلته
طلال ابتسم بالم: وتسال بعد ؟
محمد : شقال لك ؟
طلال: اتوقع هالشي مايهمك ولا
محمد : طلال من حقي اعرف ليه انت تتصرف معي كذا
طلال * ليه اتعامل مع محمد كذا صدق هو حاول يحميني هو اللي كان بجنبي طول هالفتره بس هو نفسه خبى علي موضوع اهل جاسر * : اسف محمد
محمد استغرب التناقض اللي جالس يصير قدامه : اساعدك ؟
طلال: ابي بدله من الدولاب بتروش حر الجو
محمد: الجو مو حار انت اللي حرارتك مرتفعه وللحين مانخفضت
طلال: ماعليه بتروش
محمد طلع شورت دور تيشيرتات ماحصل راح لغرفه اصيل اول مره يدخلها انتبه للديكور الهادي ووالمريح كان بجنب سريره صوره لهم ال٣ وهم كبار وصوره لطلال وهو صغير ابتسم توجه للدولاب وحصل تيشيرت وسيع ابيض خذاه ورجع لغرفه طلال حط البدله على السرير وطلع
اما طلال اللي وقف تحت الدش * شصار لك ياطلال ليه تصرفاتك كذا انت ماعدت صغير لازم احد ينتبه له انت لازم تكون مسوول عن نفسك وتتحمل بس * وقف تفكيره عند هالنقطه غسل شعره وجسمه وطلع من الحمام تضايق من ان الشورت لنص الفخذ اكيد بيجيه اصيل يساله الحين بس لمتى بيخبي محمديعرف كل اسراره وتصرفاته لازم اخوه يعرفه بعد لبس وطلع للصاله
محمد: سويت لك توست وعصير برتقال لازم تشرب اشياء صحيه
طلال جلس ياكل بصمت انتبه لصوت جواله جات عينه بعين محمد اللي فهم عليه وراح للغرفه يجيب الجوال
محمد انتبه انه رقم معقوله هو نفسه ؟
طلال اخذ الجوال ورد : الو
فراس : هلا طلال كيفك
طلال: بخير الحمدلله وانت
فراس : بخير بس كنت بتصل عليك اعتذر ماكان
طلال قاطعه: بالعكس فراس انت سويت لي خدمه كبيره واسعدتني بهالشي
فراس ابتسم : تمام انتبه لنفسك ولصحتك انا بسافر يومين بس ارجع ابي التقي فيك تمام ؟
طلال: اكيد تمام
فراس سكر منه.
طلال: فراس اخو جاسر
محمد قلب عيونه بضيق: قلت لك انتظرني ماتقدر يعني
طلال ابتسم بعدها ضحك على حركه محمد : لا ماقدرت لاني عارف انك رح تمنعني مثل مامنعته يلتقي فيني من قبل
محمد بتافف : اوف منك خلاص ماصرت اعرف اتصرف معك بروح لشقتي انا
طلال ضحك: وانا ؟
محمد فتح الشقه وصدم باللي قدامه رفع راسه لاصيل اللي كان واقف بيدخل الشقه وبحلطمه: هذا اخوك جاك مايحتاج وجودي
طلال ماقدر يمسك نفسه من الضحك محمد تصرفاته صارت نفس تصرفات طلال اذا شاف محمد يطلع مع اصحابه كانه غيره على حب التملك
اصيل ابتسم لما سمع طلال يضحك : شكرا محمد
محمد : مو عشان سواد عيونه ترا بس يعني بروح لشقتي اجيب لي ثياب وانت انتبه له لايروح والا والله ليكون لي تصرف ثاني معك
دخل للشقه بعد ماودع محمد انتبه لطلال اللي جالس ومبدل ثيابه بس لفت انتباهه الجروح اللي برجل طلال
اصيل: وش هذي ؟
طلال كان ياكل وماجاوبه بس خلص اللي بفمه : جروح وش هذي
اصيل : عارف جروح من ايش ؟
سكت فتره وفتح عيونه بخوف ؛ ليكووون ؟
طلال ضحك عليه: وش فيكم انتو ردات فعلكم قويه اليوم
اصيل بجديه: ما امزح معك انا تكلم من ايش هذي
طلال: لما كنت بفتره التعب كنت اجرح نفسي بس لاتخاف دايم اكون سرحان ولا مو بوعيي
اصيل : اخر مره اشوف هالشي فاهم ؟
طلال: اوك اوكك ماقلت شي
اصيل: بروح ابدل واجي
طلال : تمامم
اصيل دخل لغرفته نزل ثيابه وفتح دولابه استغرب تيشيرته الابيض مو موجود العاده يكون موجود وهو مايحب احد يلعب باشيائه اخذ له بدله وطلع
اصيل: طلال انت داخل غرفتي ؟
طلال: لا
اصيل رفع حاجبه : والتيشيرت اللي عليك ؟
طلال ضحك: مو انا هذا محمد جابه لي
اصيل: اها
طلال : اي شفيك ؟
اصيل: لا ولاشي
دق جوال طلال خذاه وابتسم
طلال: هلااا بالغالي
فلاح : هلا بولد الغالي
طلال : اخبارك
فلاح: بخير توني خلصت جلستي واتمشى برا انت اخبارك ؟
طلال اقول له ولا : بخير انا مع اصيل الحين ساكن
اصيل اللي كان يسوي قهوته ؛ سلم عليه
طلال: يسلم عليك
فلاح: عطه الجوال
طلال: يبيك
فلاح انتظر ثواني لما سمع صوت اصيل
اصيل: هلا والله
فلاح : هلابك ياولدي اخبارك
اصيل صوته شباب كيف شكله بيكون : بخير
فلاح : اعرف انكم اخوان ومايحتاج اوصيك عليه بس انتبه له
اصيل ابتسم: لاتخاف ومن حقك توصيني عليه لانه بالاول والاخير انت اللي ربيته وكنت معه بوقت احنا ماكنا موجودين
فلاح ابتسم بمتنان: تمام عطني طلال
طلال: شقلت له ؟
فلاح ضحك: هذا غيره ولا ايش ؟
طلال: يبهه
فلاح: تمام يلا بروح انا انتبه لك وانتبه لخوانك وخليك معهم اما بالنسبه لمحمد متى مايجي او يروح اتركه
طلال: انت مادريت ؟
فلاح: ايش
طلال: واضح انه من اليوم بيكون معي ٢٤ ساعه صار يغار من اصيل واني معه اغلب الوقت
فلاح ضحك: تمام تمام يلا بسكر الحين وصح لاتنسى علاجك مع اصيل استمر فيه علشان بس ارجع كل واحد يحكي للثاني تمام
طلال: تمام يبه
سكر منه وهو يناظر الجوال
العلاج ؟ معقوله اقدر اكمله بس اللي صار اليوم للحين احس اني ماتخطيته اللي صار قبل سنه كل يوم احلم فيه كيف رح اتخطى ؟
يلا ايش توقعاتكم للجاي وايش ممكن يصير تغيير بالاحداث ♥️♥️
